Episodes
-
The Linya-Linya Show, mag-ingay, o!
Sa harap ko, isang rap artist, battle emcee, at songwriter; nakilala bilang “Rebuttal King” dahil sa malulupit nyang balik at mga banat sa FlipTop Battle League– representing, Skwaterhauz and Mongol Unit, mula pa Tondo, Manila, at ngayon, nasa California na sa US– si DELLO! BOOM!
Laking Bambang, Tondo-- isa sa pinakamakulay na lugar sa Pilipinas-- kaya naman hitik din sa karanasan at kuwento ang mga bára at pambará ni Dello.
Sa episode na ‘to, kinuwento niya sa atin ang kanyang paglalakbay sa entablado ng hip hop at battle-rap, ang mga eksenang umusbong sa mga kanto ng Tondo; kanyang tingin sa mga nauna at bagong emcees, mga pananaw sa pagsulpot ng mga bagong liga; at ang kasalukuyan niyang pamumuhay, pati na ang ilan sa kanyang mga plano, sa California.
Para kaming nag-inuman nang walang alak. Ihanda na ang pulutan sa siksik sa kwentuhan.
Tara, listen up, yo!
-
Nitong Aug. 30, naimbitahan si Ali bilang tagapagsalita sa Miriam College Middle School. Para ito sa closing program ng kanilang Buwan ng Wika, kung saan ang tema ay: “Filipino: Wikang Mapagpalaya.”
Nag-share siya ng kanyang sariling kwentong MC, ng kanyang karanasan sa skwela at trabaho, at syempre, ng memes. 💛💙
Sa panibagong “Basa Trip” episode na ito, nirecord ni Ali ang binasa nyang speech sa harap ng humigit-kumulang 1,800 na mag-aaral ng Grades 7-10. Sabi nga ni Ali, nakakatuwa ‘yung energy ng mga bata, at yung mga lumapit at nagsabing nagsusulat sila, na-inspire, at gusto pang magpatuloy magsulat. 🙏🏽😌
Pakinggan ang episode na ito, at sabihan nyo kami sa mga naiisip ninyo!
-
Missing episodes?
-
Walang script-script ang malulupit at makukulit na linyahan ng SPIT-- ang pioneer at popular improv group sa Pinas ngayon!
Samahan natin ang SPIT (Silly People's Improv Theater) members na sina Aryn Cristobal, Ariel Diccion, Kara Flores, Karl Echaluse, at Pappu de Leon sa episode na 'to! Dito, tinalakay natin ang sining ng improvised theater, at mga karanasan nila sa pagtatanghal sa iba’t ibang audiences sa Pilipinas. Ang saya ring malaman kung ano-ano ang kanilang backgrounds-- kung paano ito nakakatulong sa kanilang performances, at kung paano naman nakakatulong ang Improv sa kani-kanilang mga trabaho.
Malalaman din natin ang kuwento kung paano nga ba napaputok ng SPIT ang Improv Theater sa social media.
Tara! Maki-’yes, and’ na sa nakakaaliw at nakakatalinong kuwentuhan kasama ang SPIT-- listen up, yo!
Available na rin ang Linya-Linya x SPIT Manila collab shirts sa www.linyalinya.ph
-
Yow, yow, yow! Ihanda na ang kutsara at tinidor dahil ready na ang mainit-init na at malamang kuwentuhan natin ngayon! Kasama ang writer, producer, at standup comedian from Comedy Manila na si Chino Liao!
Sa episode na ‘to, usapang food at comedy tayo. Nagsimula sa kwentuhang hotdog sa sopas at hanggang nilantakan na ang life stories ni Chino sa pagiging isang komedyante. Malalaman natin ang maraming pit stops na dinaanan niya bago mapunta sa scene ng stand-up comedy.
Mabubusog ka sa tawanan at kuwentuhan sa episode na ‘to!
Kaya tara, listen up yo!
-
Matagal na naming gustong mangyari ‘to, ngayon andito na! Isa sa malupit na podcast collabs of the year, The Linya-Linya Show kasama ang Ang Walang Kwentang Podcast!
Sinamahan tayo ni direk Antoinette Jadaone at JP Habac para mag-emehan! Napag-usapan natin ang pagtawid nila mula filmmaking sa podcasting, ang kaibahan ng audio at video podcasts, at sinagot natin ang isang malupit na tanong: Ano bang kwenta ng Ang Walang Kwentang Podcast?!
Warm-up episode pa lang ito ng mas malupit na kolaborasyon natin, listen up at abangan ang mga susunod na mangyayari! Pakinggan din ang episode collabs with Wake Up With Jim and Saab, pati na ang Royal Rumble episode with TLLS x WUWJAS x AWKP!
-
Yo, yo, yo, makinig kayo! Dahil kasama natin sa episode na ito sa para sa buwan ng wika, isang makata mula Batangas–lumipad sa Pilipinas patungong Korea–ang spoken word poet na si Carlo Bonn Hornilla!
Nakilala natin si Carlo sa mga viral spoken word videos niyang nagpakilig, nagpatawa, at nagmulat ng mga mata dahil sa matalas na social commentary na dala-dala.
Kaya sa episode na ito, inalam natin ang kaniyang mga influences at creative process. Nagbalik-tanaw tayo sa experience niya nang magtanghal siya sa pink rallies noong 2022 election, at kung ano ang kahalagahan ng pagsulat ng higit sa tema ng romantikong pag-ibig. Mai-inspire ka sa episode na ito, kaya tara, listen up, yo!
BOOM!
-
Tuloy-tuloy ang kuwentuhan nina Ali at Anygma sa Big Fuzz, dito sa Amorsolo St., Makati, at sumali ang isa pang malupit na emcee, mula Uprising, at tubong Camarin, si KJah!
Alam niyo bang naging housemates sina Anygma, KJah, at Zaito noong 2013? Subukin mo pa lang i-imagine, kagulo na!
Sa episode na ito, masisilip natin ang simulain ng Uprising Records, mga kalokohan nina Anygma, KJah, at Zaito noong magkakasama pa sila sa isang apartment sa Pasig-- tungkol sa giniling na panis, iba't ibang mahiwagang discoveries ni Zaito, at siyempre, rap at FlipTop.
Puno ng kulitan at suwabeng inuman ang episode na ito! Kaya listen up, yo!
-
Yo check! Welcome sa isa na namang malamang episode ng The Linya-Linya Show, kasama natin, mula pa Mandaluyong City, representing Fliptop Battle League at Uprising Records para sa inyo– si Anygma, Alaric Yuson! BOOM!
Ang mga natalakay namin sa pagtambay sa Big Fuzz Bar sa Amorsolo St., Makati— Nalalaos na nga ba ang FlipTop? Umaangat pa ba ang HipHop? At saan nga ba nagmumula at napupunta ang mahuhusay na emcees sa bansa?
Isa-isa ‘yang sinagot ni Anygma, at sinubok naming himayin. Kaya Hip Hop head ka man, FlipTop fan, o basta’t may pake at appreciation sa iba’t ibang forms of art– para sa inyo ‘to. Samahan niyo kaming kumustahin ang lagay ng Hip Hop at Battle Rap sa Pilipinas. Ito na nga ang Part 2!
Listen up, yo!
-
Yo check! Welcome sa isa na namang malamang episode ng The Linya-Linya Show, kasama natin, mula pa Mandaluyong City, representing Fliptop Battle League at Uprising Records para sa inyo– si Anygma, Alaric Yuson! BOOM!
Ang mga natalakay namin sa pagtambay sa Big Fuzz Bar sa Amorsolo St., Makati— Nalalaos na nga ba ang FlipTop? Umaangat pa ba ang HipHop? At saan nga ba nagmumula at napupunta ang mahuhusay na emcees sa bansa? Isa-isa ‘yang sinagot ni Anygma, at sinubok naming himayin. Kaya Hip Hop head ka man, FlipTop fan, o basta’t may pake at appreciation sa iba’t ibang forms of art– para sa inyo ‘to. Samahan niyo kaming kumustahin ang lagay ng Hip Hop at Battle Rap sa Pilipinas. Part 1 pa lang ito.Listen up, yo!
-
Kumusta, Fellow-22's at mga Ka-Linya?
Sa episode na 'to, nagbabalik si Jaton Zulueta ng AHA Learning Center, ang isa sa partner organizations ng Linya-Linya, na focused sa paghubog ng early education at pag-empower ng mga bata sa underprivileged areas tulad ng Smokey Mountain at Tondo.
Sa episode na ito, malaliman nating napag-usapan at napag-isipan ang mga rason kung bakit nga ba pinipiling tumulong ng organisasyong tulad ng AHA Learning Center, at kung bakit mahalagang malaman natin ang limitations o scope ng ating pagtulong.
Mapapa-AHA! ka sa dami ng learning sa episode na 'to. At naku, puwedeng magsimula ang pagtulong sa pakikinig dito. Kaya tara, ilabas ang notebook, listen up yo, at tulong-tulong tayo! -
Yo, yo, yo, mga Fellow 22s! Ready na ba ang mga baso o bote niyo?
Tara na at mag-inuman, mapakape, beer, o tubig man ‘yan, maki-join ka sa latest kuwentuhan natin ngayon! Kasama si Kelvin Yu ng bandang The Itchyworms!
Naging matunog sa 2000s OPM scene ang bandang The Itchyworms, at hanggang ngayon umaalingawngaw sa radyo, streaming, at mga videoke ng kapitbahay ang kanilang mga kanta.
Kaya sa episode na ito, alamin natin ang kuwento sa likod ng pagkakabuo ng The Itchyworms, at ang kuwento ng ilan sa kanilang kanta katulad ng hit song nilang “Beer,” na mula sa pagiging kanta, isang official beer brand na! Kaya tara, malasing sa kulitan at usapan sa episode na ito. Lezzgo!
-
Kasama sa pagiging positibo ang hindi pagtalikod o pag-iwas sa mga mahihirap na sitwasyon ng buhay. Ang pagtanggap sa sarili ay nangangailangan ng katapangan at katapatan.
Gaya na lang ng pinamalas ng ating guest sa episode na ito, ang aktor na si Adrian Lindayag, na kamakailan lang ay ipinaalam sa public ang kaniyang status bilang isang person living with HIV, nang gumanap siya musical na RENT bilang si “Angel,” isang tauhan na mayroon ding HIV.
Maging open-minded at maging positive sa knowledge! Dahil sa episode na ito, tatalakayin natin ngayon ang kuwento ni Adrian tungkol sa pamumuhay nang may HIV, at sa pagiging advocate niya for HIV Awareness.
Being educated is better than the cure, kaya tara, listen up, yo! -
Be kind, form ties. Makinig tayo… kay Thysz!
Yo, yo, yo, listen-up sa all-inclusive at all-insightful kuwentuhan kasama ang freelance writer, LGBTQIA+ advocate, at current chairperson ng PANTAY, na si Thysz Estrada!
Dito, tinalakay namin ang kahalagahan ng pagkakapantay-pantay, sa porma ng equality, equity, at kindness. Ang need sa pagpapasa ng SOGIE Bill, at iba pang usapin under the sun, after the rain, forming all colors of the rainbow. BOOM!
Pandinig at atensyon ay ialay… maging kasangga, maging ally!
Tara at makisali, di lang sa pakikinig, kundi sa community. Lezgo!
Happy Pride, mga kaibigan!
-
Happy Father’s Day sa lahat ng tatay natin sa buhay, Fellow-22s!
Para ipagdiwang espesyal na araw na ito, kasama natin ulit, walang iba kundi ang best dad na si Engr. Rene Sangalang!
At alam niyo bang halos kasabay ng Father’s Day ay ang 100th Anniversary ng MAPUA, kung saan rin graduate si daddy? Kaya naman ngayon, tatalakayin natin ang colleges experiences ni Daddy Rene sa university, pati na ang advocacy nya for further studies! Lahat ito, nakatulong, hindi lang sa kanyang career, pero pati na sa kanyang passions in life!
Kaya para sa students at students of life, para sa atin ito-- maglabas na ng notebook at ang daming learnings dito! Listen up yo!
-
Bagyo, yo, yo! Tag-ulan na naman. Nakahanda na ba kayo, mga fellow 22s?
Sa episode na ito kasama natin, isa sa ating longtime friend at kausap, walang iba kundi si Charles Tuvilla! Mula pa sa Dallas, Texas. BOOM!
Ngayon, napag-usapan namin ni Charles ang karanasan nating mga Pinoy sa bagyo, at sa kapatid nito, ang brownout! Sari-saring kuwento sa Pilipinas at sa Texas ang naibahagi ni Charles at Ali, mula sa mga bagyo sa Novaliches at Ilocos, hanggang sa mga ipu-ipo at kidlat sa Dallas.
Naging parte na nga ba ng kulturang Pinoy ang bagyo, brownout, at mga kalamidad? Pag-isipan at pag-usapan natin ‘yan. Listen up, yo!
-
Umupo kami ng musikero at makatang si Bullet Dumas, nag-usap, nag-isip, at pinadaloy lang ang usapan.
Napunta kami sa proseso ng paglikha, sa pagpapahalaga sa hindi pa ganap, sa tsamba, sa raw, sa draft, sa mga bagay na nananatili at lumilipas. Naglalakad-lakad kami sa makulit at malupit nyang utak.
Tulad ng mga awitin ni Bullet, malaman, masaya, at masarap pakinggan ang kwentuhang ito.
Listen up, yo! -
Mabuhay ang bagong ikakasal!
Eto ang pasabog na balita namin sa inyo, Fellow-22s– nag-touchdown na ang relasyon nina Ali at Reich, at nag-landing na sa engagement stage!
Talagang kikiligin ka, matutuwa at matututo sa kuwento ng proposal ng dalawa, at sa insights kung paano nga ba nila na-realize na sila na ang para sa isa’t isa. BOOM!
Humanda na para sa emotionally mature na kuwentuhang ito. Yo, yo, yo, listen up, take down notes & spread the love, yo!
-
Yo, yo, yo! Heto ngayon si Ali, nagsosolo!
‘Wag sana kayong mabibigla, Fellow-22s, kung wala tayong guest for today’s pod. Consider this a one-on-one session with your host, Ali Sangalang!
Trying something new, nakakatakot, nakakakaba. Kasama na diyan ang pagsasalita nang mag-isa. Pero siyempre, nakakapagod din ang laging may kausap, lalo, iba’t iba ang kaharap na may iba’t ibang puso at utak. Kaya naman ang episode na ito, ituring nating isang form ng pahinga at paghinga.
Pakinggan ang malapitan at malupitang thoughts ni Ali sa paggawa ng podcast, pagharap sa maraming tao, at pag-handle sa hurdles tulad ng impostor syndrome at stage fright.
Ready ka na ba makinig? Wag nang mag Ali-nlangan pa. Stream na! -
Ngayong Mother's Day, muli kong nakasama sa show para sa isang special episode si Mommy Olive Sangalang. BOOM!
Habang abala sa pagluluto, hinatak ko muna sya para magrecord ng episode. Pinagkwentuhan namin ang kanyang culinary journey-- mula sa pagiging self-taught sa kusina, sa mga diskarte nya para mapagkasya ang hain sa lamesa, hanggang sa patuloy nyang paghahanda ng baon sa amin kahit matatanda na. Love language talaga ni Mommy ang paghahain ng masarap na pagkain, kaya tamang pasasalamat at pagbabalik ng pagmamahal ang episode na ito para sa kanya. <3
Happy Mother's Day sa lahat ng minamahal nating mga ina! Have Inay's Day! Listen up, yo!
-
Anuman ang kulay ng balat, welcome sa usapang ito.
Swerte tayo, dahil bumista sa Linya-Linya HQ at Linya-Linya Studio ang content creator, children’s book author, multimedia host, youth empowerment advocate, beauty queen, at superwoman– si Ms. Ayn Bernos. BOOM!
Samahan niyo kami sa isang masaya at meaningful na kwentuhang kayumanggi: ang pagtingin ng mga FIlipino sa pagkakaroon ng morenang balat, ang obsession ng iilan sa pagpapaputi, at kung paano nga ba natin mas mamahalin ang sarili nating kulay.
Punong-puno ng kaalaman at heartfelt moments ang episode na ito, kaya listen up, yo!
- Show more