Episodes
-
Figlias e figls dals stars dal schlagher èn pronts e preschentan a vus lur hits. Er inqual duet da bab e figl ni figlia e da mamma e figlia è dudir.
Da la partida èn Daniela Alfinito, figlia da Bernd Ulrich dals Amigos, Alexander, figl da Norbert Rier dals Kastelruther Spatzen, Pia Mal,o figlia da Olaf dals Flippers, Sandro, figl da Fredi Malinowski da Fantasy, Marie, la figlia da Matthias Reim e da la Michelle, Lucas, il figl da Costa Cordalis, Nadine, figlia adoptada da Roland Eberhardt dals Calimeros, Julian, figl da Matthias Reim, Maite, ina da las figlias da la Kelly Family, Cristina Maria, la figlia dal producent Marc Sieber, Achim, il figl da Wolfgang Petry, Ella Endlich, la figlia da Norbert Endlich, musicist e producent. -
Rock da las alps, in stil da musica cun elements da rock ed instruments tradiziunals da la musica populara ed ils texts magari chantads en dialect, quai è schlagher popular cun power.
En la stailalva dad oz tadlain nus in mantun da quests hits. Il bainvegni fan die Alpen-Rocker cun «Wir san die Alpen-Rocker» er da la partida è Andreas Gabalier, il «Volks-RocknRoller» da las alps cun ses hit «Hulapalu». Plinavant tadlain nus «Koa Hiatamadl» il grond hit da Hubert von Goisern, «Aues geili Sieche» cun la band da Lucerna ChueLee, La Melissa Naschenweng cun «Hosenscheisser» euv. -
Missing episodes?
-
Gizzai las ureglias, sin undas rumantschas resunan oz tuns novs or da la sparta da schlagher.
Vanessa Mai è ina dunna cun bleras fassettas, en il mund dal schlagher è ella probablamain la pli experimentala. Ella ama da far musica da differents geners e sounds e quai è era d'udir sin ses nov album «Matrix».
Era Matthias Reim ha edì in nov album. 16 chanzuns frestgas sco la primavaira. Sia vusch rockusa tuna anc meglier che avant onns, ils refrains èn vegnids pli pompus e las balladas pli balladescas. L'album «Zeppelin» è ditg curt e bain in dals megliers Reims da tut il temp. Anc mai ha sia musica tunà uschè giuvenil e captivant.
Plinavant tadlain anc intginas singles novas dad: Anna Carina Woitschack, Semino Rossi, Michelle Fäaschtbänkler, Marie Reim, Die Schlagerpiloten, Anita Hofmann, Vincent Gross e Cristina Maria Sieber. -
La furmaziun originala dad oberkrain exista or da l'accordeon, il bariton, in cuntrabass, ina ghitarra, ina clarinetta, ina trumbetta e natiralmain il chant.
La Stailalva dad oz è deditgada cumplainamain al stil da musica dad oberkrain. Il fundatur è stà nagin auter che Slavko Avsenik, grazia ad el viva quai stil da musica vinavant er suenter sia mort avant 9 onns.
Da la partida èn sper las duas generaziuns dals Avseniks, bands da l'Austria da la Slovenia e da la Svizra. -
En la stailalva dad oz tadlain nus duets da fragliuns, dad um e dunna, da pèrins ma era simplamain dus amis u amias che fan ensemen musica.
Andrea Berg & Giovanni Zarrella dattan l'entschatta, e quai cun lur hit «Ja ich will (Si con te)». Plinavant tadlain nus Beatrice Egli & Eloy de Jong, Michelle & Matthias Reim, DJ Ötzi e Nik P. cun lur grond hit «Ein Stern (der deinen Namen trägt)» ed anc blers auters.
Redacziun: Christa Soliva -
Sper amur e patria è la natira er adina puspè in tema che fascinescha interpretas ed interprets dal schlagher popular ed uschia deditgain nus la Stailalva dad oz a la natira.
Cun far ina spassegiada en la natira fruntan ins sin blers bels muments, intgins da quels tadlain nus en quest'emissiun.
Sper il toc da partenza «Natur pur» udin nus chanzuns sco «Bei der Mühle am Bach», «Da drent am Wald»,«Eine Herde weisser Schafe», «I hab an Regenbogen gsehn» u «Marienkäfer». -
Nus essan gia en il quart mais da l'onn nov, uras per resumar e piclar or inqual melodia ch'ins auda adina puspè sin ils emetturs da schlagher.
Da la partida èn Matthias Reim, Maite Kelly, Sonia Liebing, Vincent Gross, Bernhard Brink, Vanessa Mai, Semino Rossi la Beatrice Egli ed anc blers auters stars cun lur pli novs hits.
Redacziun: Christa Soliva -
La Stailalva beneventa la primavaira, la stagiun che sveglia colurs odurs e sentiments da ventira.
As legrai sin il valser «Frühlingszauber» sunà dal Mooskirchner Quintett alura sin il hit «So a schöner Tag» cun die Jungen Zillertaler, il semperverd «Weisser Holunder» cun las soras Sigrid & Marina, «Blau, blau muss der Himmel sein» cun il trio die Grubertaler ed er la Miss Helvetia e sia «Putzpolka» manca betg.
Redacziun: Christa Soliva -
Geabain! I na deva betg mo schlaghers da mal il cor u d'amur ils onns 1950 e 1960. Na, i deva er ina massa hits da schlagher cun viz.
Kriminal-Tango, Ein Student aus Uppsala, Schuld war nur der Bossa Nova, Der Fahrstuhl nach oben ist besetzt, Kleiner Gonzales – tut quels ed anc blers auters titels paran segir enconuschents ad in u l'auter fan dal schlagher dal temp passà. Intginas chanzuns pudais vus per franc anc chantar ed in surrir è garantì. Cun Hazy Osterwald, Kirsti u Manuela fin a Vico Torriani u Conny Froboess èn pli u main tut ils stars da pli baud da la partida.