エピソード
-
Lengjan - Dominos - WhiteFox & Skruf - Tuborg - Fjarþjálfun.is - Session Craft Bar - SuitUp Reykjavík.
Arnór Guðjohnsen þarfnast nákvæmlega engrar kynningar. Liðið hans er stútfullt af landsliðsmönnum, Heims- og Evrópumeisturum, fyrrum leikmönnum Real Madrid og Inter Milan og gulldreng Heimsmeistaramótsins. Í liðið komast t.d ekki leikmenn sem fengu gullskóinn á HM eða aðrir HM sigurvegarar. Góða skemmtun. -
Lengjan - Dominos - WhiteFox & Skruf - Tuborg - Fjarþjálfun.is - Session Craft Bar - SuitUp Reykjavík.
Almarr Ormars var hluti af gullkynslóðinni og styrkti stöðu okkar í u21 umspilinu gegn Skotum 2011 með einum mesti bylmingi sem Laugardalsvöllurinn hefur séð. Sú leið sem hann fetaði í framhaldinu fellir hann þó í kjölfarið því miður í týnda gullkynslóðarflokkinn sem Draumaliðið hefur margoft farið yfir. Leiðin hans var svo sem ekki svo slæm enda hefur hann verið einn af betri miðjumönnum Pepsi Deildarinnar undanfarin ár, orðið bikarmeistari þrívegis, spilað með fjórum liðum í efstu deild og er þar af leiðandi með þrusu draumalið. -
エピソードを見逃しましたか？
-
Lengjan - Dominos - WhiteFox & Skruf - Tuborg - Fjarþjálfun.is - Session Craft Bar - SuitUp Reykjavík.
The Kid from Mobile who dared to dream. Aron Jóhannsson hefur unnið hollensku bikarkeppnina, spilað í Evrópukeppnum, spilað í stórliði í Bundesligunni og er eini Íslendingurinn sem hefur unnið leik á Heimsmeistaramótinu í knattspyrnu. -
Vilhjálmur Hans Vilhjálmsson, VHV4, Villi Vill eða bara einfaldlega kóngurinn. Maðurinn sem hefur í áraraðir barist fyrir okkar virtustu mannréttindum á sér auðvitað knattspyrnuferil sem er litaður af frábærum sögum og góðri stemningu. Villi er Frammari og Köttari sem einnig lék með Víkingi Reykjavík og Hvöt á Blönduósi en vegna tímaeklu og skitu gleymdist algjörlega að ræða þann kafla og eru allir Blönduósingar (þó sérstaklega Pétur í Sörlaskjóli, Kristján Óli Sigurðsson og Sigvaldi Fannar Jónsson)beðnir innilegrar afsökunar á því. Villi á auk þess haug af unglingalandsleikjum fyrir Íslands hönd og hefur ýmsa fjöruna sopið þegar kemur að knattspyrnu hvort sem er innan eða utan vallar. Við ykkur kæru Draumaliðsaðdáendur segi ég einfaldlega, Auguri!
-
Þorvaldur Örlygsson á sennilega ein vanmetnustu félagsskipti síðari ára þegar KA seldi hann til þáverandi stórliðs Nottingham Forrest á Englandi. Hann varð fjórði Íslendingurinn til að skora þrennu fyrir landsliðið, fyrsti Íslendingurinn til að skora í Premier League, hefur sápað bakið á Brian Clough og átti þátt í því að Sir Alex Ferguson fékk ekki reisupassann frá Manchester United.
-
ATH - Hljóðið er í brasi fyrstu 19 mínúturnar en verður fullkomið eftir það. Afsakið þetta.
Luca Kostic mætti til landsins í mars 1989 og skrifaði undir hjá Þór Akureyri eftir 10 ára veru í efstu deild í Júgóslavíu. Síðan þá hefur hann unnið ótrúlegt starf fyrir íslenska knattspyrnu sem leikurmaður, þjálfari og í hæfileikamótun á ungum leikmönnum. Milli þess sem hann sagði frá Draumaliðinu sínu var ýmsum steinum veltum í tengslum við gullkynslóð íslenska landsliðsins sem Luca gaf mörgum hverjum sín fyrstu tækifæri í íslenska landsliðsbúningnum og snert á öðrum leikmönnum sem hefðu átt að meika það en gerðu ekki eða gerðu það á öðrum vígsstöðum #TyndaGullkynslodin. Virkilega fróðlegt og skemmtilegt spjall við mann sem þekkir knattspyrnuna inn og út og litið yfir rúmlega 30 ár af förnum veg í íslenskum fótbolta! -
Það eru fáir sem hafa spilað með jafn mörgum félögum úr Reykjavík í efstu deild eins og Fjalar Þorgeirsson. Hann er Þróttari að upplagi en spilaði auk þess með Fram, Fylki, KR og Val. Um aldamótin var hann varamarkmaður íslenska landsliðsins sem var hæsta mögulega staða sem aðrir markmenn en Árni Gautur Arason gátu hugsað sér en á árunum sem fylgdi var hann alltaf trúr sínu uppeldisfélagi og landsliðsþjálfararnir lítið að horfa til botnbaráttunnar í efstu deild eða íslensku b deildarinnar en okkar maður var þó alltaf og lengi síðar einn altraustasti markmaður sem deildin hefur séð. Að öllum líkindum með öruggt sæti í Draumaliði þeirra leikmanna sem aldrei unnu stóran titil á ferlinum. Fjalar er reyndar aðallega drulluskemmtilegur og sagði góðar sögur þegar hann valdi Draumaliðið sitt
-
Helgi Valur Daníelsson er fæddur í Uppsala, ólst upp á Selfossi en mætti sprækur í Lautina 12 ára gamall hvar hann er auðvitað goðsögn. Helgi fór ungur að árum til Peterborough United þar sem hann lærði að drekka og spila fótbolta en kom aftur heim endanlega 22 ára og spilaði með Fylki í þrjú ár áður en hann hélt aftur í atvinnumennsku sem stóð svo yfir í tæp 10 ár í Svíþjóð, Þýskalandi, Portúgal og Danmörku. Helgi Valur er um margt ólíkur steríótýpunni af fótboltamanni og hann gerði upp ferilinn í hreinskilnu, einlægu en fyrst og síðast virkilega skemmtilegu spjalli þar sem hann fór meðal annars yfir ljóðið sem hann samdi í tilefni 75 ára afmælis Alþýðusambandsins og þegar hann reyndi að gefa Jimmy Bullard á kjaftinn.
-
Það má færa sterk rök fyrir því að Davíð Þór Viðarsson sé besti leikmaður Íslandsmótsins frá upphafi. Hann kom 17 ára gamall með FH upp í efstu deild og hefur verið fastamaður og fyrirliði í liðinu síðan þá ef frá eru talin tvö þriggja ára stopp í atvinnumennsku. Hann varð einu sinni bikarmeistari og 8 sinnum Íslandsmeistari og náði því magnaða afreki að pirra hvern einasta andstæðing FH hvort sem var inn á vellinum eða uppi í stúku. Sennilega skilgreiningin á mest óþolandi mótherja sem nokkur leikmaður gat mætt en frábær náungi fyrir FH og einnig aðra eftir að hann lauk ferlinum.
-
Bjarni Guðjóns er einn af þremur bestu miðjumönnum efstu deildar síðastliðin 15 ár. Á undan því var Bjarni atvinnumaður í Englandi, Þýskalandi og Belgíu, var góðvinur Temuri Ketsbaia sem gekk eftirminnilega berserksgang á St. James's Park, æfði með háöldruðum Taribo West og kynntist Vahid Hashemian í Bochum sem hefur ekki riðið neitt sérstaklega feitum hesti í Draumaliðinu hingað til. Bjarni er Skagamaður sem er einhvern veginn orðinn KRingur. Bjarni elskaði að spila með Mihajlo Biebercic sem kann segir mikla tilfinningaveru sem elskar að skora mörk en Bjarni er fyrst og fremst bara legend og stillti upp geggjuðu Draumaliði og rúllaði yfir skemmtileg móment frá ferlinum í mjög skemmtilegu spjalli. Njótiði vel.
-
Ef Gunnar Oddsson væri bandarískur íþróttamaður myndi hann bera gælunafnið Iron Man. Frá júlí 1990 til ágúst 2000 spilaði Gunnar alla deildarleiki sem í boði voru í efstu deild á Íslandi, 186 leiki talsins, en hann varð síðar leikjahæsti leikmaður efstu deildar frá upphafi og er í dag í þriðja sæti á þeim lista. Hann er goðsögn í Keflavík og vel metinn hjá KR og Ólafsfirði en fyrst og síðast er hann einn albesti leikmaður sem efsta deild á Íslandi hefur séð en þess til vitnis má nefna að geitin úr röðum blaðamanna og höfundur íslenskrar knattspyrnu Víðir Sigurðsson valdi hann í besta lið síðustu fjögurra áratuga.
-
Gunnar Heiðar Þorvaldsson er ekkert eðlilega skemmtilegur FyrirgosEyjamaður sem á virkilega vanmetinn feril að baki. Hann vann bæði gull- og silfurskó í Allsvenskunni, spilaði í Bundesligunni, á kvarthundrað landsleiki og færði Eyjamönnum sinn fyrsta bikar í tæp 20 ár þegar hann sneri aftur heim úr atvinnumennsku. Frábært Draumalið sem The Gun setti saman úr miklum fagmönnum, þrír Champions League finalists, einn merkilegasti karakter knattspyrnusögunnar og margir hæfileikaríkir skildir útundan.
-
Gary John Martin er án nokkurs vafa mest ræddi leikmaður síðasta áratugs í efstu deild á Íslandi. Drengurinn frá Darlington hefur spilað með 5 félögum á Íslandi og einnig spilað í Englandi, Danmörku, Ungverjalandi, Noregi og Belgíu. Hann mætti í Draumaliðið og gaf okkur sitt teik á íslenska boltanum sem hann hefur gríðarlega gaman af, fór yfir erfiðustu andstæðingana, bestu leikina og valdi auðvitað Draumaliðið sitt.
-
Atli Jóhannsson er Eyjamaður sem spilaði einnig með KR og er goðsögn í Stjörnunni. Atli spilað í 15 ár á Íslandi, allt í efstu deild og var einn yngsti leikmaðurinn til að ná þeim áfanga að spila 200 leiki í efstu deild. Hann lagði skóna 33 ára gamall á hilluna vegna meiðsla en hafði fram að þeim tíma afrekað hluti sem aðra leikmenn getur aðeins dreymt um eins og að dekka Mateo Kovacic, fara taplaus í gegnum heilt tímabil og að æfa með Jóni Kára Eldon.
-
Eftir að hafa jafnað sig á því áfali að vera rekinn úr KR í 7. flokki lék Indriði Sigurðsson 65 landsleiki fyrir íslenska landsliðið og var í 15 ár í atvinnumennsku í Noregi og Belgíu. Hann var orðaður við Manchester United og fór á trial til Liverpool og PSV áður en hann skrifaði undir hjá Lilleström í Noregi eftir að hafa 17 ára gamall spilað ágætis hlutverk í frægu Íslandsmeistaraliði KR og átti síðar eftir að spila með belgíska stórliðinu Racing Genk, undir stjórn King Henning Berg hjá Lyn og að lokum í 6 ár í Íslendinganýlendunni Viking frá Stavanger en í millitíðinni missti hann t.d. af samningi hjá Southampton þar sem klúbburinn tók þá umdeildu ákvörðun að veðja á annan vinstri bakvörð. Hann spilaði með haug af stjörnum og leikmönnum sem meikuðu það og eru jafnvel ennþá í hæstu hæðum í heimsfótboltanum. Indriði mætti ferskur og sagði geggjaðar sögur á sama tíma og hann valdi Draumaliðið sitt frá ferlinum.
-
Bjarni Þór Viðarsson sat á bekknum í Premier League og var í fjögur ár hjá Everton áður en hann var á mála hjá Twente í Hollandi, liði sem varð Hollandsmeistari eftir að Bjarni hafði sett mark sitt á liðið og yfirgefið klúbbinn. Frá Hollandi tók Bjarni stökkið yfir í efstu deild Belgíu þar sem hann mætti tilvonandi leikmönnum belgísku gullkynslóðarinnar hverja helgi áður en hann kláraði ferilinn með danska smiðnum, Henrik "Tømrer" Pedersen, páfuglinum sjálfum frá Bolton Wanderes, í slöku liði Silkeborg í Danmörku. Bjarni á auk þess einhverja 60 leiki fyrir yngri landslið Íslands þar sem hann var fyrirliði íslensku gullkynslóðarinnar en í dag er hann mögulega frekar hluti af hinni týndu gullkynslóð sem Draumaliðið hefur veitt sérstaka eftirtekt. Bjarni er þó fyrst og síðast skemmtilegur og mikill toppmaður sem tók vel í þau endalausu name drop sem var hent í hann í þættinum.
-
Kristinn Tómasson er markahæsti leikmaður Fylkis á Íslandsmóti en fyrsta markið skoraði hann einungis 17 gamall, algjörlega lygilegt mark í anda Dennis Bergkamp sem reyndist sigurmark Fylkis gegn FH og hrifsaði Íslandsmeistaratitilinn úr höndum FHinga. Árin á eftir raðaði Kristinn inn mörkunum og hélt alltaf tryggð við uppeldisklúbb sinn. Því er um að ræða enn eitt draumaliðið frá á a one club legend (mínus eitt season í Fram undir restina)og því kjörin hlustun fyrir alla Fylkismenn. Allez Oranje!
-
Andri Geir Gunnarsson, annar af þáttastjórnendum Steve Dagskrá, veit allt um takkaskó auk þess að vera einn af dáðustu sonum ÍH. Hann hefur upplifað tímana tvenna, enda af týndu gullkynslóðinni auk þess sem hann söðlaði um á yngri árum og skipti úr uppeldisfélagi sínu Haukum yfir í stjörnumprýtt lið Breiðabliks í 3. flokki. Andri fór yfir bestu samherja sína, gleðistundirnar og sorgirnar, í almennu luppgjöri sínu við fótboltann og lífið hjá Draumaliðinu.
-
Kári Árnason teikaði gullkynslóðina tæplega þrítugur eftir slitróttan landsliðsferil og hefur átt stóran þátt í mesta blómaskeiði íslenska landsliðsins. Kári hefur þess utan átt virkilega skemmtilegan feril í atvinnumennsku þar sem hann hefur spilað í Skandinavíu, Skotlandi, ensku neðri deildunum, Kýpur og Tyrklandi. Kári er fullkominn viðmælandi fyrir Draumaliðið, einstaklega skemmtilegur og hreinskilinn og Draumaliðið hans var eftir því.
-
Logi Ólafsson er einn af örfáum þjálfurum á Íslandi sem hefur orðið Íslandsmeistari með karlalið og kvennalið ásamt því að hafa þjálfað íslenska A landslið karla og kvenna. Logi er auðvitað einn fyndnasti maður landsins og sagði mér ekkert eðlilega fyndnar sögur í tæplega tvo klukkutíma frá þjálfaraferlinum og hann valdi byrjunarlið af bestu leikmönnum sem hann þjálfaði frá ferlinum, sitt Draumalið.
- もっと表示する
