Bölümler
-
Miðvikudagur 12. júní
Heima er bezt - Jóhann Jakobsson
Jóhann Jakobsson æfði fótbolta bæði með George Best og Sir Bobby Charlton. Eins undir stjórn Hemma Gunn. Sögur af fótbolta og sögur frá Akureyri. -
Eksik bölüm mü var?
-
Miðvikudagur, 22. maí
Heima er bezt - Helgi Máni Sigurðsson
Helgi Máni Sigurðsson er gestur Heima er bezt að þessu sinni. Mest er talað um trébáta síðustu aldar og eins nokkuð um fornbáta. Helgi Máni hefur frá mörgu að segja. -
Miðvikudagurinn 15. maí
Heima er bezt - Bjarki Bjarnason
Mosfellingurinn Bjarki Bjarnason, rithöfundur og sagnamaður, er gestur Sigurjóns í þættinum Heima er bezt. Þeir ræða stríðsminjar, sögur af Halldóri Laxness og margt fleira. Tveir sagnamenn að segja sögur. -
Miðvikudagur 8. maí
Heima er bezt - Helgi Pétursson
Helgi Pétursson tónlistarmaður og formaður Landssambands eldri borgara er gestur í Heima er bezt að þessu sinni. Barátta fyrir hagsmunum eldra fólks á hug hans allan. Auk þess að ræða um þá baráttu verður einnig talað um árin hans í Ríó tríóinu og sorgleg endalok þeirrar sveitar. -
Heima er bezt, 24. apríl
Jakob Frímann Magnússon
Jakob Frímann Magnússon er gestur Sigurjóns M. Egilssonar í þættinum Heima er bezt, sem er á dagskrá klukkan tíu í kvöld. Þeir ræða stjórnmálin og tónlistin kemur einnig við sögu. Stórtónleikar eru fram undan og ýmislegt fleira er í farvatninu. Jakob Frímann hefur frá mörgu að segja og margt fólk ber á góma. -
Heima er bezt, 10. apríl
Níels Árni Lund
Hann ólst upp á Melrakkasléttu og heldur mikilli tryggð við æskustöðvarnar. Hefur skrifað bækur um Melrakkasléttuna og gert upp æskuheimilið. Níels Árni Lund er viðmælandi í Heima er bezt að þessu sinni. -
Heima er bezt, 3. apríl
Trausti Valsson
Trausti Valsson arkitekt og skipulagsfræðingur sýnir fram á að um 80 prósent þjóðarinnar býr við margskonar náttúruógnir. -
Ólína Kjerúlf Þorvarðardóttir, prófessor og þjóðfræðingur, er gestur í Heima er bezt að þessu sinni.
Ólína hefur frá mörgu að segja. Meðal annars kveður hún rímu í þættinum.
Margt ber á góma. Svo sem þátttaka hennar í stjórnmálum sem og í björgunarsveitum. -
Heima er best, 13. mars
Gunnar Hjördísarson
Gestur Heima er bezt að þessu sinni er Gunnar Hjördísarson gítarsmiður. Sigurjón M. Egilsson er stjórnandi þáttarins.
Þeir ræða um æskuna, sjómennsku og gítara. Gunnar hefur smíðað þá ófáa.
Hann segir meðal annars frá vandræðum við að komast á sýningu í Bandaríkjunum.
Bæði Gunnar og Sigurjón er aðdáendur Bítlanna. -
Heima er bezt - NÝR ÞÁTTUR
6. mars - Harpa Þórsdóttir
Fyrsti þáttur Heima er bezt á Samstöðinni: Gestur þáttarins er Harpa Þórsdóttir þjóðminjavörður. Harpa bjó í Þjóðminjasafninu fyrstu sjö ár ævi sinnar. Hún hefur sterkar taugar til safnsins. Harpa og Sigurjón M. Egilsson tala um gildi safna og umfang Þjóðminjasafnsins. -
Baráttan um Bessastaði
Sigurjón Egilsson og Stefán Pálsson rifja upp átök, sigra og ósigra í forsetakosningum hér á landi. Framundan er ný barátta um Bessastaði. -
Svanur Gísli Þorkelsson er gestur Sigurjóns í þættinum Miðjan á miðvikudegi. Svanur er mikill áhugamaður um sögu lands og þjóðar. Hefur skrifað margar frásagnir.
-
Þröstur Ólafsson hagfræðingur hefur sent frá sér bókina, Horfinn heimur. Þar fjallar Þröstur um margt sem hefur farið hátt og eða haft mikil áhrif á okkur sem þjóð.
Þröstur er gagnrýnin á menn og málefni. Bókin er skemmtileg og vel upp sett. Þröstur er gestur þáttarins; Miðjan á miðvikudegi. -
Jón Steinar Gunnlaugsson er gestur Sigurjóns M Egilssonar í nýjasta þætti Miðjan á miðvikudegi
Þeir tala um Hæstarétt og lögmennsku. Einnig um Eimreiðarhópinn, vinslit Jóns Steinar og Davíðs Oddssonar svo fátt eitt sé nefnt. -
Miðjan 22. nóv ´23 - Jón Steinar Gunnlaugsson
-
Miðjan á miðvikudegi, 15. nóvember.
Gestur þáttarins að þessu sinni er Gunnþór Sigurðsson. Gunnþór starfar í Pönksafninu í Bankastræti. Eflaust er hann réttur maður á réttum stað.
Gunnþór eru sögumaður góður. Hann er sonur Sigurðar Ólafssonar, söngvara og hestamanns, og þá um leið er Gunnþór bróðir Þuríðar Sigurðardóttur. -
Miðjan á miðvikudegi
Gestur okkar að þessu sinni er Stefán Pálsson sagnfræðingur. Rætt er um blaðamennsku Gísla J. Ástþórssonar. Gísli var frumkvöðull í mörgu. Segja má að íslenskir fjölmiðlar hafi verið of smáir fyrir Gísla.
Hann var afbragðsteiknari og skóp persónuna Siggu Viggu. Sigga Vigga og tilveran var frábær í höndum Gísla. Gísli setti sinn svip á íslenska fjölmiðla.
Miðjan á miðvikudegi er í umsjón Sigurjóns M. Egilssonar ritstjóra Miðjunnar, miðjan.is. -
Miðjan á miðvikudegi, 25. október.
Gestur þáttarins er Sandra B. Franks formaður Sjúkraliðafélags Íslands. Hún segir okkur meðal annars að það vanti marga sjúkraliða til starfa. Á sama tíma eru þúsundir sem hafa menntað sig til starfsins starfandi í allt öðrum störfum. Hvers vegna? Launin eru svo lág. - Daha fazla göster
