Episodes
-
Hvað borðar meistari í matarmenningu í þynnkunni? Stefnir ísbíllinn í gjaldþrot og afhverju er enginn að fá sér kókflot í dag? Fyrir hvað standa samtökin "slow food" og hvernig má það vera að þau standa ekki fyrir hægeldun?
-
Fanney Dóra er kokkur á heimsmælikvarða. Hún segir okkur frá ævintýrum sínum hjá Jamie Oliver og skólar okkur til í ostum, brauðtertum og íslenskum kryddjurtum. Hún segir meðal annars frá þeirri vannýttu auðlind sem grásleppan er, og hvernig hægt er að nýta hana til góðs. Ofboðslega fróðlegt og skemmtilegt spjall við þennan landsliðskokk sem hefur marga fjöruna sopið.
-
Missing episodes?
-
Snerpa, gæði og matarleiðsögn í boði áhrifavaldsins og framkvæmdastjórans Guðnýjar Ljósbrár.
-
Við fengum loksins að kynnast drottningu heimilishaldsins, Sólrúnu Diego. Hvernig viðhelduru vikumatseðli, signature eftirréttur Sólrúnar, heimilismatur æskunnar, endalaust af Haxmundum og svo margt fleira. Skemmtilegt og einlægt spjall með þessari góðu geit.
-
Sax, sull og stemning með Haxmundi Tæknitæfudóttur. Anna Fríða Gísladóttir, kom sá og saxaði. Endurmörkun sólþurrkaða tómatsins, framandi mömmumatur og endalaus stemning.
-
Loksins er siðferðislega samþykkt að versla við Melabúðina á ný. Smakkland á Laugavegi 55, endurmörkun svínsins og ný gildi Bragðheima á haustönnn 2024.
-
Bragðheimabínurnar Eva & Solla líta yfir farinn veg og þræða leiðina norður yfir alvöru mauli. Hvar er best að stoppa á leiðinni norður, er gott að dæna á Akureyri og afhverju er enginn veitingastaður búinn að bjóða okkur út að borða? Standard, takk!
-
Þráinn Freyr Vigfússon, stjörnukokkur og Michelin stjörnugrís mætti til Bragðheima brussanna og upplýsti um eitt og annað í heimi veitingageirans.
-
Maul & baul með samfélagsrýnunum Oddi & Lollu sem sitja ekki á skoðunum sínum þegar kemur að matargerð og trendum í veitingageiranum í Reykjavík. Hvað borða forsetaframbjóðendur ársins 2024 og hvern eigum við eiginlega að kjósa?
-
Slatti af lauk, mikið af cabaret og dass af skinku fyrir doktorinn. Hvert fer hann út að borða, hvað finnst honum best og hvað verður hann að eiga heima hjá sér? Fáránlega skemmtilegt spjall við hlaðvarpskónginn Hjörvar Hafliða.
-
Afhverju er svona vondur matur í Finnlandi og Noregi og hvar er langbest að dæna í París? Hvers vegna er bekkurinn alltaf betri en sætið á veitingastöðum og hvernig er að vera grænmetisæta á tímum kjötætunnar?
-
Særingarmenn dusta rykið af skikkjunum og kíkja í áhrifavaldaboð, kryfja brunch leikinn, hylla tiktok eldamennsku og fara á bólakaf í stóra djúpsteikingarpottinn við Ingólfstorg.
-
Matgæðingurinn og átvaglið Ársæll (Addi Intr0Beatz) mætti með kennslugleraugun í stúdíó Bragðheima. Tælensk matargerð, leynimatseðill á Fönix, Haxmundur Axel: þrýstipotturinn og svo margt fleira.
-
Er úti um framtíð matarbloggsins? Uppskrift af besta lasagna sem þú munt smakka, hvert er leyndarmál svörtu ólífunnar, Víkingur Heiðar bjórsali og svo margt fleira á vínargalsa Bragðheima!
-
Hvernig er best að undirbúa, framkvæma og njóta góðrar veislu? Veisluvélin og arkitektinn Ólöf Örvarsdóttir svarar spurningum okkar og gefur okkur í leiðinni innsýn í sinn töfrandi matarheim.
-
Meltingarfræðsla, nammitips, æskan á Grenivík og svo margt SKEMMTILEGT með handritshöfundinum og séntildrollunni Karen Björgu.
-
Food and Fun, þorskhnakkar til þerris, eðlu-varnargarðar og margt fleira rætt við nepo-barn kokkasamfélagsins, Óla Hall!
-
Matarmannfræði, Tommi Tómatur, camembert í útrýmingarhættu og margt fleira á kósíkvöldi Bragðheima.
-
Gestastælar, sparnaðarráð & sælkeraspjall á tímum mikillar verðbólgu og hárra stýrivaxta. Nautnaseggurinn og hlaðvarpsdrottningin Nadine Guðrún Yaghi deilir góðum sögum og ráðum með okkur.
-
Fyrsti þáttur af Bragðheimum er tileinkaður heilögum hleifnum, brauðinu sjálfu - það lá beinast við að faðir kolvetnisins yrði tekinn og étinn. Farið verður um víðan völl, hlustendur fá að skyggnast inn í heim tveggja svangra mjólkandi kvenna. Hvar er besta hleifinn að finna? hvaða rækjusamloka er best og þar fram eftir götunum.