Episodit
-
今日就係香港電影金像獎啦，近年大家對港產片既關注度高咗，連幕後功臣既功勞都被留意，呢集請咗《窄路微塵》服裝造型設計Bonnie，講吓戲入面點解Angela飾演既清潔工，著得咁colorful 啦!
-
呢個podcast本身因為疫情而設，其中一個初衷係講旅行，但今年開返關，都好少更新。
我唔會摺咗呢度，會不定期營業。
今年最大得著係好多嘢都唔同晒，學咗年幾瑜伽既我，上咗瑜伽師資課程，用另一角度認識瑜伽，仲學識檢視自己既身心。
目標定喺一小步，會增加成功感，都減少咗批判自己，愛自己多啲。
新一年祝大家身心安好。
-
Puuttuva jakso?
-
冇update podcast其中一個原因係有段時間半休息，雖然學過嘢好充實，生活分分鐘忙過以前，唔知點解冇乜勇氣講近況，但最近多返人問我podcast既嘢，所以分享少少啦。
-
話說有日睇到一條片叫《我抄試當真》，心諗邊位咁大膽，原來係新晉YouTuber阿Jay(YouTube Channel：Yuihang 睿恒)，佢原本係小學教師，教體育既，之後為咗追夢辭職，打算參加《全民造星》，點知...後來把心一橫，上年9月開始做YouTuber，拍咗一條關於COLLAR既街訪片，令佢衝破心理關口，不過反應好好，連芯駖都share，想知多啲佢既故仔，就快啲聽啦。
-
人類太依賴智能手機，隨傳隨到覆message成為習慣，專業到好似24小時客戶服務專線，真係忍無可忍，係時候擺低手機一陣，過返啲實在既生活，每日一兩個鐘都已經足夠。
-
而家唔少人想有自己既空間，獨處既時間，會諗搬出黎住。要搵個心水地方，有好多實際問題要諗，今日請咗《一個人住劏房：90後女生窩居之道》作者Amy分享吓佢心目中，一個宜居空間究竟係點，同埋搵家居既心路歷程。
-
我係一個好易畀自己好大壓力既人，近日因為工作壓力爆煲，用一啲方法逃避減壓、煲劇、睇MIRROR片，唔睇message，唔睇social media、錄podcast...其實我喊完一輪先決定錄黎宣洩吓，所以都冇乜剪接過，好多「即係」，希望大家唔好介意
-
呢個佛系經營podcast隔咗好耐終於有update啦，要自己唔好心急為update而update，但好易因為拖延症變懶，唔緊要，呢次係由心而發既update，齊來深呼吸，重新出發。
-
MIRROR成為廣告商寵兒，佢哋既廣告無處不在，亦帶挈ViuTV收入，鏡粉紛紛支持偶像代言既產品或服務，你又有冇買埋一份呢?
-
最近掛住追《大叔的愛》，逃離現實不快，然後發現，七月竟有幾位朋友同我say goodbye說要移居，我明白往後只會越來越多朋友離開，唯有用呢集向佢地送上祝福。
-
我喺2013年離開動新聞，2014年初重返蘋果日報做副刊，2015年副刊變成果籽，多咗採訪機會，做個真正記者，每篇訪問都好難忘，同事關係亦超好，直至2017年離開果籽，去咗英國倫敦working holiday，最後交畀壹傳媒既作品，係2019年幫《飲食男女》拍片，一個唔識食既人做飲食故，絕對係一個特別既句號。
-
蘋果日報突然同全港市民道別後，中女回顧2009年在台灣蘋果日報實習，同2011至2013年在動新聞工作既趣事。
-
近來唔少人想移民，或者已經移民咗去英國，唔少人會想像女仔嚮往溝鬼仔，食洋腸，等移居英國多年既巴辣姐分享吓佢既睇法啦。
-
「坎坷過後有艇搭」，我唔係幫緊昔日偶像黎明賣廣告，只係發生咗一件瘀爆事，中女認為同坐錯飛機差唔多級數，就係搭錯船，差啲有家歸不得T.T，好彩有一種神奇交通工具打救我。
-
大家對以前既頒獎禮開始厭倦，ViuTV Chill Club頒獎禮畀人耳目一新既感覺，有個環節係一人一票選新人，但原來部分人係我十年前喺亞視工作已認識，佢地係參加過《亞洲星光大道》歌唱比賽，台上一分鐘，台下十年功，所言非虛。
-
港台節目《五夜講場》係其中一個受歡迎節目之一，最近差啲停播，好彩最後無事，今集請咗「文學放得開」主持甄拔濤上黎講吓製作流程同感受。
-
太耐冇update，終於恢復元氣，不過復活假前夕遇上MIRROR但認唔到，太柒了
-
唔少人諗移民，台灣係其中一個熱門選擇，曾任旅遊記者嘅Cherry現居台南，佢唔係移民，而係旅居，究竟係乜東東?住台北同台南有乜分別?點識朋友?聽吓就知啦。
-
中女過咗個摺摺生日同新年，畀自己靜下休息下，單身多年都慣情人節毒自過，有時羨慕街裡愛人一對對，但有時享受「其實自己一個更開心」既生活。
-
今集係突發special，有幸被邀試玩Clubhouse，入過唔同房聽來自各行業既勁人講嘢，自己亦發表過膠論，係咁二講兩句用後感。
- Näytä enemmän
