Episodios
-
¿Faltan episodios?
-
في رابع حلقة من "صُحبة Podcast"، هنتكلم المرة دي عن الخطة وايه الاساسيات اللي لازم تبني عليها خطتك علشان تكون قابلة للتنفيذ وخالية من شوائب المثالية وغيرهها من مغالطات التخطيط اللي عند كتير من الناس , كمان هنناقص من قصصنا تجاربنا مع التخطيط واهمية وجود وقت فاليوم والاسبوع والشهر دوري لمتابعة الخطة ومعرفة اذا ما كانت ماشية بالشكل اللي المفروض تمشي عليه ولا لا والتعديل فيها اذا تطلب الامر علشان تفضل دايما مواكبة لكل التغيرات اللي بتحصل , وبالطبع هنتناول جزء مهم جدا وهو ازاي نقيم الخطة دي او نحكم عليها بالنجاح او الفشل من خلال الاستراتيجيات اللي هنكون بنناقشها في الحلقة علشان تبقي قادر تكتشف اي غلطات او تحسينات وتعدل منها اذا لزم الامر.
-
في تالت حلقة من "صُحبة Podcast"، هنتكلم المرة دي عن تعريف الهدف واهمية وجوده من بداية الرحلة وازاي بعد ما يبقي عندك هدف واضح صريح عايز تحققه في نهاية الرحلة وازاي تحط للهدف ده الدوافع اللي هدفعك والعالم من حولك لتحقيق الهدف ده وتبقي من خلالها قادر انك تكمل رغم صعوبات الرحلة اللي هتتعرض ليها. هنناقش نقطة مهمة جدا وهي نقطة اتباع الناس او "نظرية القطيع" وازاي هي حاجة شائعة جدا دلوقتي بين الناس وتحديدا الطلبة وازاي قرارك فانك تبقي جزء من مجموعة ناس قرروا يعيشوا التجربة بشكل معين سواء بانهم ياخدوا دروس او يذاكروا بطريقة معنية ممكن يكون ليه تاثير سلبي علي تقدمك او تحقيقك للهدف في النهاية عكس ما يبان عليه الموضوع لو بصينا عليه من فوق, وبالتاكيد هنناقش حلول المشكلة وازاي تقدر تنتقي اللي ينفعك من الحاجات اللي الناس بتعملها ويبقي عندك طريقتك الخاصة. -
في تاني حلقة من "صُحبة Podcast"، هنتكلم المرة دي عن شوية مشاكل بتقابلنا قبل بداية السنة وبتاثر جامد علي الطريقة اللي بنذاكر بيها واللي بالطبيعة بتنعكس علي النتيجة فالاخر. هنتكلم عن المثالية وتعريفها واسقاطاتها علي قصص من الواقع فعلا وهنعرف ازاي ممكن تكون عائق ليك في تحقيق حلمك.
-
في أول حلقة من "صُحبـــــة بودكاســـت"، هناخد بصة على رحلة الثانوية العامة وتحديدا تجربة مدارس المتفوقين في العلوم والتكنولوجيا ستيم (STEM) وتفاصيلها وهنسمع قصص يوسف وصفي خريجين المدرسة ونفهم مفاتيح نجاحهم في التجربة وايه المشاكل اللي شافوها فس تجربة غريبة زي دي وازاي تتجنبوا المشاكل دي في رحلتكم خلال السنة.