Episodes
-
Helga Sverrisdóttir er kona hokin af reynslu. Hún ólst upp á miklu menningarheimili þar sem norrænu áhrifin voru ríkjandi. Hún hefur lagt mikinn metnað í að fæða og klæða sitt fólk og gerir það af stakri prýði. Mikið svakalega var gaman að spjalla við þessa flottu konu og lífskúnstner.
-
Orkuverið og fjöllistadísin Eva Laufey Kjaran gerði sér ferð í höfuðstöðvar Bragðheima þar sem hún jós úr brunni sínum líkt og rósakáls súpunni sem hringir inn jólin á Akranesi. Ferðalagið hennar Evu, klassíkin hennar Evu og jólabakstur með Evu.
-
Sigríður Kjaran Magnúsdóttir er ekkert eðlilega sjóuð og skemmtileg manneskja, með mikla reynslu og brennandi áhuga á matargerð. Hún hefur búið út um allan heim og sömuleiðis starfað í eldhúsum víða um heim. Sigríður er mjög nýtin, sniðug og iðin í eldhúsinu og haxmundarnir vella svoleiðis uppúr henni!
-
Við fáum að kynnast Siffa Haralds sem hefur heimsótt hátt í 600 veitingastaði hér á landi á síðustu 5 árum. Hröð en ítarleg yfirferð um helstu hverfis-laumurnar í Reykjavík og nágrenni, nýir eigendur á Yndisauka, njálgur á Kaffi Laugalæk og fleira sniðugt!
-
Bragðheimar eru uppi með sér eftir áhrifamikið spjall við ástríðukokkinn Pöttru Sriyanonge, sem deilir með hlustendum sinni listrænu nálgun á matreiðslu. Pattra elst upp við tælenska matargerð og sækir áhrifin mikið þaðan. Áhrifin sækir hún einnig frá þeim löndum sem hún hefur búið í, en þau eru ansi mörg. Pattra deilir með okkur rosalegum uppskriftum, Haxmundi Axeli og ýmsu fleira sem þú vilt ekki missa af.
Þátturinn er í boði Brauð & co, Blómstra, Ölgerðarinnar og Krónunnar.
-
Landsmót kássa og hægeldunar, Reykjavík Fusion og öll smjör ástin með flottustu Unni Birnu Backman. Stútfullur þáttur af kennsluefni og elegans!
-
Hvað borðar meistari í matarmenningu í þynnkunni? Stefnir ísbíllinn í gjaldþrot og afhverju er enginn að fá sér kókflot í dag? Fyrir hvað standa samtökin "slow food" og hvernig má það vera að þau standa ekki fyrir hægeldun?
-
Fanney Dóra er kokkur á heimsmælikvarða. Hún segir okkur frá ævintýrum sínum hjá Jamie Oliver og skólar okkur til í ostum, brauðtertum og íslenskum kryddjurtum. Hún segir meðal annars frá þeirri vannýttu auðlind sem grásleppan er, og hvernig hægt er að nýta hana til góðs. Ofboðslega fróðlegt og skemmtilegt spjall við þennan landsliðskokk sem hefur marga fjöruna sopið.
-
Snerpa, gæði og matarleiðsögn í boði áhrifavaldsins og framkvæmdastjórans Guðnýjar Ljósbrár.
-
Við fengum loksins að kynnast drottningu heimilishaldsins, Sólrúnu Diego. Hvernig viðhelduru vikumatseðli, signature eftirréttur Sólrúnar, heimilismatur æskunnar, endalaust af Haxmundum og svo margt fleira. Skemmtilegt og einlægt spjall með þessari góðu geit.
-
Sax, sull og stemning með Haxmundi Tæknitæfudóttur. Anna Fríða Gísladóttir, kom sá og saxaði. Endurmörkun sólþurrkaða tómatsins, framandi mömmumatur og endalaus stemning.
-
Loksins er siðferðislega samþykkt að versla við Melabúðina á ný. Smakkland á Laugavegi 55, endurmörkun svínsins og ný gildi Bragðheima á haustönnn 2024.
-
Bragðheimabínurnar Eva & Solla líta yfir farinn veg og þræða leiðina norður yfir alvöru mauli. Hvar er best að stoppa á leiðinni norður, er gott að dæna á Akureyri og afhverju er enginn veitingastaður búinn að bjóða okkur út að borða? Standard, takk!
-
Þráinn Freyr Vigfússon, stjörnukokkur og Michelin stjörnugrís mætti til Bragðheima brussanna og upplýsti um eitt og annað í heimi veitingageirans.
-
Maul & baul með samfélagsrýnunum Oddi & Lollu sem sitja ekki á skoðunum sínum þegar kemur að matargerð og trendum í veitingageiranum í Reykjavík. Hvað borða forsetaframbjóðendur ársins 2024 og hvern eigum við eiginlega að kjósa?
-
Slatti af lauk, mikið af cabaret og dass af skinku fyrir doktorinn. Hvert fer hann út að borða, hvað finnst honum best og hvað verður hann að eiga heima hjá sér? Fáránlega skemmtilegt spjall við hlaðvarpskónginn Hjörvar Hafliða.
-
Afhverju er svona vondur matur í Finnlandi og Noregi og hvar er langbest að dæna í París? Hvers vegna er bekkurinn alltaf betri en sætið á veitingastöðum og hvernig er að vera grænmetisæta á tímum kjötætunnar?
-
Særingarmenn dusta rykið af skikkjunum og kíkja í áhrifavaldaboð, kryfja brunch leikinn, hylla tiktok eldamennsku og fara á bólakaf í stóra djúpsteikingarpottinn við Ingólfstorg.
-
Matgæðingurinn og átvaglið Ársæll (Addi Intr0Beatz) mætti með kennslugleraugun í stúdíó Bragðheima. Tælensk matargerð, leynimatseðill á Fönix, Haxmundur Axel: þrýstipotturinn og svo margt fleira.
-
Er úti um framtíð matarbloggsins? Uppskrift af besta lasagna sem þú munt smakka, hvert er leyndarmál svörtu ólífunnar, Víkingur Heiðar bjórsali og svo margt fleira á vínargalsa Bragðheima!
- Show more
