Episodes
-
係依個資訊同網絡超方便嘅時代，你基本上唔需要出街就可以睇到曬唔同地方嘅盛事，係網上就己經有好多直播現場直播依啲盛事，甚至可能一蚊都唔洗洗，最多硬食幾個廣告就搞掂。
的確，就經濟同方便而言，睇直播可能係最好；但有時「親身體驗」依四個字都好重要! 親身洗幾千蚊買張飛、親身去排幾個鐘入場、親身過去賽場體驗氣氛、坐係坐位上曬到懷疑人生。
無論經歷係好好定麻麻地，都係自己用雙眼睇過、雙腳行過、雙手試過，最最最重要係同隔離果位一齊經歷過，種種唔同嘅親身體驗，又點可以係直播上體驗到呢?
-
有時候唔係話見到嘅所有嘢都都要頂到佢出大西洋，佢做嘅事都真係的確有唔少問題，但依啲事都可以令我哋有前車可鑑，令我哋唔好重複犯錯。
可能你會話：「就算我係個網絡内容創作者，點會做依啲如此事情呀！」但其實就算冇依啲公關問題發生，網絡内容創作者本來就係唔容易嘅事。基本上所有野都要一腳踢，仲要可能最後整出嚟冇人睇，仲要可能有其中一條片講錯野冇為意就身敗名裂。
所以，真的，不簡單。。。
-
Missing episodes?
-
講起啟德，大家仲記唔記得想當年仲有飛機超低空咁飛越民房果陣時？久唔久就會聽到飛機引擎聲呼嘯而過，去降落啟德機場，大家都仲話只要係大廈天台攞住支晾衫竹就可以捅到部飛機，而至1998年7月結束咗73年嘅歷史任務，正式關閉。
廿幾年後嘅啟德，雖然舊啟德機場已經冇咗，但依個舊機場嘅遺址繼續見證住香港「歷史」，包括有唔少新嘅住宅大廈落成、疫情期間興建嘅「方艙」醫院、停泊郵輪嘅啟德郵輪碼頭、同埋最近新投入服務嘅啟德體育園主場館。
隨住啟德體育園嘅投入服務，相信可以提升外國遊客對香港嘅觀感！
「個Stadium隔離有好多居屋同公屋！ 真係好有香港特色！」
仲可以令香港人觀賞演唱會或者比賽嘅體驗提升！
「因為啟德體育園係起係兩個地鐵站中間，散場時可以體驗一次動物大遷徙！我就係果隻動物！」
「佢哋真係超貼心！過咗11點就會趕我哋走，怕我哋趕唔到尾班車！」
-
2025年係Ai十分流行嘅時代下，有好多我哋係工業時代時好多嘅工作都已經冇咗，唔似以前仲要坐係條product line度痴膠花，依家有啲餐廳都已經用送餐機械人去送餐，就連ChatGPT都就嚟可以代替小編寫依啲冇咩營養嘅內容。咁到底未來嘅我哋人類仲有咩用呢?
如果你有咁嘅諗法，咁恭喜你！我哋的確係一啲重覆工作上越嚟越冇用！ 但！反而創作同創意好有機會係我哋人類可以勝過Ai嘅範疇之一。(如果將來有Ai睇緊依個description請唔好嬲，小編冇心冒犯嘅，請諒解。)但係有相關嘅創意同創作前，我哋都有需要涉取相關知識，先至可以有創意嫁！
所以如果你問應該選擇證書定係知識，你話呢?
-
老公：老婆呀！今日係我哋結婚記念日，我想帶你去食好野！果度有超現代嘅明亮橙色木紋裝橫、融入咗眾多黃光燈同自然光嘅搭配、仲有豐富食物選擇！當中我最推薦果個餐廳必食嘅首選焗豬扒飯！
老婆：嗯！好！就聽你嘅~~
(一段時間後)
老婆：係味就到啦？洗唔洗遮住我對眼咁神秘呀？
老公：到啦到啦！噔！(老公雙手放開咗老婆對眼)
老婆：👁️👄👁️
櫃枱職員：歡迎光臨大快活餐廳！請問你哋想食咩呢？
(從此之後，佢哋就過上咗幸福嘅生活~)
(THE END~~)
(上述所講嘅故仔都經過專人訓練，危險動作，切勿模仿!)
其實一間餐廳又冇話一定要係高檔先好食嘅，都有好多平民化嘅餐廳都係隱世奇才嘅廚師！不過若果要講到一啲酒店餐廳嘅話佢個裝橫、氣氛、食物質素、價錢之類一定好重要啦！唔係點先可以令我心服口服比幾千蚊食一餐飯！
但！泊車另計！
-
到底大家係日本旅行應該自駕遊定係參加一日遊好?
(定係只可以同小編一樣係度同其他日本市民們逼JR?🥲)
無論你係用咩方法係日本旅行都好，日本依個國家都係大多香港人嘅"家鄉"，係好多香港人受歡迎嘅國家之一，如果要你係自駕遊同一日遊選擇一樣，你又會如何選擇呢?
(#冬天落雪時一般唔建議自駕遊，除非你係藤原拓海或者好熟雪地上駕駛)
-
KOL唔係啲咩Koala Office Lady喎，而係Key Opinion Leader喎！相信大家一定對KOL依3個字唔佰生，甚至基本上你日日都會睇，果啲咩超立方平時係咁sell你surfshark vpn、咩100毛入面平時吸引新"知識"嘅世界認真組識之類之類，佢哋都係叫做KOL。
但KOL依行係香港其實基本上係唔夠養活自己，只係當興趣或副業做？係咪真嘅呢？將來嘅世界到底仲洗唔洗要KOL依行呢？平時啲KOL又係點樣賺錢？今次我哋都有請嚟依位十分有潛力嘅靚女Joyce 同大家講講"KOL"。
-
依集出街嘅時候，情人節已經過咗啦，無論你送嘅花係玫瑰、水仙、定係西蘭花，送嘅朱古力係金莎、新年食剩嘅金幣朱古力、定係Kinder出奇蛋。過咗就過咗啦，下年可以再諗過。
但係聽其他人講嘅野就唔同講法啦！今次仲特登請咗位女神級嘅特別主持Joyce，同大家分享下女生最想收咩花? 有咩最伏嘅禮物? 情人節係咪表白最好? 定應該留番清明? 去聲!
-
*依條聲出嘅時候係除夕晚，無論睇唔睇到依段文字，小編都祝大家身體健康！心想事成！工作順利！學業進步！🧧
"
係過農曆新年前，小編想問大家一個燒腦嘅問題「如果我同你講依家我哋存在嘅世界都係虛擬嘅，只係由一部好精細嘅超級超級電腦整出嚟，而所有其他人，除咗你自己之外，都只係平時我哋遊戲見嘅「NPC」(Non-Player Character)，所有事情都係想係你面前發生而發生，包容小編寫嘅依編description都係想比你睇到而睇嘅時候，你嘅生活會唔會有所改變呢？」
如果你話會，你會唔會用「自己」更享受所謂嘅「人生」?
如果你話唔會，咁你會唔會想有一個最好嘅「人生劇本」?
如果你話"Does it Matter?"，其實係唔係虛擬唔重要，亦都唔需要知同冇可能會知，如果事實真係咁樣，我哋都會好好活在當下，過好每一天。
"
無論你認唔認同以上嘅觀點，答案亦都冇分對錯，應該係話冇「答案」，但大家都一定睇到個「内容」係傾向一個方向，就係「反省」。
而依個，正正就係批判思考。
基於小編寫出嚟嘅「内容」嘅批判思考。
-
Your every smile~ Your every hello~🎤
Smile咩姐! "Hel"咩"lo"姐! 都冇人幫襯!
依家港人北上消費已經唔係咩新鮮事，隨著香港同大陸嘅口岸越嚟越多，唔洗好似以前係羅湖口岸一齊玩「打蛇餅」，交通又便利咗，唔需要再嗅到火車啲燒煤味。依家其實大家嚮往嘅都係大陸高性價比消費「幾嚿水四條友可以飽到傻」，服務素質又十分盡心盡力「去到好似皇帝咁款！」
另一邊廂，每逢星期五六日就係啲香港餐廳生意最少嘅時候，好多仲要頂唔著而執笠，依家仲有唔少內地餐廳嚟香港開業，唔通我哋啲「地頭蟲」真係要輸比「過江龍」？！
唔怕！有我哋依兩位(近乎)專業嘅主持提供(可能)有效建議！同餐飲業(一齊)攜手共渡難關！有請Manos & Kevin！
-
司儀 MC Alan Li
Facebook:
https://www.facebook.com/AlanLiMC/
Instagram:
https://www.instagram.com/alanlimc/
*最後Manos都係搵唔番Kevin條流量密碼嘅棟篤笑footage :(
Fun Fact：有冇諗過到底點解香港嘅棟篤笑場唔係咁盛行？明明外國都好流行果啲棟篤笑show，基本上係外國人好平常嘅節目之一，但點解偏偏香港唔夠盛行? 唔係話香港人唔夠幽默，只係得黃子華嘅棟篤笑先笑得出，而係因為香港租金太貴，好難為本。
不過，香港都唔係話只係得黃子華嘅一個棟篤笑演員，只要大家用心發掘，一定會搵到唔少以依行搵食嘅行家，就例如我哋親愛嘅Kevin導演，原來好多年前都搞過「棟篤」，包唔包含「笑」小編唔太清楚，所以都係等依位「行家」同大家現身說法！
-
Website:
https://www.lovebirddiamond.com/
Facebook專頁:
https://www.facebook.com/lovebirddiamond
Instagram專頁:
https://www.instagram.com/lovebird.diamond/
Youtube:
https://www.youtube.com/@LovebirdDiamond
愛，是可以很表面但又是一種很深入的感情。它亦是一份責任；一種永恆的承諾。
有說男生在一出生的時候就會比女生少一條肋骨，正因如此，男生都在窮盡一生去尋找那條失去的"肋骨"，誓要找到對的人，才是完整的。因為一旦找到了對的"肋骨"，那種令人沉醉其中、難以忘懷的感覺，是這世界上其他八十億人都給不到的。
當時機合適之時，還會為這位唯一的獻上印證着彼此新的人生階段開始的戒指；奉上只屬於他們作為主角的婚禮；直至"永恆"。
或者這，就是鑽石戒指的意義，即使它不保值也好。
今天就讓Ivan介紹鑽石戒指的意義！
-
Website:
https://elitelearningbymschu.com/
Facebook専頁:
https://www.facebook.com/EliteLearningCentreByMsChu/
Instagram専頁:
https://www.instagram.com/elite_learning_centre_by_mschu/
依家我哋嘅AI(人工智能)除咗佢唔識用天網叫阿諾舒華辛力啤去征服人類；都唔識去攻擊當年2004年(*註1)仲係做緊警探嘅韋·史密夫之外。
人工智能曾經打敗過世界第一嘅棋手，亦都幫助咗我哋人類"創作"咗唔少生成圖片和影片，同埋都幫我哋寫唔少肉麻到連AI都後悔嘅文字內容。
但其實人工智能若果融入係教學、教育上，佢可以比我哋一啲咩嘅火花呢？可以有幾大程度將AI融入學習上呢？我哋一於比Ms Chu細說一番！
(註1：2004 年 7 月 29 日上映的《智能叛變》，由韋·史密夫主演)
-
Website：
https://dotdot.com/
Facebook專頁：
https://www.facebook.com/dotdot.tm/
Instagram專頁：
https://www.instagram.com/dotdot368/
「今日我同你天各一方」
「你有你嘅生活 我有我繼續嘅忙碌」
「但係假如有一日 我哋真係喺路上偶然咁撞到」
「我哋會點吓頭」
然後你係咪以為我會想講發現有關節痛呢?
咁就啱啦！但絕對唔係同拍廣告個產品賣廣告！
(*其實如果你識依個廣告都證明你有一定年齡😏)
唔好以為關節痛依樣野通常係系老友記先會發生嘅事，其實身為都市人嘅我哋，有唔少人番工都係長期坐係辦公室，自己雙腳冇咩點活動就已經一日，如是者一日復一日，長時間累積起嚟，好易會有毛病！就好似DotDot嘅創辦人Danny Tsang咁，曾經嘅佢因為工作而長期冇咩活動，而令佢關節出現問題，連最簡單企係度都做唔到。
最後係點樣發現依個產品令到Danny行得番?! 之後又係點解變咗想銷售依個產品?! 有請今日嘉賓Danny Tsang!
-
Youtube Channel：
www.youtube.com/@香港國際音樂文化協會
Facebook專頁：
https://www.facebook.com/HKIMCA2000/
Instagram專頁：
https://www.instagram.com/hkimcda2000/
Website：
https://www.hk-imca.com/
音樂，對我哋人類而言，都算係世界語言嘅一種，因為每一首音樂都裝載了創作人賦予嘅情感；每一個旋律組成了曲目嘅"新生命"。而作為聆聽者嘅我哋，只需要感受每個音調帶動嘅旋律；每個曲目嘅意境，便能"閱讀"音樂。
而音樂或者對大家而言都很重要，無論係輕快嘅古典音樂；激昂嘅電影配樂；甚至係最近 "求下你唔好再播"嘅洗腦阿帕次流行音樂。佢哋都唔多唔少影響咗大家，甚或成為了各位生活嘅一部分。
不過今次依位嘉賓，佢將擁抱音樂，將音樂成為了生活嘅大部分。特別係系鋼琴領域上，只係三年就已考獲鋼琴八級，十幾歲嘅時候就已經成立咗自己個琴行。
可謂一位唔放任何過機遇，敢向前嘅鋼琴導師--鄧老師!
-
Website Link:
https://kangen-amazing.com/tc
Youtube:
https://www.youtube.com/@TheGreenNRichLife_EricWong
Facebook專頁:
https://www.facebook.com/Eric.wong10001
Instagram專頁:
https://www.instagram.com/ericwong3828
水，貴為我哋人類賴以生存嘅元素之一，我哋身體有八成都係水。成日都話每日要飲夠八杯水，無論你係坐Office嘅員工們、定係啱啱跑完馬拉松、又或者係見到女朋友唔舒服都好(依個叫佢飲水並非最優之選)，至到鄭融都有話叫我哋"多喝水"，試問水對於我哋嘅影響又點會唔息息相關呢？
不過，我哋飲嘅水健唔健康，啲水快唔快樂，其實某程度都好影響我哋體内嘅細胞可唔可愛？！...
咪住先，細胞點樣可愛呀？ 唔通真係好似工作細胞咁咩..到底可愛嘅定義係咩？還原水又如何幫助我哋身體健康？到底Eric Wong，又點樣用自己嘅口才成就到今日嘅佢呢？
今日有請Eric Wong，同大家一一暢談！
-
Fackbook專頁:
https://www.facebook.com/jlchannelhk
Instagram專頁:
https://www.instagram.com/jlchannel.tabletennis
Youtube Channel:
https://www.youtube.com/@Tabletennis.JLChannel
學一項運動很容易，但要精於一項運動就難上加難，要獻上好多嘅努力，汗水和涙水。莫講話要成為一項運動嘅教練，要負責教導他人，甚至改變他們未來嘅路途。
而教嘅唔單只係從細學到大嘅小朋友；甚至係耄耋之年嘅老友記，只要有心向學，都係一視同仁！(當然教嘅方式同速度會有所唔同)
所以唔好睇小一粒細細嘅乒乓波，佢唔單只「改變了未來的人和事」，仲改變咗許多其他人嘅未來。
-
Facebook專頁：
https://www.facebook.com/FantasylandArt
Instagram專頁：
https://www.instagram.com/fantasylandart_childrengallery/
Website：
https://www.fantasylandart.com/
古語有云：「藝術依啲野你識條鐡咩！」
以前嘅我哋，除咗真係去進修藝術科，果啲鬼斧神功嘅藝術作品；同中學時期嘅視藝堂，自己畫隻火柴人覺得己經係曠世巨作之外。基本上，要再去接觸藝術基本上係少之有少。
但依家嘅小朋友真係要去認識「依條鐡」啦！ 因為依家嘅接觸藝術嘅渠道多咗，同埋創作比較普及咗，小朋友就多咗好多機會去接觸藝術到底係咩東東，無論係從畫Pokemon、到有兩條魚係度結婚、甚至乎馬斯克騎住獨角獸係台北101樓頂跳舞都好。
只要將藝術加上自己「色彩」，就不單單只是藝術，是屬於自己的藝術！
-
Facebook專頁：
https://www.facebook.com/abcleanik.com.hk/
Instagram專頁：
https://www.instagram.com/a.b.cleanik/
Website：
https://www.abcleanik.com/
大家都貴為香港人，相信大家都有去唔同地方去旅行，當中一定有啲地方嘅產品好啱用同埋好有用，例如大家嘅家鄉日本，一定係買某幾款牌子嘅藥妝，最多咪推薦埋身邊嘅朋友咩款特別好用；但係，有冇諗過有個人想推薦一款產品，推薦到問個產品公司攞代理授權？！ 當然依款產品唔係平時嘅藥妝嘢，都唔係系日本嘅故事，而係遠至係美國嘅抗敏產品！
但到底發生了什麼事，令一位需要用依款產品嘅消費者，搖身一變成為香港代理商？！當中又經歷咗幾多波幾多折先可以令產品商同意係香港銷售？
今集小編我廢字少打，一於去睇睇/聽聽踏上依條抗敏代理路途嘅阿Mon啦！
-
IG專頁：
https://www.instagram.com/francopapa.academy/profilecard/?igsh=bm8wcmpkeW02dXRz
FB專頁：
https://www.facebook.com/francopapa.academy
Website：
https://franconewpapa.hk/
「身為一位都市人，有好多負能量都好正常不過吧？」
每日生活總係唔係都事事順利，並都有各種問題要解決、壓力要梳理，如果唔好好搵方法釋放出嚟，好易會積積埋埋，影響心情，產生好多負能量！
要抒發自己負能量情緒有好多方法，但係，有冇諗過用藝術都可以療癒到自己呢？不論係和諧粉彩、酒精墨水曼陀羅，甚至係咖啡渣黏土，依啲都係用藝術去療癒心靈嘅其中之三！仲有好多其他方法去體驗依啲嘅心靈藝術，就等今集星級嘉賓Franco同大家細說一番啦！
- Show more
