Episodit
-
Síðustu kappræðunum er lokið og leiðtogar flokkanna farnir úr húsi en þau Fanney Birna Jónsdóttir, Jóhann Óli Eiðsson og Þórður Snær Júlíusson sitja eftir með okkur inni í Stúdíó 9 og kryfja umræður kvöldsins.
-
Við skyggnumst bakvið tjöldin og fylgjumst með undirbúningi fyrir kosningavökuna í Stúdíó A. Við ræðum einnig við 48 ára mann frá Írak sem kýs í sínum fyrstu lýðræðislegu kosningum á laugardaginn og svo köfum við í þrjú málefni sem skipta almenning sköpum þegar kemur að því að haka við listabókstaf.
-
Puuttuva jakso?
-
...nema auðvitað Boga og Óla! Tvíeykið Bogi Ágústsson og Ólafur Þ. Harðarson fara með okkur yfir stöðu mála auk þess sem við ræðum við manninn á bakvið kosningapróf RÚV.
-
Það er í ótal horn að líta þegar kemur að skipulagningu kosninga eins og við komumst að í þætti dagsins. Við röltum niður í ráðhús Reykjavíkur þar sem kosningaundirbúningur er í fullum gangi og heyrum einnig viðtal við Bergóru Sigmundsdóttur sem hefur yfirumsjón með utanatkvæðagreiðslu. Þá kynnum við okkur þrjú hitamál sem gætu skipt sköpum þegar í kjörklefann er komið.
-
Gestur dagsins er sprenglærður í íslenskum stjórnmálum enda kom hann víða við áður en hann var kjörinn forseti Íslands. Ólafur Ragnar Grímsson vísar veginn um pólitíska landslagið fyrr og nú og deilir sögum úr stjórnartíð sinni, sögum sem hann segist aldrei hafa sagt opinberlega áður.
-
Helgi Örn Viggósson er forritari og skipar annað sætið á lista Ábyrgrar framtíðar í Reykjavíkurkjördæmi norður. Hann segir meginstraumsfjölmiðla fyrst og fremst hafa hræðsluáróður á sinni dagskrá sem og söluræður um ágæti bóluefna.
-
Fjóla Hrund Björnsdóttir skipar fyrsta sæta á lista Miðflokksins í Reykjavíkurkjördæmi suður. Hún segir Miðflokkinn hafa þurft að fara í ákveðna skipulagsbreytingu og hún hafi barist fyrir því að fá fleiri konur í framboð.
-
Þrír kjósendur þau Fannar Sveinsson, Lóa Björk Björnsdóttir og Bergþór Másson þreyta kosningaprófið á vef RÚV til þess að glöggva sig á því hvað þau eiga að kjósa. Auk þeirra lítur Baldur Héðinsson stærðfræðingur við og segir okkur frá kosningaspá sinni og Kjarnans.
-
Björgvin Egill Vídalín Arngrímsson er eldri borgari með próf í atvinnuköfun sem unnið hefur ýmis störf. Hann er líka oddviti Frjálslynda lýðræðisflokksins í Norðausturkjördæmi. Hann vonast til að hugmyndir flokksins um samfélagsbanka fari á flug meðal almennings.
-
Eva Heiða Önnudóttir er búin að taka hin ýmsu kosningapróf mun oftar en meðal Íslendingurinn. Hún er prófessor við stjórnmálafræðideild Háskóla Íslands og einn af ábyrgðamönnum Kosningarannsóknar Háskóla Íslands sem meðal annars greinir hvenær meðal kjósandinn gerir upp hug sinn og hvað þeim finnst mikilvægasta kosningamálið.
-
Guðmundur Gunnarsson er fyrrum bæjarstjóri Ísafjarðarbæjar en leiðir nú lista Viðreisnar í Norðvesturkjördæmi. Hann segist lengi hafa verið landlaus í pólitík en finnst hann nú hafa fundið samhljóm með sínum hugmyndum.
-
Orð eru til alls fyrst, en þurfa þau endilega að þýða eitthvað? Segja frasar stjórnmálaflokkanna eitthvað um stefnu þeirra og mögulega stjórnhætti? Um það ræða Eiríkur Rögnvaldsson, prófessor í íslenskri málfraði og Bragi Valdimar Skúlason tónlistamaður, auglýsinga- og textasmiður og ekki síst stjórnandi sjónvarpsþáttarins Kappsmál
-
Guðrún Hafsteinsdóttir markaðsstjóri leiðir lista Sjálfstæðisflokksins í Suðurkjördæmi. Hennar helsta baráttumál er öflugt atvinnulíf.
-
Stefanía Óskarsdóttir, dósent við Háskóla Íslands, og Eiríkur Bergmann, prófessor við Háskólann á Bifröst, velta fyrir sér stöðunni í kosningabaráttunni og hvernig hnífjafnir flokkar gætu spilað úr kortunum. Við heyrum líka í raunveruleikastjörnunum Binna Glee og Patreki Jaime. Þeir hallast í sitthvora áttina á pólitíska rófinu en eru ekkert endilega vissir af hverju.
-
Arndís Anna Kristínardóttir Gunnarsdóttir er lögmaður og skipar annað sætið á framboðslista Pírata í Reykjavík suður. Henni finnst lausnin á vanda heilbrigðiskerfisins ekki geta falist í því að fólk hlaupi bara hraðar.
-
Við rekumst á Tvíhöfða á göngum Ríkisútvarpsins og lokkum svo fyrrum þingmenn í spjall. Guðmundur Steingrímsson og Katrín Júlíusdóttir pæla í því sem hefur breyst í bransanum og segja okkur hvernig kaupin gerast á eyrinni við ríkisstjórnarmyndun.
-
Ingibjörg Ólöf Isaksen framkvæmdastjóri og bæjarfulltrúi Akureyrarbæjar er oddviti Framsóknarmanna í Norðausturkjördæmi. Hún segir mikilvægt að bæta umgjörðina þegar kemur að móttöku flóttafólks.
-
Við ræðum við Sigurð Svansson eiganda auglýsingastofunnar Sahara, sem hefur tekið saman yfirlit yfir hvaða fjárhæðir stjórnmálaflokkarnir eru að setja í auglýsingar á Facebook og Instagram. Í síðari hluta þáttarins er rætt við hlaðvarps- og útvarpsfólkið Eddu Falak og Tómas Steindórsson um hvernig stjórnmálaflokkarnir og frambjóðendur eru að standa sig í kosningabaráttunni, á samfélagsmiðlum.
-
Ásthildur Lóa Þórsdóttir, formaður Hagsmunasamtaka heimilanna leiðir lista Flokks fólksins í suðurkjördæmi. Hún segir að allir eigi að hafa það gott á Íslandi en það sé ekki staðan í dag.
-
Við kynnum okkur manninn og vinnuna að baki kosningaleikmynd Ríkissjónvarpsins. Þá hlerum við fund Drífu Snædal, forseta ASÍ og Halldór Benjamín Þorbergsson framkvæmdastjóra SA þar sem þau takast meðal annars á um einkarekstur í heilbrigðiskerfinu.
- Näytä enemmän