Эпизоды

  • Plata þáttarins sem við heyrum amk. þrjú lög af er platan Boston með hljómsveitinni Boston frá Boston. Platan kom út 25 ágúst 1976 fyrir 45 árum rétt rúmum. Gestur þáttarins að þessu sinni er enginn en vinur þáttarins sendir pistil og lag og óskalagasíminn opnar kl. 20.00 - 5687123. Boston er fyrsta plata hljómsveitarinnar Boston og er frábær rokkplata. Forsprakki hljómsveitarinnar, gítarleikarinn Tom Scholz og upptökustjórinn John bOylan stjórnuðu upptökujm plötunnar saman og Það verður að segjast eins og er það er listilega vel gert. Scholz hafð lagt stund á píanóleik frá barnsaldri og fór svo að reyna fyrir sér í músíksenunni í Boston þegar leið á sjöunda áratuginn. Hann fór að semja lög og taka upp demó í kjallaranum heima hjá sér ásamt söngvaranum Brad Delp. Þeir sendu demóin sín hingað og þangað en var allstaðar hafnað þangað til Epic Records bitu á agnið 1975 og þeir þurftu ekki að sjá eftir því. Platan kom út í ágúst 1976 eins og áður sagði og sló strax sölumet. Hún varð best og mest selda fyrsta plata hljómsveitar í sögu bandarískrar útgáfusögu. Lagið More than a feeling er þekktasta lagið á plötunni og var gríðarmikið spilað í útvarpi um allan heim og heyrist enn reglulega á rokkstöðvum víðsvegar um heiminn, eins og reyndar fleiri lög af plötunni. Platan þykir hafa elst vel og hefur selst í meira en 20 milljónum eintaka.

  • Пропущенные эпизоды?

    Нажмите здесь, чтобы обновить ленту.

  • Plata þáttarins sem við heyrum amk. þrjú lög af er meistaraverkið Nevermind með Nirvana sem kom út þennan dag árið 1991, fyrir 30 árum sléttum. Gestur þáttarins að þessu sinni er enginn en vinur þáttarins sendir pistil og lag og óskalagasíminn opnar kl. 20.00 - 5687123. Nevermind er önnur hljóðversplata hljómsveitarinnar Nirvana og hún er hvorki meira né minna en 30 ára gömul í dag. Hún kom út 24. Nóvember 1991. Platan er öllu aðgengilegri og ?útvarpsvænni? en fyrsta platan; Bleach, sem kom út tveimur árum fyrr og þar á upptökustjórinn Butch Vig ansi stóran part, en hann stjórnaði upptökum á Nevermind. Trommarinn Dave Grohl var nýkominn inn í bandið þegar platan var gerð, Dave sem hefur leitt Foo Fighters síðasta aldarfjórðunginn eða svo. Platan var tekin upp í maí og júní 1991 í tveimur hljóðverum; Sound City Studios í Kaliforníu, og Smart Studios í Madison í Wisconsin, en Butch Vig kemur þaðan. Hann er líka þekktur fyrir að vera trommari hljómsveitarinnar Garbage. Kurt Cobain forsprakki Nirvana var ekki mikið fyrir að fela áhrifavalda sína. Hann var mikill Bítlamaður þegar hann var strákur og hélt mest upp á Lennon. En síðar komu svo sveitir eins og Pixies, R.E.M., the Smithereens, og Melvins sem höfðu áhrif á hann og Nevermind. Hann vildi blanda saman popp-melódíum og grjóthörðum gítar-riffum. Hann lét hafa eftir sér á sínum tíma að með Nevermind hafi hann viljað blanda saman áhrifum frá popp-hljómsveitum eins og The Knack og Bay City Rollers við rokk hljómsveita á borð við Black Flag og Black Sabbath. Platan hefur að geyma hart ruddalegt gruggrokk en í raun eru margar stefnur og margir stílar á plötunni. Bandið vissi þegar verið var að taka plötuna upp að hún yrði vel heppnuð, en það bjuggust ekki margir við gríðaregri velgengni hennar. Í janúar 1992, nokkrum mánuðum eftir að hún kom út settist hún í toppsæti vinsældalistans í Bandaríkjunum og um það leyti seldust um það bil 300.000 eintök af plötunni á viku. Myndbandið við lagið Smells like teen spirit var mikið sýnt á MTV og lagið náði hæst í sjötta sæti vinsældalistans. Þrjú önnur lög af plötunni voru gefin út á smáskífum; Come as You Are, Lithium, og In Bloom". Nevermind er risastór varða í rokksögunni, líkast til mikilvægasta plata 10unda áratugarins og X-kynslóðarinnar og ein mikilvægasta plata rokksögunnar. Á sama hátt er lagið Smells like Teen spirit risi meðal risa. Hún er líka ein mest selda plata sögunnar, hefur selst í meira en 30 milljónum eintaka. Henni var árið 2004 bætt við hljóðritasafn Bandaríska þingsins sem safnar menninga

  • Plata þáttarins sem við heyrum amk. þrjú lög af er Guns?n Roses platan Use your Illusion sem kom út þennan dag árið 1991, fyrir 30 árum sléttum. Gestur þáttarins að þessu sinni er enginn en vinur þáttarins sendir pistil og lag og óskalagasíminn opnar kl. 20.00 - 5687123. Use Your Illusion kom út sama dag og systurplatan; Use Your Illusion II og þetta þótti dálítið merkilegt á sínum tíma. Aðdáendur Guns?n Roses biðu í ofvæni eftir þessum plötum enda bandið þarna á hátindi frægðar sinnar. Og svo kom þessi líka svakalegi pakki ? tvær plötur (diskar) stútfullar af músík. 16 lög á Use Your Illusion I og 14 á númer II. 30 lög í það heila. Use Your Illusion I fór hæst í annað sæti Bandaríska vinsældalistans en hin platan fór alla leið á toppinn. Plöturnar seldust báðar gríðarlega vel og hafa í dag selst í meira en sjöfaldri platínu. Use Your Illusion var tilnefnd til Grammy verðlauna 1992 í flokknum Best Hard Rock Performance ásamt Moneytalks með AC/DC, Man in The Box með Alice in Chains og For Unlawful Carnal Knowledge með Van Halen sem hlaut verðlaunin, sem hljómar eins og brandari í dag. Það man enginn eftir þeirri plötu. Á Use You Illusion plötunum var Gun?s Roses orðið sex manna band. Matt Sorum sem áður var í Cult var tekinn við trommukjuðunum af Steven Adler sem var rekinn úr hljómsveitinni fyrir sukk, og hljómborðsleikarinn Dizzy Reed hafði bæst í hópinn. Það er sama harða rokkið á Use Your Illusion plötunum og var á Appetite for Destruction, en þeir voru líka óhræddir við að feta nýjar slóðir og á plötunum er blús, pönkrokk og stórar píanóballöður í bland við klassískt þungarokkið.

  • Plata þáttarins sem við heyrum amk. þrjú lög af er fyrsta plata Kings of Leon, Youth and Young Manhood sem kom út árið 2003 ? fyrir 18 árum. Gestur þáttarins að þessu sinni er enginn en vinur þáttarins sendir pistil og lag og óskalagasíminn opnar kl. 20.00 - 5687123. Youth & Young Manhood kom út 7. júlí 2003 í Bretlandi en 19. ágúst sama ár í bandaríkjunum. Platan var tekin upp í nokkrum hljóðverum í Bandaríkjunum; Sound City Studios í Van Nuys, Shangri-La Studios í Malibu og Ocean Way í Nashville. Lögin Molly's Chambers, Wasted Time og California Waiting voru öll gefin út á smáskífum meðfram ítgáfu stóru plötunnar og vöktu þónokkra athygli á þessum ungu mönnum frá Nashville. Þrír eru bræður, þeir Caleb Followill, Jared Followill, Nathan Followill og svo er Matthew Followill frændi þeirra. Platan fékk góða dóma þegar hún kom út, fékk 79 í einkun hjá Metacritic og það var talað um hana sem eina bestu frumraun hljómsveitar í heilan áratug. Hún lenti í 10. sæti yfir bestu plötur ársins 2003 hjá Rolling Stone og í 7. sæti hjá NME. Platan náði hæst í 3. sæti breska listans en ekki nema 113. sæti í Ameríku.

  • Plata þáttarins sem við heyrum amk. þrjú lög af er Tatto You, átjánda hljóðversplata Rolling Stones, kom út 24. Ágúst 1981 ? fyrir 40 árum og þremur dögum. Gestur þáttarins að þessu sinni er enginn en vinur þáttarins sendir pistil og lag og óskalagasíminn opnar kl. 20.00 - 5687123. Já við tökum ofan fyrir Charlie Watts í Füzz í kvöld með því að velja plötu með Rolling Stones plötu þáttarins og spila af henni nokkur lög auk þess sem Birgir Baldursson trommuleikari flytur okkur pistil um Charlie og minnist hans. Tatto You er virkilega fín plata og það er svolítið merkilegt í ljósi þess að hún hefur að geyma hin og þessi lög sem hljómsveitin hafði tekið upp áratuginn á undan en ekki sett á plöturnar sínar. Þetta er hrærigrautur af afgöngum í rauninni. En á tatto You er líka að finna eitt þekktasta lag Rolling Stones, lagið Start me Up sem náði öðri sæti bandaríska vinsældalistans á sínum tíma. Rolling Stones spilaði mikið á þeim tíma þegar þessi plata var að fæðast og bæði það og ósamkomulag milli manna í hljómsveitinni olli því að það var erfitt að gera þessa plötu og ekki mikil stemning fyrir því að koma saman og semja ný lög. Þess vegna var farið í að skoða gamlar upptökur, demó og hálfkláruð lög frá fyrri upptökulotum undanfarins áratugar og ýmislegt tínt til. Svo mættu menn í hljóðver þegar þeir máttu vera að og eða voru í stuði til þess og gerðu sitt til að klára þessi mikið til gömlu lög. Þarna samanstóð bandið af Mick Jagger, Keith Richards, Bill Wyman, Charlie Wattas og Ron Wood, en Mick Taylor sem sagði skilið við bandið í desember 1974 spilar í tveimur lögum á plötunni og annað þeirra er hið frábæra Waiting on a friend. Hljómborðs og píanóleikararnir Nicky Hopkins, ian Stewart og Billy Preston spila líka á plötunni. Platan fékk frábæra dóma þegar hún kom út og seldist líka vel, fór á toppinn á bandaríska vinsældalistanum t.d. og var síðasta plata Rolling Stones til að komast á toppinn þar. Árið 1989 þegar níundi áratugurinn var gerður upp af Rolling Stone tímaritinu lenti Tatto You í 34. Sæti yfir bestu plötur áratugarins. Og 2003 setti Rolling Stone hana í 211. sæti yfir bestu plötur allra tíma. Platan fékk Grammy verðlaun á sínum tíma fyrir umslagið.

  • Plata þáttarins sem við heyrum amk. þrjú lög af er Mighty Rearranger, áttunda sólóplata Robert Plant sem kom út 25. Apríl 2005, en Robert Plant á afmæli í dag, hann er 73 ára. Gestur þáttarins að þessu sinni er enginn Vinur þáttarins sendir pistil og lag og óskalagasíminn opnar kl. 20.00 - 5687123. Mighty ReArranger er önnur platan sem Robert Plant gerði með hljómsveitinni sinni sem hann kallaði Strange Sensation, en þar voru innanborð margir góðir menn. Þetta er ekki hreinræktuð rokkplata eins og sumt af því sem Plant hafði gert áður heldur er þarna að finna blöndu af rokki, þjóðlagatónlist og heimstónlist - sem er kannski lýsing á því sem Led Zeppelin gerði best meðan sú merka sveit var og hét. Plant er heimspekilegur í mörgum textum plötunnar, er að velta fyrir sér trúmálum, örlögum, pólitík og mystík ýmiskonar. Í einu laga plötunnar, Freedom Fries er hann að velta fyrir sér utanríkisstefnu Bandaríkjanna í kjölfar 11. September 2001 svo dæmi séu tekin. Mighty ReArranger náði 4. sæti breska vinsældalistans og 22. Sæti í Bandaríkjunum. Platan var tilnefnd til tvennra Grammy-verðlauna; Best Solo Rock Vocal Performance fyrir lagið Shine It All Around og Best Hard Rock Performance fyrir Tin Pan Valley. Plant kom með hljómsveitinni sinni hingað til lands 22. apríl 2005, aðeins nokkrum dögum eftir að platan kom út og spilaði fyrir fullri Laugardalshöll. Hér fyrir neðan er lagalistinn: No Quarter (Led Zeppelin) Shine It All Around Black Dog (Led Zeppelin) Freedom Fries That's the Way (Led Zeppelin) Tin Pan Valley Takamba Gallows Pole (Led Zeppelin) Mighty ReArranger When the Levee Breaks (Led Zeppelin) Uppklapp: Babe, I'm Gonna Leave You (Led Zeppelin) The Enchanter Whole Lotta Love (Led Zeppelin)

  • Plata þáttarins sem við heyrum amk. þrjú lög af er Dance of Death, þrettánda stúdíóplata Iron Maiden sem kom út 8. September 2003. Gestur þáttarins að þessu sinni er enginn og vinur þáttarins erí sumarfríi en óskalagasíminn opnar kl. 20.00 - 5687123. Dance of Death er önnur plata Iron Maiden sem kom út eftir að söngvarinn Bruce Dicksinson og gítarleikarinn Adrian Smith komu aftur inn í bandið 1999 eftir að hafa hætt nokkrum árum fyrr. Platan er merkileg fyrir margra hluta sakir. Hún hefur t.d að geyma eina lag hljómsveitarinnar sem trommarinn Nicko McBrain er meðhöfundur í. Og svo er á þessari plötu líka eina órafmagnaða lag Iron Maiden. Upptökustjóri plötunnar er Kevin Shirley sem gerði líka með sveitinni plötuna Brave New World árið 2000 og hefur unnið Maiden að öllum þeirra plötum síðan. Platan seldist vel þegar hún kom út og fékk yfirleitt góða dóma. Hún náði 18. Sæti vinsældalistans í Bandaríkjunum en 2. Sæti heima í Bretlandi og 1. Sæti í Svíþjóð, Ítalíu og Finnlandi t.d.

  • Hulda Geirsdóttir hafði umsjón með Fuzzinu þetta kvöldið og lék fjölbreytta rokktónlist úr öllum áttum fyrir hlustendur. Lagalisti - 06.08.21. Stone Roses - Love spreads. Def Leppard - Pour some sugar on me. EGÓ - Fjöllin hafa vakað. Led Zeppelin - Whole lotta love. Oasis - Some might say. Nirvana - Smells like teen spirit. Soundgarden - Fell on black days. Ómar Ragnarsson - Limbó, rokk og tvist. Nykur - Illskufullar kenndir. Foo Fighters - Miss the misery. Kolrassa krókríðandi - Ljáðu mér vængi. Metallica - Nothing else matters. Friðryk - Í kirkju. KISS - Lick it up. Heart - Barracuda. Janis Joplin - Me and Bobby McGee. Dimma - Ljósbrá. Volbeat - A warrior's call. Týr - Ormurinn langi. The Vintage Caravan - Midnight meditation. Traveling Wilburys - Handle with care. HAM - Partýbær. ZZ Top - Tush. R.E.M. - Its the end of the world as we know it. Muse - Uprising. Greta Van Fleet - When the curtain falls. Rainbow - Since youve been gone. Loverboy - Working for the weekend. Mammút - Salt.

  • Gestur þáttarins að þessu sinni er tónlistarkonan Gunnar Salvarsson Bítlatímasérfræðingur með meiru. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Rattus Nornegicus, fyrsta breiðskífa hljómsveitarinnar Stranglers. Þessi tímamótaplata kom út 15. Apríl árið 1977 þegar pönkið var að riðja sér til rúms í Bretlandi og Stranglers er yfirleitt talin meðal helstu pönksveita Bretlands en sitt sýnis hverjum um það í dag eins og alla tíð. Platan seldist vel þegar hún kom út og er ein mest selda pönk-plata sögunnar. Platan átti upphaflega að heita Dead on arrival en nafninu var breytt á síðustu stundu í latínuheiti rottunar sem býr t.d. í holræsunum ? Rattus Norvegicus. Platan var tekin upp á einni viku og hefur að geyma það sem var á efnisskrá hljómsveitarinnar á tónleikum á þessum tíma. Upptökustjóri plötunnar sem er látinn hét Martin Rushent en hann var líka t.d. með Human League og Buzzcocks. Platan lenti í 10. Sæti yfir plötur ársins hjá NME á sínum tíma og lagið Peaches af plötunni í 18. Sæti yfir lög ársins. Síðar setti NEM plötuna í 196. sæti yfir bestu plötur allra tíma og hún er á fullt af allskyns listum sem hinir og þessi fjölmiðlar hafa gert gegnum tíðina yfir bestu plötur sögunnar, þetta er plata sem hafði áhrif á margt sem á eftir henni kom. Á Rattus Norvegicus er Stranglers sándið komið fullskapað; Taktfastar trommur, lítill gítar, dansandi hljómborð og kraftmikill bassi JJ. Burnell. Platan inniheldur nokkur af þekktustu lögum Stranglers sem eru enn á tónleikaprógrammi sveitarinnar sem er enn starfandi. Lög eins og Peaches, (Get a) Grip (on yourself) og Hanging around.

  • Gestur þáttarins að þessu sinni er tónlistarkonan Elíza Newman. Hún mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Band on the run, þriðja breiðskífa hljómsveitarinnar Wings sem Paul McCartney leiddi á sínum tíma, en Paul á afmæli í dag, er 79 ára gamall. Platan kom út í desember 1973 og er fimmta platan sem Paul gaf út eftir að hann hætti í Bítlunum í apríl 1970. Platan seldist bara þokkalega í byrjun en það eru tveir smellir á henni sem hjálpuðu upp á söluna, titillagið Band on the run og Jet. Og Þegar árið 1974 var gert upp kom í ljós að Band on the run var mest selda plata ársins í bæði Bretlandi og Ástralíu. Enn þann dag í dag þykir Band on the run besta plata McCartney eftir Bítlana. Megnið af plötunni var tekið upp ío hljóðveri EMI í Lagos í Nígeríu. Paul vildi taka upp einhverstaðar þar sem hann hefði ekki unnið áður og helst á einhverjum exótískum stað. Skömmu áður en lagt var upp í ferðalagið til Lagos hættu trommarinn Denny Seiwell og gítarleikarinn Henry McCullough í hljómsveitinni. Paul hafði ekki tíma til að finna nýja menn í þeirra stað áður en upptökur hófust og þau fóru bara þrjú til lagos; Paul, Linda eiginkona hans og hljómborðsleikari Wings, og gítarleikarinn Denny Laine. Paul spilar allan bassa á plötunni, en líka á trommur og slagverk auk þess sem hann spilar megnið af gítarnum líka. Þegar þremenningarnir kom til Lagos kom í ljós að hljóðverið var ekki alveg eins gott og hafði verið haldið fram og það hafði áhrif á upptökuferlið. Ástandið í Nígeríu var líka slæmt á þessum tíma og kvöld eitt voru Paul og Linda rænd. Menn vopnaðir hnífum hótuðu að drepa þau ef þeir fengju ekki allt sem þau voru með. Í einni töskunni sem þau voru með voru textar sem Paul var búinn að semja fyrir plötuna og demó upptökur. Platan var kláruð í London, mestmegnis í Air hljóðverinu. Árið 2000 setti tímaritið Q saman lista yfir 100 bestu bresku plöturnar og þar lenti band on the run í 75. sæti. Og á lista Rolling Stone yfir 500 bestu plötur sögunnar er band on the run í sæti 418.

  • Gestur þáttarins að þessu sinni er Lárus Jóhannsson ? Lalli í 12 Tónum. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er tímamótaplata Tejas, fimmta hljóðversplata ZZ Top sem kom út í nóvember 1976. Tejas kemur úr máli Caddo ættbálksins sem voru frumbyggjar í Ameríku á Texas svæðinu. Tejas þýðir vinir og nafnið Texas kemur frá þessi orði - Tejas. Þegar þessi plata kom út var sveitin búin að senda frá sér eina plötu á ári frá 1971 og Billy Gibbons söngvari og gítarleikari ZZ Top hefur sagt um þessa plötu að sándið þeirra hafi soldið breyst með þessari plötu. Tækninni hafði fleygt fram árin á undan og þeir voru með betri og fleiri græjur í hljóðverinu þegar þeir voru að taka upp og það hafði áhrif á hvernig bandið hljómaði. ZZ Top er enn starfandi og sami mannskapur í sveitinni og gerði fyrstu plötuna 1971; Frank Beard (trommur), Dusty Hill (bassi) og Billy F. Gibbons (gítar og söngur). ZZ Top hefur reyndar ekki sent frá sér plötu síðan 2012 en það er plata í farvatninu og Billy Gibbons hefur sent frá sér þrjár sólóplötur á undaförnum árum. Sú nýjasta heitir Hardware og kom út núna 4. júní sl. Hún er til umfjöllunar í Rokklandi á sunnudaginn. Tejas fór hæst í 17. sæti bandaríska vinsældalistans þegar hún kom út. Frank Beard trommuleikari ZZ Top á afmæli í dag. Hann er 72 ára.

  • Gestur þáttarins að þessu sinni er Jakob Smári Magnússon bassaleikari með meiru. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er tímamótaplata Deep Purple, In Rock sem kom út 5. júní 1970. Þessi plata er svo sanarlega ein af stóru vörðum rokksögunnar, ein af stærstu plötum þungarokksins. Hún er fjórða plata Deep Purple en markaði nýtt upphaf með nýjum mannskap og breytti gangi rokksögunnar þegar hún kom út. Á In Rock kemur saman í fyrsta sinn það sem hefur verið kallað Mark II skipan hljómsveitarinnar; Ritchie Blackmore (gítar), Ian Gillan (söngur), Roger Glover (bassi), Jon Lord (orgel) og Ian Paice (trommur). Vinna við plötuna hófst skömmu eftir að þeir félagrnir Ian Gillan og Roger Glover gengu til liðs við hljómsveitina í júní 1969, í Hanwell Community Centre. Það var ákveðið fyrirfram að tónlistin yrði hávær og heví, eins og tónleikar sveitarinnar þóttu. Platan var tekin upp í ýmsum hljóðverum í London á milli tónleikaferða og hljómsveitin notaði hljóðprufur fyrir tónleika til að slípa lögin til. Deep Purple sló í gegn í Evrópu með In Rock og platan fór hæst í 4. Sæti breska vinsældalistans þegar hún kom út og var á listanum í meira en ár. Fyrri plötur Deep Purple með upphaflegu liðsskipaninni hafði verið betur tekið í Ameríku.

  • Gestur þáttarins að þessu sinni er Grímur Atlason framkvæmdastjóri Geðhjálpar. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er fyrsta plata Creedence Clearwater Revival sem er samnefnd hljómsveitinni. Hún kom út þennan dag fyrir 53 árum eða árið 1968 auk þess sem John Fogerty leiðtogi sveitarinnar á afmæli í dag, hann er 76 ára. Hann var 22 ára þegar þessi fyrsta plata Creedence kom út. Creedence Clearwater Revival hét upphaflega The Golliwogs og Golliwogs var búin að gefa út slatta af lögum á sjöunda áratugnum áður en nafninu var breytt í Creedence Clearwater Revival og fyrsta stóra platan kom út. Árið 1967 keypti Saul nokkur Zaentz plötufyrirtækið Fantasy Records sem hafði gefið út allar litlu plöturnar með Golliwogs. Hann hafði trú á hljómsveitinni og bauð strákunum að taka upp og gefa út stóra plötu ef þeir myndu breyta nafni hljómsveitarinnar. Það var þá sem þeir tóku upp nafnið Creedence Clearwater Revival. Við þessa breytingu tók John Fogerty eiginlega við stjórn hljómsveitarinnar. Hann samdi öll lögin, hann söng og hann stjórnaði upptökunum, en í Golliwogs hafði Tom bróðir hans verið söngvarinn. Platan náði 52. sæti bandaríska vinsældalistans á sínum tíma, seldist þokkalega en gagnrýnendur voru þeim ekki mjög hliðhollir. Í dómi í Rolling Stone segir gagnrýnandi að eini ljósi punkturinn í hljómsveitinni sé John Fogerty. Hann sé yfir meðallagi söngvari og þokkalegur gítarleikari en þar með sé það upptalið. Trommarinn er mónótónískur, bassalínurnar lítið spennandi og ryþmagítarinn heyrist varla. Í seinni tíð hafa dómar verið aðeins jákvæðari þó svo flestir séu sammála um að lagasmíðar Fogerty?s áttu eftir að vrða mun betri á plötunum sem fylgdu í kjölfarið, en John Fogerty samdi næstum öll lögin á öllum sjö plötum Creedence Clearwater Revival.

  • Gestur þáttarins að þessu sinni er Ólöf Erla Einarsdóttir myndlistarkona og grafískur hönnuður. Hún mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Origin of Symmetry, önnur plata hljómsveitarinnar Muse, en hún kom út 17. Júlí 2001 fyrir bráðum 20 árum. Titill og concept plötunnar kemur frá eðlisfræðingnum Michiko Kaku, úr bók hans Hyperspace. Platan náði þriðja sæti breska vinsældalistans þegar hún kom út og fjögur lög af henni voru gefin út á smáskífum; Plug In Baby, New Born, Bliss, og Hyper Music / Feeling Good. Lög voru að mestu samin í tónleikaferðinni sem sveitin fór til að fylgja eftir fyrstu plötunni; Showbiz. Lagið Feeling Good er gamalt lag sem samið var fyrir Broadway söngleik árið 1964 og Nina Simone var fyrst til að taka þáð upp fyrir plötuna I Put a Spell on You árið 1965. Upptökur fóru fram í Ridge Farm Studios í vestur Sussex og Real World Studio í Wiltshire, en líka í hljóðveri Davids Gilmour úr Pink Floyd sem er í raun húsbátur og heitir Astoria. Og það var líka tekið upp í Richmond Studios og Abbey Road í London og Sawmills Studio í Cornwall og platan var mixuð í Sawmills. Það voru tveir upptöustjórar með Muse á plötunni, David Bottrill sem hefur unnið með mörgum á löngum ferli og svo John Leckie sem líka hefur stjórnað upptökum á mörgum plötum og gerði fyrstu plötuna með Muse. Platan náði 3. Sæti breska vinsældalistans og 161. sæti í Bandaríkjunum.

  • Gestur þáttarins að þessu sinni er Ragnar Þór Ingólfsson formaður VR. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Everybody Knows This is Nowhere, önnur sólóplata Neil Young, en hún kom út þennan dag árið 1969. Everybody Knows This Is Nowhere er tímamótaplata, fyrsta platan sem hann gerir með hljómsveitinni Crazy Horse sem hefur fylgt honum síðan og gert með honum 12 hljóðversplötur og nokkrar tónleikaplötur. Það eru fjögur lög á plötunni sem hafa verið tiðir gestir á tónleikaprógrami Neil allar götur síðan platan kom út, lögin Cinnamon Girl, Down by the River, titillagið og Cowgirl in the Sand. Og það sem meira er, Neil samdi þau öll sama daginn þegar hann var veikur með næstum 40 stiga hita. Platan fór hæst í 34. sæti bandaríska vinsældalistans þegar hún kom út en hefur selst jafnt og þétt síðan hún kom út. Árið 2003 lenti í hún sæti 208 á lista Rolling Stone yfir 500 bestu plötur sögunnar og þegar listinn var uppfærður 2020 var hún komin í sæti 407. Og í bók Colin Larkin sem kom út árið 2000 og heitir All Time Top 1000 Albums lenti platan í 124. sæti.

  • Gestur þáttarins að þessu sinni er Eva Ásrún Albertsdóttir ljósmóðir, söngkona og fyrrum útvarpskona hér á Rás 2. Hún mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Nirvana Unplugged sem kom út 1. Nóvember 1994, en núna 8. Apríl sl. voru liðin 27 ár frá því Kurt Cobain söngvari og gítarleikari Nirvana stytti sér aldur á heimili sínu í Seattle í Bandaríkjunum. Hann var 27 ára gamall. Á þeim tíma sem þessir Unplugged tónleikar Nirvana voru teknir upp fyrir MTV var ?Unplugged? eða órafmagnað allsráðandi, það voru allir að taka upp og spila órafmagnað og MTV var fremst í flokki þessarar Unplugged bylgju sem gekk út á að spila án rafmagnsgítara og háværra rokkhljóðfæra. Þetta kallaði á að listamennirnir þurftu að bera sig öðruvísi að en þeir voru vanir og oft að útsetja lögin sín upp á nýtt. Tónleikarnir voru sýndir á MTV 16. desember 1993 og seinna gefnir út á DVD og geisladisk og vinyl. Nirvana ákvað að spila ekki eingöngu frumsamin lög fyrir MTV heldur kryddaði dagskrána með lögum eftir aðra listamenn sem Kurt Cobain hélt uppá; Vaselines, David Bowie, Lead Belly, og Meat Puppets auk þess sem meðlimir Meat Puppets, bræðurnir Cris og Curt Kirkwood stigu á svið með hljómsveitinni og spiluðu með í þremur lögum, en Nirvana og Meat Puppets voru að túra saman um þessar mundir. Kurt var stressaður fyrir þessa tónleika og þegar upptökum var lokið var hann ekki ánægður, honum fannst þeim hafa mistekist það sem þeir voru að reyna að gera, en aðdáendur í salnum aðrir sem heyrðu og sáu þetta síðar voru í skýjunum. Þessir tónleikar þykja ein af vörðum rokksögunnar. Nirvana æfði í tvo daga fyrir upptökurnar og þær gengu freka illa segir sagan. Sá sem stjórnaði upptökum fyrir MTV var óánægður með lagavalið, fannst vanta fleiri af þekkstustu lögum Nirvana og hann var ekki sáttur við gestina úr Meat Puppets, hann hefði viljað fá aðra og þekktari gesti. Daginn fyrir upptökur sagðist Kurt svo ekki vilja gera þetta, vildi hætta við alltsaman. Hann mætti reyndar daginn eftir en var ekki í góðu formi og stemningin í stúdíóinu var frekar stíf. Það flugu engir brandarar, það var enginn sem brosti og sviðsmyndin var eins og í vel skreyttri jarðarför. Það voru allir á nálum. Kurt Cobain var látinn þegar tónleikarnir komu út á CD og platan fór beinustu leið í toppsæti bandaríska vinsældalistans og seldist gríðarlega vel. Platan skilaði Nirvana líka einu Grammy verðlaunum sínum, en þeir fengu Grammy fyrir han

  • Gestur þáttarins að þessu sinni er myndlistarmaðurinn Jón Óskar. Hann mætir með uppáhalds Rokkplötuna klukkan 21.00. Vinur þáttarins sendir pistil og lag og óskalagasíminn opnar kl. 20.00 - 5687123. Plata þáttarins sem við heyrum amk. þrjú lög af er Who are you, áttunda breiðskífa ensku rokksveitarinnar The Who. Hún kom út 18. ágúst 1978 og er síðasta plata The Who sem trommarinn Keith Moon spilar á. Þegar þessi plata kom út var pönkið búið að vera í algleymingi í Bretlandi. The Who var ein af fyrirmyndum pönkaranna en Who átti erfitt með að fóta sig í þessari nýju veröld og platan er full af allskonar krúsídúllum og daðrar við progg-rokk. Það er mikið af syntheseizerum á plötunni og minna rokk en oft áður hjá The Who ? sem er jú ein merkasta rokksveit sögunnar og enn starfandi. Trommarinn Keith Moon var ekki í góðu stand þegar platan var tekin upp, var búinn að fara illa með sig lengi með áfengi og eiturlyfjum og hann lést aðeins þremur vikum eftir að platan kom út, úr ofneyslu lyfs sem heitir Heminevrin og hann notaði til að losna undan bakkusi. Hann var 32 ára gamall þessi fyrrum frábæri trommuleikari sem hafði undir það síðasta tapað niður miklu af því sem hann gat þegar hann var upp á sitt besta. Platan náði 2. sæti á bandaríska vinsældalistanum þegar hún kom út og 6. sæti í Bretlandi. Lang þekktasta lag plötunnar er titillagið sem er jafnframt lokalag plötunnar; Who are you. Margir tengja það við sjónvarpsþættina CSI en lagið er notað sem einkennislag þáttanna. Það hefur líka verið notað í fjölda annara sjónvarpsþátta gegnum árin.

  • Plata þáttarins sem við heyrum amk. þrjú lög af er Black and Blue, þrettánda breiðskífa Rolling Stones. Hún kom út fyrir nákvæmlega 45 árum, 23. apríl 1976. Gestur þáttarins að þessu sinni er enginn, en vinur þáttarins sendir pistil og lag og óskalagasíminn opnar kl. 20.00 - 5687123. Já plata þáttarins fagnar 45 ára afmælin í dag, Black and Blue með Rolling Stones. Það er skemmtilegt nýtt hlaðvarp í loftinu sem fjallar um AC/DC og heitir Alltaf sama platan, en það er frasi sem hefur verið notaður um plötur AC/DC; Alltaf sama platan ? og þetta hefur líka verið sagt um Rolling Stones en í báðum tilfellum er þetta tóm tjara. Plötur AC/DC eins og Rolling Stones eru mjög fjölbreyttar og í raun má segja að Rolling Stones séu margar hljómsveitir, svo fjölbreyttar eru plöturnar og tónlistin á þeim þó svo þeir hafi fyrir löngu fundið sitt einkennis sánd. Black and Blue er fyrsta plata Rolling Stones sem kom út eftir að gítarleikarinn hæfileikaríki, Mick Taylor, hætti í hljómsveitinni í desember 1974. Sumir segja að hann hafi hætt í þeim tilgangi að bjarga lífi sínu en hann var djúpt sokkinn um tíma í fen harðar eiturlyfja eins og fleiri í hljómsveitinni. Keith Richards hefur sagt að Black and Blue hafi í raun verið eins og prufumúsík fyrir framtíðargítarleikara hljómsveitarinnar en það voru ýmsi kallaðir í prufu eftir að Taylor hætti, t.d. Wayne Perkins, Harvey Mandel, og svo Ronnie Wood úr Faces sem var svo ráðinn og er ennþá nýji strákurinn í Rolling Stones. Wood spilar reyndar í titillagi plötunnar It?s only rock?n roll sem kom út í október ?74 ? áður en Mick Taylor hætti en var svo formlega tekinn inn í bandið 1976. Ryþmaparið Charlie Watts og Bill Wyamn eru ekki í alveg öllum lögunum og svo koma þeir við sögu líka Nicky Hopkins og Billy Preston á píanó og hljómborð. Black and Blue er önnur plata Rolling Stones þar sem þeir Mick Jagger og Keith Richards eru skráðir upptökustjórar undir nafninu; The Glimmer twins ? glit tvíburarnir. Það er minna rokk á Black and Blue en flestum plötum Rolling Stones, en meira um áhrif frá blús, reggí og fönki. Platan fékk misjafna dóma þegar hún kom út og aðeins eitt lag af henni; Fool to cry náði árangri á vinsældalistum heimsins. Í seinni tíð þykir hún ekki svo slæm og það er margt gott á henni. Hún sýnir nokkrar af svo mörgum hliðum þessarar mögnuðu og lífseigu hljómsveitar.

  • Plata þáttarins sem við heyrum amk. þrjú lög af er Highway to Hell, sjötta breiðskífa AC/DC og ein af þeirra bestu. Gestur þáttarins að þessu sinni er enginn, en vinur þáttarins sendir pistil og lag og óskalagasíminn opnar kl. 20.00 - 5687123. Highway to Hell er sjötta breiðskífa AC/DC, kom út 27. Júlí 1979 og er síðasta plata hljómsveitarinnar sem söngvarinn Bon Scott syngur á, en hann lést 19. febrúar 1980 aðeins 33 ára gamall. Hann lést úr afengiseitrun í bíl vinar síns í London. Árið 1978 var AC/DC búin að gefa út 5 stórar plötur og hljómsveitin búin að túra um Ástralíu og Evrópu aftur og aftur. 1977 fór sveitin í fyrsta sinn til Ameríku og gekk ágætlega þrátt fyrir að hafa ekki fengið neina spilun í útvarpi og platan sem kom 1976; Dirty Deeds Done Dirt Cheap kom ekki einu sinni út í Ameríku. Plötufyrtækið Atlantic hafnaði henni, vildi ekki gefa hana út í Ameríku. Og þegar kom að því að taka upp næstu plötu krafðist plötufyrirtækið þess að hljómsveitin myndi vinna með nýjum upptökustjóra sem gæti hjalpað sveitinni að gera útvarpsvænni músík. Plötufyrirtækið Atlantic vildi koma tónlist AC/DC í útvarpið. Hljómsveitin var langt í frá hrifin af þessari hugmynd vegna þess að allar plötur AC/DC til þessa höfðu þeir strákarnir gert með George Young, eldri bróður þeirra gítraleikaranna í bandinu, Angusar og Malcolms Young, og félaga hans Harry Vanda. Þeir tveir áttu stóran þátt í sándi hljómsveitarinnar og þeim bræðrum sérstaklega fannst þeir vera að svíkja stóra bróður sinn og Harry Vanda með því að leita annað eftir upptökustjóra auk þess sem þeir voru meira en sáttir við sándið á plötunum sínum og þeir litu eiginlega á George eins og sjötta meðlim sveitarinnar. Atlantic vildi að Eddie Kramer stjórnaði upptökum á plötunni en hann hafði verið upptökumaður með Jimi Hendrix á sínum tíma og líka tekið upp með Led Zeppelin og Kiss. Kramer hitti bandið í hljóðveri í Miami í Florida en það kom fljótt í ljós að það samstarf myndi ekki ganga ? þeim í hljómsveitinni leist ekkert á hann og fannst hann tala niður til þeirra, en þeir voru samt eitthvað að reyna að taka upp með honum í nokkrar vikur áður en þeir létu hann fjúka. Og þá kom til sögunnar ungur maður sem var fæddur og alinn upp í Zambíu, Robert John "Mutt" Lange. Hann hafði svosem ekki gert margt merkilegt á þeim tíma en þó unnið með Boomtown Rats og hljómsveitunum Clover, City Boy, og Graham Parker. Mutt kom og tók upp með hljómsveitinni Highway to Hell og hafði mikið um að það að segja hvernig hún hljómar. Hljómsveitin fann fljótt að hún gat treyst þessum