Bölümler
-
每個人都有自己鍾意嘅旅行模式，旅途中嘅住宿亦一樣，有人偏好揀一間豪華又舒適嘅酒店，有人就鍾意住一啲貼近當地風情嘅當地民宿。
不過無論偏好邊類型住宿都好，去到外地，始終都係要搵地方落腳。所以住宿，往往都係旅行回憶入面重要嘅一部份。
今集輕鬆同大家吹吹水，分享吓我哋兩個旅行時去過最難忘、最奇怪，同埋最伏嘅酒店或民宿。
相信熱愛旅遊嘅大家，對於住酒店都有唔少心得。非常歡迎大家聽完之後PM 我哋，分享一吓你嘅住過最難忘同埋最伏嘅酒店！
█ 印尼酒店房內有棵樹？
█ 空姐又有冇得揀住邊間 Crew Hotel？係咪住來住去都係嗰幾間？
█ Victoria 喺格陵蘭入住聚滿了飛機delay客嘅北極酒店
█ Kay曾經喺新加坡酒店遇上靈異事？
█ Victoria 喺俄羅斯貝加爾湖懷疑入住咗酒店員工宿舍？
█ Kay去日本竟然都有不愉快住宿經歷？
█ Victoria 返大陸公幹住酒店中大伏？
█ Victoria 最難忘嘅酒店喺杜拜
█ Kay 最難忘嘅酒店喺墨爾本
█ Kay嘅bucket list酒店
█ 作為鐵膠，Victoria 原來一早已經bookmark咗幾間火車主題酒店 -
正所謂，人生唔係為咗打份工。所以近年越來越多人放棄全職工作，尋找更有彈性、更適合自己嘅生活方式。而投身多重職業、成為「斜槓族」（Slasher）亦係越來越多人選擇嘅方向之一。
對於鍾意旅行嘅人而言，做Slasher聽落好吸引，好似可以令自己亦有收入之餘，生活亦有彈性，更容易安排時間去旅行。不過其實做Slasher 嘅現實又係點呢？如果想成為Slasher，又應該如何入手？
今集我哋邀請咗斜槓工作者Sally 莎莉，同我哋分享佢成為 Slasher 嘅過程同埋心得。Sally 除咗係旅遊Blogger之外，亦係斜槓人生課堂創辦人、咖啡店合夥人、人生導師，同埋文字工作者，但原來喺呢啲多重身份背後，Sally 都曾經係返朝9晚6嘅打工仔。
到底係因為啲咩原因，Sally會成為 Slasher，仲創辦埋斜槓人生課堂？ 想知道的話，就要收聽今集Podcast喇！
（PS. 聽完Sally嘅分享之後，Kay 同 Victoria 都得到好大嘅鼓勵！所以非常鼓勵大家收聽今集podcast呢！）
█ 因著《台東小誌》而結緣 — Victoria 同 Sally 嘅相識經過
█ Slasher嘅定義係咩？同Freelancer 或炒散有咩分別？
█ 想當年 Sally 都曾經係朝9晚6打工仔
█ 一個上天安排嘅人生低潮，造就咗今日嘅Sally
█ 一次台東打工換宿，令Sally同咖啡結緣，亦改變Sally咗對生活嘅睇法
█ Sally 堅定嘅信念 — 聆聽宇宙的嘅聲音，唔好睇少宇宙嘅力量！
█ Sally 推薦嘅書籍
█ 斜桿人生學院成立嘅初衷
█ Sally 嘅多重身分生活之道 — 要找到自己嘅核心信念
█ Sally 嘅多重身分生活之道 — 擁抱生活千萬可能性，冇人可以規範我哋嘅人生！ -
Eksik bölüm mü var?
-
講到一個女仔去旅行會遇上嘅驚險事，唔少人都會聯想到俾人偷嘢、被人非禮等等。
自問旅行經驗都尚算豐富嘅 Victoria，今次去蒙古居然遇上咗一件令佢認為比被人偷嘢或非禮更荒誕嘅事情 —— 就係差啲被蒙古高官以為係間諜。
當中到底發生咗咩事？被蒙古警察再三盤問之後，事情又係如何解決？
承接上集，今集 Victoria 會繼續分享佢去外蒙古旅行嘅經歷，同埋差啲被當成間諜嘅來龍去脈。
█ 去蒙古都要做「鐵膠」— Victoria 嘅火車之旅
█ 入住北歐風蒙古包酒店
█ 食餐飯影張相都被當成間諜？令Victoria 下筆寫咗篇萬字文嘅經歷嘅起始
█ 一覺醒來就發現自己被蒙古警察包圍
█ 被蒙古警察徹底檢查相機和電話
█ 被警察再三要求簽署蒙古文文件
█ 一切都與文化差異有關？酒店老闆原來係挪威人
█ 點解挪威人會喺蒙古開旅館？
█ 外國人眼中嘅香港，居然係同蒙古差唔多？
█ 不愉快中嘅小確幸 — 遇上超級友善嘅歐洲遊客
█ 在蒙古嘅騎馬經歷 -
旅四娘 instagram
EP.17 // 飛往草原與藍天之國｜蒙古國圓夢遊記
講到蒙古，好多人嘅認知只限於有內蒙與外蒙之分，印象中只有大漠，草原，同埋蒙古包。
咁其實蒙古，到底係一個點樣嘅地方？網絡上關於蒙古旅遊的資料少得可憐，介紹呢個地方嘅書亦唔多。如果想去蒙古旅遊，又應該點安排呢？
接下來一連兩集，Victoria 會分享佢今年四月去外蒙古旅行嘅見聞，同埋途中所遇到嘅人和事。
█ 歷史上何來有內外蒙之分？
█ 去蒙古原來係Victoria嘅完夢之旅
█ 四小時直航烏蘭巴托，去蒙古近過去東京！
█ 如何計劃一趟蒙古旅行？
█ 參加 local tour 遊烏蘭巴托近郊
█ 蒙古南部、西部同埋北部又有咩睇？
█ Victoria 最難忘全球最大成吉思汗不鏽鋼雕像 —— 有20個姚明咁高？
█ 蒙古有咩食？蒙古人係咪淨係食羊？
█ 住蒙古包原來冇菜食？
█ 蒙古嘅風景讓人畢生難忘 -
#是他也是你和我
日本，係好多香港人嘅第二個家，每年都要至少「返鄉下」旅遊一次嘅香港人多不勝數。不過，要深入感受當地文化，有時候淨係去旅行未必足夠。
鐘意去日本嘅你，又有冇諗過去日本打工或生活？有人話港日文化差異大，喺日本工作工時長，但又有人話日本人待人有禮，人情味濃。咁其實去日本工作，到底好唔好？
今集我地邀請到「過來人」— 旅遊書作者、blogger 、全職 marketing同埋廣告嘅翁沛橦 （Yong），同我地分享吓佢曾經喺日本讀書工作幾年嘅經歷同埋心得。
Yong's Instagram @cserinhk
█ 今日嘉賓介紹 — 旅遊書作者、《沙發衝浪客》blogger 、全職 marketing同廣告嘅翁沛橦（Yong）
█ 當初點解會去日本生活？
█ 被日本職場文化洗禮 — Yong 人生嘅第一份工就係喺日本
█ 日本工作嘅文化 — 規矩到底有幾嚴謹？
█ Yong 喺Call Centre 工作嘅經歷
█ 原來日本人對外國人要求會寬鬆啲？
█ 有人話日本人工作文化係「上司未走，下屬唔可以走」，係咪真？
█ Kay 曾經係香港返過日本公司，開工前要叫口號？
█ 喺日本返工一定要講「早晨」？放工一定要講「我走先喇？」
█ 日本式鞠躬 — 要鞠幾多度先算有禮貌？
█ Yong 返Call Centre 最難忘嘅事
█ 喺日本教社長英文，又係一份點樣嘅工？Yong 有冇遇著咩困難？
█ Yong喺日本返過嘅其他工又係點？
█ 寫日本閃令令旅遊書 — 一日至少食五餐？
█ 寫日本閃令令旅遊書 — 原來係一個人一手一腳做晒所有嘢，跑晒所有景點
█ Yong 點解最後放棄留日工作？
█ Kay曾經唔小心倒瀉熱茶落日本客身上？
█ 日本職場上，男女依然唔平等嗎？
█ 日劇上睇到嘅居酒屋文化，Yong又有冇經歷過？
█ Yong 喺日本住sharehouse嘅經歷
█ Yong喺日本，又有冇美麗嘅邂逅？
█ Yong喺日本最鍾意嘅食物居然係食印度嘢？
█ 喺日本生活過後，日本對於Yong而言係⋯⋯
█ Yong嘅未來計劃 -
#深度遊
緬甸係一個擁有豐富人文歷史嘅國家，但就因爲種種政治原因，曾經對外封閉幾十年。以致呢個地方雖然曾經繁盛一時，並位於早已被遊客攻陷嘅東南亞，卻經歷過一段幾乎被世人遺忘嘅時光。
Victoria 喺十年前去咗一次緬甸之後，就深深愛上咗呢個地方。直到而家，緬甸依然係Victoria最鍾意嘅地方之一，甚至會視之爲第二個「鄉下」。
緬甸到底有咩咁吸引？今集 Victoria會同大家分享佢旅遊緬甸嘅經歷同感受。
█ Victoria 嘅「鄉下」 — 自2012年起差唔多每年都去一次嘅地方
█ 當初點解會去緬甸
█ 第一次去緬甸時嘅感受
█ 緬甸義教 — 難忘擁有鴻圖大志嘅學生
█ 昔日的風光 — 參觀曾經係亞洲頂尖學府的仰光大學分支
█ 緬甸首都奈比多 — 軍政府堆砌軍出嚟嘅城市
█ 緬甸有咩玩？
█ Kalaw 三日兩夜行山之旅 — 在寺廟留宿、遇見最純樸的少數民族
█ Kay 曾經跳過緬甸舞？
█ 緬甸有咩好食？
█ 遇上好客熱情嘅的士司機
█ 最愛緬甸奶茶
█ 不停地改變嘅地方 -
今時今日去旅行，大家出發前唔多唔少都會上網睇吓啲相，做少少research，亦會對啲景點名勝有些少憧憬。
唔知大家又有冇試過長途跋涉去到一個景點之後，先發現佢嘅「真身」原來同想像有好大出入？今集我哋悉心挑選咗一啲心目中覺得最伏嘅景點，同大家分享～
正所謂「沒有最伏只有更伏」，如果聽完之後嘅你有共鳴，歡迎隨時PM 我哋分享吓你嘅經歷！
█ 小樽運河 — 喺日本都搵到元朗嘅感覺
都是天氣惹的禍系列
█ 加拿大尼加拉大瀑布 — 矇得只剩下水
█ 俄羅斯貝加爾湖 — 沙塵暴與屎色的天空
█ 台灣小硫球 — 伸手不見五指嘅潛水體驗
唔洗錢都伏系列
█ 美國芝加哥「Cloud Gate」— 市中心一粒豆
█ 秘魯十二角石 — 行過咗都見唔到嘅景點
█ 美國紐約華爾街銅牛 — 排隊摸蛋蛋
要俾錢所以更伏系列
█ 加拿大溫哥華Capilano Suspension Bridge — 行完有張cert
█ 美國大峽谷 Skywalk — 俾多幾舊水睇一樣嘅風景
沒有最伏只有更伏
█ 比利時布魯塞爾尿尿小童
█ Vic 參加尿尿小童更衣剪綵儀式 -
對於好多鍾意旅行嘅人而言，旅遊記者係夢寐以求嘅職業。能夠逗住人工去旅行，又有邊個唔想？但相信只有曾經身處其中，先會知道箇中嘅快樂同辛酸。
今集我地繼續有上集嘅嘉賓 Ivan翁怡富，同大家分享佢之前做旅遊記者四年幾嘅經歷同轉咗做全職 Youtuber 後嘅心聲。
█ 做旅遊記者係咪一定要中文好？
█ 做旅遊記者點樣入行？
█ 旅遊記者除咗飛之外，其實係要做啲咩？
█ 有冇試過飛到麻木？
█ 深度遊旅遊記者 — 其實係一個逐漸式微嘅行業？
█ 怡富做旅遊記者遇過最食屎嘅moment
█ 旅遊記者 vs youtuber，最大分別係啲咩？
█ 旅遊記者嘅training 對做youtuber原來好有用？
█ 同當地人溝通，往往係最怡富最難忘嘅事
█ 怡富做旅遊記者遇過最正嘅moment
█ 怡富曾經想過做空少？
█ 怡富俾大家嘅寄語 — 不停增值自己
█ 怡富嘅未來計劃 — digital nomad？
█ 小總結之一：讀書唔掂真係唔需要自卑！
█ 小總結之二：Just Do It — 想做就去做，有夢就去追！ -
#深度遊
好多人聽到伊拉克，都會聯想到戰亂。確實，呢個國家曾經身處水深火熱中長達二十多年嘅時間 —— 獨裁政權、內外戰爭、宗教糾紛、ISIS等；受限於客觀環境，以前要將伊拉克同旅行扯上關係，的確係冇乜可能。
但近呢幾年，伊拉克局勢相對上穩定咗，亦開始有香港人去當地旅行。不過對於好多人嚟講，伊拉克依然唔會係旅行首選嘅目的地。到底伊拉克嘅現況如何？係咪真係咁危險？去伊拉克旅行，又有咩玩呢？如果真係想去伊拉克，又要如何準備呢？
今集我地邀請到上年隻身去完伊拉克兼拍咗好多好好睇嘅片嘅著名Youtuber + 前旅遊記者翁怡富 Ivan，同我地分享吓佢喺伊拉克嘅見聞。
█ 今日嘉賓介紹 — Youtuber + 前旅遊記者翁怡富 Ivan
█ 點解會去伊拉克？
█ 疫情時去伊拉克，有冇咩限制？
█ 計劃一個伊拉克旅程困難嗎？
█ 去伊拉克嘅洗費貴唔貴？
█ 當地人如何看待遊客？
█ 伊拉克簽證難唔難搞？
█ 伊拉克安全嗎？
█ 戰爭無法摧毀嘅人情味 — 怡富喺伊拉克遇過最深刻嘅人
█ 怡富喺伊拉克遇過嘅驚險事
█ 傳聞喺伊拉克周圍都係持槍軍警？
█ 用Youtuber身分單人匹馬喺伊拉克拍片，會唔會好困難？
█ 大家都好關注嘅問題 — 伊拉克到底有咩食？
█ 怡富最鍾意嘅伊拉克景點
█ 伊拉克人又點睇美國人？
█ 怡富俾想去伊拉克嘅人嘅忠告
-----------------------------------------------------------------------
關於 Ivan
前果籽旅遊記者，離開前公司之後，成立了自己的YouTube頻道，繼續以自由身Youtuber身份，拍攝自己感興趣的旅遊專題。
怡富去年在疫情間出國，隻身遠赴伊拉克、土耳其、烏克蘭、格魯吉亞等地，一個人包辦採訪、旁白、剪接等工作，在Youtube頻道上載了多條超高質的旅遊影片。現在的他身處哥倫比亞，正在學西班牙文並繼續在南美洲做旅遊專題。
Youtube頻道：怡富 iwalkutake
IG：iwalkutake -
講到烏托邦，每個人心裏面嘅定義都唔一樣。對於某啲人，擁有絕對嘅自由係烏托邦嘅先決條件；但對於其他人，可能要擁有公平嘅經濟模式，先算得上係烏托邦。
不過，相信人人心目中嘅烏托邦都有一個共通點，就係「不存在」—— 不存在於現實世界裏面。雖然如此，或多或少我哋都有去過或聽過一啲覺得好接近理想國嘅地方。
今集會同大家分享吓我哋兩個旅行時去過最貼近烏托邦嘅地方，同埋我哋對烏托邦嘅睇法。同樣地非常歡迎大家聽完之後PM 我哋分享一吓你嘅睇法啊！
█ 德國作家 Marc Engelhardt 《二十一世紀的烏托邦：17個實踐美好生活型態的新選擇》
█ 哥本哈根自由城 Christiania — 無政府主義嘅國度
█ 哥本哈根自由城 Christiania — 自由城內嘅「股票市場」
█ 哥本哈根自由城 Christiania — 自主嘅代價：透過賣股票徵集資金俾丹麥政府
█ 哥本哈根自由城 Christiania — Kay 嘅大麻街遊記
█ 哥本哈根自由城 Christiania — Kay喺自由城內遇上嘅台灣女孩
█ 墨西哥北部銅峽谷土著 — 遺世獨立、無金錢概念嘅Tarahurama 人
█ 墨西哥北部銅峽谷土著 — 著拖鞋都可以跑贏長途馬拉松嘅人
█ 關於墨西哥北部銅峽谷土著嘅書 — 《Born to Run》
█ 墨西哥北部銅峽谷土著 — 回歸基本嘅生活
█ 《二十一世紀的烏托邦：17個實踐美好生活型態的新選擇》書內其他內容 — 中國華德福教育
█ 《二十一世紀的烏托邦：17個實踐美好生活型態的新選擇》書內其他內容 — 衣索比亞波頂村
█ 烏托邦會否真實存在？ -
大家成日都會對「旅行豔遇」呢件事有好多幻想，就好似好多人都會覺得，空姐一定有好多人追一樣😂
不過有時候「豔遇」同「怪遇」，其實只係一線之差。但有趣嘅係，無論係「豔遇」定「怪遇」，原來到最後，都會成為我哋嘅旅行回憶裏面深刻嘅一部份。
今集會同大家分享我哋兩個最難忘嘅旅行豔遇，非常歡迎大家聽完之後都PM 我哋分享吓你嘅經歷啊！
█ 老豆幫仔搵老婆？—— 加拿大Uncle想撮合佢個仔同Kay？
█ 北極光下嘅邂逅 —— Vic喺格陵蘭遇上嘅丹麥男
█ 航班上嘅戀愛 —— Kay與機師的故事
█ 被迫共處六日五夜後又會點？ —— Vic 喺西伯利亞鐵路上認識嘅Oppa
█ 因周星馳而結下嘅情誼 —— Kay 喺飛機上認識嘅洛杉磯導演
█ 不解之緣 —— Vic喺南美一直重遇嘅男仔
（因為技術問題，今集較為細聲，不好意思啊)
快啲follow我哋 Instagram @lui4neung -
@lui4neung
正所謂，呢個世界冇完美嘅人，亦都冇完美嘅旅程。無論計劃得幾周詳嘅旅程，有時候，都總係會留下一啲遺憾。
所以，繼上集分享咗咁多喺西藏遇到嘅難忘景色同埋好人好事之後，今集我哋會繼續講西藏，分享一啲當年喺西藏留下嘅遺憾，亦會分享喺西藏遇過最崩潰嘅事。
既然要繼續同大家圍爐講西藏，今集當然繼續會有我哋嘅特別嘉賓——旅遊 Blogger CC @cconvoyage 同我哋一齊傾計啦！
█ 西藏嘅廁所到底有幾崩潰？
█ 用鉛筆代替門鎖又係咩玩法？
█ 今時今日嘅西藏，處處都掛有中國國旗，充斥住愛黨愛國橫額？
█ 旅遊景點商業化嘅後果 — 同石頭影相都要收錢？
█ 西藏到底有咩食？作為Foodie 嘅CC又如何評價西藏食物呢？
█ Victoria 憶起喺美國小鎮都食過西藏餐廳？
█ Victoria與廁所嘅慘痛緣分
█ CC同Kay覺得最唔值得去嘅地方，居然係連藏人都話靚嘅林芝？
█ Kay 與布達拉宮嘅有緣無份
█ 理想與現實或許總有落差 — CC嘅布達拉宮印象
█ 講到西藏，又如何能夠唔提起女作家唯色？ -
#深度遊
西藏，人稱世界屋脊，最接近天堂嘅地方；有純淨湛藍嘅天空，令人震懾嘅高原風光，獨一無二嘅歷史、宗教同埋語言。所以有人話，呢一世人一定要去一次西藏，人生先唔會有遺憾。
而對於 Kay 嚟講，因著一籃子嘅因素，西藏喺佢心入面一直都擁有獨特嘅位置。2016年嘅西藏旅行，更加係佢人生中其中一個最難忘嘅旅行。
今集除咗有 Kay 會同大家分享佢當年由香港坐火車去西藏嘅旅行經歷，亦邀請咗一位特別嘉賓 — 喜歡旅行亦喜歡美食嘅旅遊 Blogger CC @cconvoyage，同我哋分享當中出發西藏箇中嘅原因，以及西藏最令佢印象深刻嘅人和事。
█ 今集嘉賓介紹 — #旅孩手記blogger 黃茗施CC
█ CC去西藏嘅原因
█ 一次說走就走嘅旅行，CC用咗三日就決定起行去西藏
█ Kay去西藏嘅原因
█ Kay爸爸自細同佢分享嘅1995年西藏行
█ 那些年嘅青春 — 由香港坐56個鐘火車去西藏，Kay嘅難忘鐵路旅行經歷
█ 對於喜歡美食嘅CC，青藏鐵路最難受莫過於冇啖好食？
█ 往拉薩嘅途中，Kay 突然被通知取消住宿？
█ 最接近天空嘅地方 — 納木措，羊湖
█ 最純粹最虔誠嘅民族 — 冇咗腳都堅持叩拜嘅藏人
█ 最美麗的風景是人 — 令Kay好難忘嘅民宿老闆
█ 最美麗的風景是人 — 令CC好難忘嘅良心司機 -
講到結婚呢件事，或者「夢中的婚禮」，唔少人都會希望能夠搞一場浪漫又令人印象深刻嘅絕美婚禮。雖然我哋都冇搞婚禮嘅經驗，但有幸去過一啲令我哋覺得份外”WOW” 而又難忘嘅異國婚禮。
今集我哋邀請咗一位特別嘉賓 — 自由人、藝術工作者 Karen，同我哋分享佢飛去印度參加朋友婚宴嘅經歷同見聞。
另外Victoria會分享佢曾經「擅闖」嘅一場緬甸婚宴，以及喺泰國做伴娘嘅經歷。Kay亦會分享出席加拿大同事婚禮嘅難忘回憶。
Karen
█ 遠道去Chandigarh 參加好友印度婚禮
█ 印度婚禮閒閒地都要搞三五七日？
█ 印度婚禮吃甚麼？嚇怕Karen嘅全辣咖喱盛宴
█ 婚禮嘅華麗服飾 — Karen同朋友都一齊買印度紗麗？
█ 婚禮現場上演嘅Bollywood — 親戚都一齊勁歌熱舞？
█ 印度新人送俾賓客嘅回禮會係咩？
Karen instagram : @siu2_fei1_
Victoria
█ 偶然擅闖嘅一場緬甸婚禮
█ 婚禮現場，緬甸新人都著拖鞋？
█ 流水式上菜嘅緬甸婚禮
█ 緬甸結婚儀式 — 為新人戴花圈送上祝福？
█ 喺泰國華欣做伴娘份外難忘
█ 浮誇又浪漫嘅泰國婚禮 — 放天燈又放煙花
Kay
█ 出席空姐同事嘅加拿大婚禮
█ 份外窩心嘅一場西式婚禮
Karen + Victoria + Kay
█ 去完異地婚禮有感 — 我哋夢中嘅婚禮 -
#是他也是你和我
有人話「去旅行總會遇著驚喜事」，例如識到份外投契嘅新朋友，睇到不期而遇嘅風景等等。不過對於我哋兩個嚟講，似乎「去旅行總會遇著烏龍事」呢句就更加貼切。
話雖如此，但相信「去旅行遇著烏龍事」呢家嘢，唔會剩係得我哋試過嘅。正所謂人有我有嘛！所以呢，聽完今集我哋豁出去自爆旅行烏龍事之後嘅你，若然有些少共鳴，歡迎隨時PM 我哋分享吓你嘅烏龍事啊！
█ 空姐返工居然唔記得拎passport？
█ 出發前跌電話落屎坑又係咩玩法？
█ 比旅費更昂貴嘅漫遊電話費，都是酒精惹的禍？
█ 去錯機場或者有聽過，但去錯城市你又有冇試過？
█ 睇錯時間差啲miss 船，但成副身家都喺㗎船到，可以點？ -
#樂悠遊
講到西班牙巴塞隆拿，你會諗起咩？唔少人會諗起鬼才建築師 Gaudi ，又或者係球隊。有人可能會諗起陽光與海灘，甚至係西班牙嘅美食～
今集同大家輕鬆吹下旅行水，分享吓我哋那些年最難忘嘅巴塞隆拿旅行回憶，一齊去一趟聽覺上嘅旅行。
█ Kay 之巴塞初印象 — Live in the moment
█ Victoria 之巴塞初印象 — 三度被搶錢？
█ 旅行在2018年世界盃時
█ 天體沙灘冇 yummy guy，只有大媽？
█ 偶遇聖胡安節（Fiesta de San Juan）
█ 聖家堂 — 一直建不完的大教堂與Gaudi 坎坷的一生
█ 巴特羅之家 — 摸著酒杯，聽一場rooftop concert
█ 加泰羅尼亞音樂宮 — 在童話般的音樂廳裏聽一場 concert
█ 不能不吃的西班牙Tapas
█ 巴塞隆拿與熟悉的黃絲帶 -
#世界之最
有人話，食物係文化嘅一部分，係認識一個地方嘅一種方式；有人甚至願意為一餐美食或者一間餐廳而展開一段旅程。講到美食，好明顯我哋兩個都唔係專家，但過往嘅旅行入面，都有去過一啲覺得好難忘嘅餐廳。難忘嘅未必只係食物，而係喺整個用餐經歷，餐桌上嘅旅行時光。
今集Kay 同Victoria 會同大家分享喺旅行時去過最特別、最難忘嘅餐廳。
今集內容：
█ 我哋如何開始接觸 PODCAST
█ Victoria 最難忘嘅餐廳竟然係喺墨西哥？ #tacoomakase
█ Kay 最難忘嘅餐廳竟然係一人晚餐？#嗰餐係食鏡同kobo書
█ Victoria 另一間難忘嘅餐廳，係Kay 好想試但無緣試嘅餐廳？#emojimenu #lickitup -
俄羅斯早前佔領烏克蘭切爾諾貝爾核電廠，早幾日又炮擊位於烏克蘭扎波羅熱嘅核電站引發火災，
令外界唔少人都擔心1986年切爾諾貝爾核災會重演。
今集我哋繼續有《人類總要重複同樣的核爆》作者 Yoyo 陳樂遙做我哋嘅嘉賓，
同大家講述佢去切爾諾貝爾同埋福島核災區嘅經歷，
解構當年喺呢兩個地方發生嘅事。
Yoyo 為前記者、前主播，亦都係一個旅行作家，曾加入GLO Travel 成為深度遊策劃人，
親自籌辦前往天涯海角的深度遊，走訪日本福島、烏克蘭切爾諾貝爾、中亞哈薩克、烏茲別克等地。
█ Yoyo解構切爾諾貝爾現況
█ 到底核災遺址係咪好危險？參觀時有咩要注意嘅情況？
█ Victoria 分享基輔嘅切爾諾貝爾博物館有咩睇
█ Yoyo 分享核災遺址的「真真假假」 —— 切爾諾貝爾現場情況，係擺拍定係真歷史？
█ Yoyo接觸過嘅當地人，又點睇切爾諾貝爾？
█ 切爾諾貝爾 vs 福島，善後工作又有冇分別？
█ 2019年 HBO 出咗一套關於諾貝爾核電廠嘅電視劇，到底同歷史有幾貼近？Yoyo 同大家一一解構
---------------------------------------------------------------
如想支持烏克蘭，建議捐款去以下嘅戶口同機構
🇺🇦烏克蘭國營銀行為籌措軍費設立的捐款戶口
https://bank.gov.ua/en/news/all/natsionalniy-bank-vidkriv-spetsrahunok-dlya-zboru-koshtiv-na-potrebi-armiyi
🔸直接捐款給國家銀行，捐款會用作軍隊開支
🇺🇦Come Back Alive （NGO）
https://savelife.in.ua/en/donate/
🔸捐款用來買軍隊裝備，無人機，防彈衣和軍隊訓練
🇺🇦Army SOS（NGO）
https://armysos.com.ua/en/
🔸捐款用來買食物，防具和彈藥給烏克蘭軍隊
--------------------------------------------
旅四娘 ig : @lui4neung -
自從俄羅斯於2月24日發動攻勢入侵烏克蘭，戰爭至今已滿一星期。喺新聞片段上，我們睇到烏克蘭人無私嘅民族精神，令全世界動容。
今集Victoria 會同大家分享2015年喺烏克蘭Independence Day 旅遊時遇上嘅人和事，烏克蘭人強烈嘅民族性同埋對國家的熱愛令當時嘅佢好深刻。
另外亦邀請咗曾寫書深入探討烏克蘭切爾諾貝爾核爆事故嘅旅行作家兼前深度遊策劃人Yoyo 陳樂遙，分享佢去過幾次烏克蘭最深刻嘅故事。
今集內容：
█ 點解會想講烏克蘭？
█ 今集嘉賓介紹：旅行作家兼深度遊策劃人 Yoyo陳樂遙
█ Victoria 對烏克蘭最深刻嘅印象
█ Yoyo 對烏克蘭最深刻嘅印象
█ Victoria 喺hostel遇上嘅女生 — 特地為獨立日打扮嘅烏克蘭女孩
█ Yoyo 訪問經歷過前蘇聯日子嘅上一代烏克蘭人
█ Victoria 烏克蘭朋友近況
--------------------------------------------
如想支持烏克蘭，建議捐款去以下嘅戶口同機構
🇺🇦烏克蘭國營銀行為籌措軍費設立的捐款戶口
https://bank.gov.ua/en/news/all/natsionalniy-bank-vidkriv-spetsrahunok-dlya-zboru-koshtiv-na-potrebi-armiyi
🔸直接捐款給國家銀行，捐款會用作軍隊開支
🇺🇦Come Back Alive （NGO）
https://savelife.in.ua/en/donate/
🔸捐款用來買軍隊裝備，無人機，防彈衣和軍隊訓練
🇺🇦Army SOS（NGO）
https://armysos.com.ua/en/
🔸捐款用來買食物，防具和彈藥給烏克蘭軍隊
--------------------------------------------
旅四娘 ig : @lui4neung -
今集首先同大家分享下
█ 呢兩年來討論得最多嘅問題之一：「開關後想去邊？」 ( 03:00 )
█ 空姐 Kay 最愛邊個機場？最討厭又係邊個機場？ ( 10:53 )
█ 律師 Victoria 去過咁多地方 backpacking，覺得邊個國家男仔最正？ ( 18:30 )
__
✈️ 旅四娘
Instagram: @lui4neung
