Episodes
-
In de twintigste uutzending van Huus en Hiem praoten we mit Jelke Nijboer.
Jelke is wethoolder in Ooststellingwarf en verantwoordelik veur sport, onderwies en wonen.
We praoten over et wark van een wethoolder. Wat doej’ zo op een dag, in een weke. En waoromme hi’j keuzen het veur de PVDA as zien perti’je.
Jelke vertelt waor as de gemiente doende mit is op et gebied van onderwies, wonen en sport.
Hi’j vient et hiel belangriek dat de jeugd him bi’j een woningstichting inschrieft, omredens ie de jeugd zo in een dörp holden kunnen.
We praoten ok over et geld dat vanuut de perveensie an et Stellingwarfs spendeerd wod. Neffens Jelke en vule aanderen et gebrek an geld, aj’ de ni’je taelnota 2025-2028 lezen. Et leste woord is hier dan ok nog niet over vallen as et an Jelke ligt. -
In de achtiende uutzending van Huus en Hiem praoten we mit Thomas Rovers. Thomas maekt mit zien bedrief Story Driven films en dokementaires.
Veur de Schrieversronte het Thomas et kienderboek ‘Daor klept de klokke weer’ verfilmd. Een histories verhael over de Stellingwarven in de middelieuwen.
Over et Fochtelervene het Thomas een dokementaire maekt ‘van iestied naor wieshies’.In de uutzending praoten we over disse projekten en ere projekten die Thomas daon het en nog doende mit is.
Daor Klept De Klokke Weer (youtube.com)Et Fochtelervene - Van Iestied Naor Wieshied (een documentaire over het Fochteloërveen) (youtube.com)
-
Missing episodes?
-
In de zeuventiende uutzending van Huus en Hiem praoten we mit Peter Hiemstra. Peter is keunstener en veurzitter van keunstroute Eupen Stal in Berkoop.
Eupen Stal is de ooldste keunstroute van Nederlaand en bestied al 53 jaor.
Peter nimt oons mit in et onstaon van de route en verteld wat d’r dit jaor op et pergramme staot.
Et thema van 2024 is Droomland. Eupen Stal is te daegeliks te bezuuken van 27 juli tot en met 25 augustus tussen 13.00 en 18.00 ure. -
In de zestiende uutzending van Huus en Hiem ontvangen we Harmen Houtman in de studio.
Harmen is al 52 jaor ant schrieven. In meert van dit jaor het hi’j veur zien hiele euvre de H.J.Bergveldpries uutriekt kregen.
Harmen is een veulziedige schriever. Zo schrieft hi’j kotte verhealen, gedichten, meziekteksten en revu’s. Dit doet hi’j in et Stellingwarfs, Nederlaans en en Fries. We praoten over zien wark en kommen tot de ontdekkingdat Harmen daegeliks twie uren schrieft en dat hi’j produktiever is as ooit.We verrassen him mit et ni’je liet dat Lammy Bruyns maekt het op een tekst van Harmen zels, "Rapide".
-
In de vuuftiende uutzending van Huus en Hiem ontvangen we Lammy Bruyns in de studio.
Lammy speult al sund heur zesde jaor op de accordeon. Dit gong niet onverdienstelijk. Zi’j het tal van Friese en Nederlaanse kampioenschoppen wonnen.We praoten over meziek en de ontwikkeling an heurzels as muziekaant.
Hiel biezunder is dat Lammy een ni’j nummer maekt het op een tekst van Harmen Houtman. ‘Rapide’ dit nummer speult ze veur et eerst in oonse uutzending. Een primeur!
Nao et luusteren het Lammy nog een peer toevoegings:-Corry de Reuver= Annie de Reuver
-Wedstrijd Oosterwolde = Appelscha
-David Hartsema- Lenny Kuhr- De Troubadour- winnaresSongfestival
-De 1ste leraar was Chris de Vries uit Noordwolde
-De chauffeur was Piet Schulting uit Noordwolde.
-Holtpae = De Hoeve
-
In de veertiende uutzending van Huus en Hiem ontvangen we Désiree Dijkstra van Stichting Stiekm Trots.
De stichting is opricht om ondernemers uut Weststellingwarf an mekeer te bienden en om te laoten zien waor awwe as Stellingwarvers trots op wezen meugen.
D’r is een webstee mit een protte infermosie over ondernemers, aktiviteiten in de regio en tips om te doenaj hier wonen of op vekaansie binnen. Kot leden is d’r een tiedschrift uutbrocht waor ok een protte van disse infermaosie in te vienen is. Mooi om van Désiree te heuren dat et broest in de Stellingwarven en dawwe daor hiel trots op meugen wezen.
-
In de datiende uutzending van Huus en Hiem gaon we bi’jPieter Jonker langes.
Pieter is ien van de oprichters van de Stellingwarver Schrieversronte en is uuteindelik 32 jaor warkzem veur deStichting west. Hi’j vertelt over et wark dat hi’j in die tied daon het.
Now is Pieter al jaoren aktief mit Stichting Nobilis. Op De Fochtel is een centrum veur prentkeunst woar Pieter now al zien energie kwiet kan. We hebben een alderaorigstgesprek mit disse taelveurvechter zoas hi’j himzels nuumt. -
In de twaelfde uutzending van Huus en Hiem ontvangen we Attie Nijboer.
Attie is hiel aktief mit de Stellingwarver tael. Zi’j schrift gedichten over aktualiteiten en zaeken die as heur bezig holden. Ze is spreekster bi’j uutveerten en dot dit op verzoek ok in et Stellingwarfs. En ze zit in de warkgroep ‘Alles rondom Taal’ van stichting Kunstwerf. Kotomme d’r is genoeg stof om over te praoten mit Attie. -
In de elfde uutzending van Huus en Hiem ontvangen we Geert Lantinga.
Geert is een echte netuurman. Hi’j kan prachtig vertellen over alles wat gruuit en bluuit in de Stellingwarven. Naost al disse kennis is Geert ok slim intereseert in de geschiedenis.In de uutzendig praot hi’j over de bewoningsgeschiedenis van de Stellingwarven en over de ontwikkeling van debojem. De bojem kan een protte vertellen over een streek en kan verklaoren waoromme een gebied d’r now zo uutziet.
-
In de tiende uutzending van Huus en Hiem ontvangen we Roelof en Sjoukje Bakker van museum ’t Kiekhuus uut Wolvege. ’t Kiekhuus is gien gewoon museum, Roelof en Sjoukje wonen in et pand en as bezuker kuj’ een kiekien in hun huus nemen.
Ze verzaemelen veur oorlogse spullen en in de meeras 35 jaor dat ze verzaemelen, hebben ze een een protte ruumtes vult. Zo kuj’ onder aandere een schoelelekaol, een krudenierszaeke en segare winkeltien bekieken. Naostet museum bin d’r een protte aandere aktiviteiten die as ze organiseren. De muuite van et luusteren, mar zeker ok een bezoek weerd.
-
In de negende uutzending van Huus en Hiem ontvangen we Freddie de Vries.
Freddie is een echte netuurman. Hi’j geft rondleidings deur et Fryske Gea, het een protte verstaand van voegels en schrieft verhaelen in et Stellingwarfs o.a. veur de Ovend, de Voegelwacht en et dörpsblad van Holtpae.Bi’jkotten komt zien twiede boek mit verhaelen uut.
-
In de achtste uutzending van Huus en Hiem ontvangen we Jan Oosterhof.
Jan is een duuzendpoot kiekend naor al zien aktiviteiten. Hi’j omschrieft himself as streektaelsneuper, meziekvreter, onderwiesbeest, taelstoeier, humorgraaier en femilieman. D’r is dus genoeg stof tot praoten mit Jan. -
In de zeuvende uutzending van Huus en Hiem ontvangen we Johan Veenstra.
Johan is ien van de boegbeelden van de Stellingwarver tael en het een dudelike miening over et gebruuk van et Stellingwarfs.Daornaost praoten we over zien schrieveri'je , zien veurliefde veur et vertellen van verhaelen en waor as hi'j zien inspiraosie vot haelt.
-
In disse vuufde uutzending van Huus en Hiem gaon we bi’j AgeethBos op schoele langes.
Ageeth warkt in et onderwies en is arg aktief mit de Stellingwarver tael. Zi’j het een kursus maekt veur kiender van et Comprix College. In een aantal maonden leren de kiender de tael lezen, schrieven en praoten en ontdekken ze meer overet gebied waor as ze wonen. Daornaost geft ze ok Stellingwarfse kursussen anvolwassenen en zit ze in et bestuur van de Schrieversronte. -
In de vierde uutzending komt Marjolein Spitteler in destudio om te vertellen over et Stellingwarfs in et basisonderwies. Marjolein is koördinator van et hiemkunde projekt De Veerkieker. Zi’j nemt oons mit in et ontstaon en de inhold van dit projekt en ere aktiviteiten die organiseert wodden veur kiender rondom kultuur en tael in de Stellingwarven.
-
In de vuufde uutzending van Huus en Hiem gaon we bi’jSjoukje Oosterloo thuus langes.
Sjoukje schrieft kotte verhaelen in et Stellingwarfs. Daornaost vertaelt zi’j wark van aanderen naor et Stellingwarfs en korrigeert zi’j vule wark dat uutgeven wod. Sjoukje kan prachtig vertellen over dit alles en het een dudelike miening over et Stellingwarfs en elkeniene die as et praot. -
In disse dadde uutzending komt Karst Berkenbosch in de studioom te vertellen over zien schrieveri’je zien meziek, zien kabberetveurstellings, zien interesse in et Stellingwarfs en et gebied van de Stellingwarven. Karst loopt graeg deur dit gebied en schrieft hier ok over.
-
Abel Darwinkel vertelt in disse uutzending over et onstaon en et doel van de Stichting Stellingwarver Schrieversronte.
Abel is direkteur van de SSR. Hi’j nemt oons mit in deaktiviteiten van de SSR now en in de toekomst.
-
In disse uutzending wod praot mit Henk Bloemhoff over zien relaosie mit et Stellingwarfs. Henk vertelt over et ontstaon en de ontwikkeling van et Stellingwarfs. Der wod ophelderd of et Stellingwarfs now een dialekt of tael wezen zol en ant aende dot hi’j een veurspelling veur de toekomst van et Stellingwarfs.
-
7. Koos kan niet tegen zien verlies
- Show more
