Soitettu
-
同大家介紹！澳洲著名嘅'Backpacker Murderer' — Ivan Milat🔫
慘被性侵同虐待嘅遺體接二連三咁喺同一個國家森林公園被發現，共通點就係死者全部都係backpacker🥶
呢個公園亦都因為咁，變成遊客聽到都彈開九丈遠嘅禁忌之地👻
案件調查進度曾經停滯不前，但最後因為一個主動提供線索，仲不求回報嘅生還者而有所突破！
你覺得Ivan Milat殺嘅人又止唔止7個呢？歡迎喺下面留言💬
-
首先又要講聲唔好意思🥲今集set咪set得唔好，啲聲唔係最完美🥺
今集講一對被稱為「澳洲喪心病狂夫妻」！短時間內不停綁架 + 強姦 + 虐待 + 謀殺年輕女性… 唯一慶幸有倖存者逃脫，令單案更快被揭發🥹
佢哋係用咩借口綁走啲女仔？究竟呢兩個人經歷過咩，啲價值觀咁扭曲？點解個女人可以接受老公同其他女人發生關係，甚至幫佢搵埋「獵物」？🥶
畸形嘅愛情，到底變質到咩樣？連專家都話冇見過啲咁嘅情感依賴？！你對呢種「愛」又有咩睇法呢～留言話俾珍崔知啦！ -
今集阿珍為大家帶嚟一單喺澳洲十分出名嘅神秘事件！㊙️
有一個男人着住西裝，一聲不響，離奇死喺沙灘，途中仲要有唔少嘅目擊者經過
呢個男人身上冇任何身份證明文件，全部衫嘅tag都被人剪咗落嚟✂️
警察揾到嘅重要線索，竟然係喺一本書上面撕落嚟嘅紙條！
佢生前寫喺書上嘅密碼(代號?)，到依家都未有人破解到🔎而呢單案到近年都仲有新進展！👮🏻♂️
有人猜測呢個男人係蘇聯間諜，你又點睇？
歡迎喺下面留言話俾我哋知💭 -
Welcome to Australia!! 🇦🇺🇦🇺🇦🇺
我哋終於move on去第6季了！打頭陣為大家帶嚟澳洲版Granny Killer🥶
佢殺咗6個呀婆，非禮過唔少呀婆，仲有一大堆cold cases將佢列做頭號嫌疑犯！
係咩原因令佢咁憎婆婆，要用咁殘忍嘅手段殺害，再用絲襪將佢勒死？😭😭 但係亦都係因為佢每次犯案都有獨有pattern，令到警方好快意識到有連環殺人犯！
其他疑似係JOHN做，又未破嘅謀殺案包括：
1. Emmie May Anderson（78 歲）
2. Irene Kiddle（61 歲）
3. Elsie Boyes（63 歲）
4. Christina Yankos（63 歲）
5. Florence Broadhurst（78 歲）
6. Josephine McDonald（72 歲）
7. Wanda Amundsen（83 歲）
今集有成51分鐘！好耐冇試過錄咁長，希望大家多多支持🫶🏻
P.S. 今集唔好較太大聲聽，因為錄嗰陣太近個咪，所以多數講「婆婆」嘅時候都有啲氣噴到個咪🥲 sorry大家！ -
想喺度同大家講聲唔好意思
泰國案件嘅透明度極低我諗大家都知，呢一集人物關係比較複雜，加上多線發展，我擔心大家聽聽吓可能會跟唔切🙏🏻
為咗幫大家理清案情，我親手整咗timeline圖擺咗上ig，建議大家可以一路望住幅圖一路聽！
----------------------------------------------------------------------------------------------
其實未正式錄音之前已經估到可能會講到好混亂，但呢單案喺泰國算係超級經典嘅案例，堪稱‘case of corruption and injustice’，所以阿珍決定星馬泰系列最後一集一定要講佢！🗣️
一個美泰混血兒遇害，本身係關鍵証人嘅tuktuk車司機十年後先被揭發，原來當初係同警察夾埋講假口供🤯
四位代罪羔羊被判死刑，最後坐監坐咗足足七年，先被宣告無罪釋放
究竟佢哋係收咗錢，定係俾泰國警察嚴刑迫供到「被認罪」？
最嬲嘅係！嗰位夾假口供嘅警察最後竟然可以乜事都冇！！！🤬
到最後，呢單案嘅重點，已經唔係邊個係兇手（最後孭飛嗰兩個都唔知真定假），而係當中嘅腐敗同不公義👎🏻
歡迎喺下面留言，話俾我哋知你點睇💬
四位代罪羔羊：
Rungchalerm Kanokchawalachai (46)
Krasae Phloiklum (33)
Phithak Khakhai (30)
Thawat Prayun (30)
-
Weehee 泰國系列尾二嘅一集!!!
前警長喺幼稚園進行無差別攻擊，造成呢單喺近代史上單一兇手犯嘅大屠殺入面，兒童死傷最慘重嘅案件之一🥺🥺🥺 連見慣大場面嘅救援隊都話好難handle…
到底兇手嘅動機係咩？要殺害36人去報復社會，仲要揀最弱小無辜嘅小朋友😔
呢單案令泰國軍警精神狀態同埋槍械管制再次受到關注！想聽珍崔討論？即刻收聽呢集🙌🏻 -
今集嘅案件係泰國十分出名嘅婦科醫生殺妻肢解案！🇹🇭
呢單案當時震驚咗全泰國，一個醫生兼大學教授一夜之間殘忍咁肢解咗自己老婆，阿珍依家諗返起嗰位鄰居聽咗成晚嘅沖廁聲都起雞皮🚽🥶
之後兇手竟然被泰皇兩次特赦，坐咗唔夠11年監就放出嚟🤬
喺今集嘅最後，我哋仲會補充一啲阿珍上網見到關於泰國懲教制度嘅有趣資料🤭
（希望出咗呢一集之後我哋兩個仲可以順利出入泰國👷♀️ peace🤞）
-
嗚呀！泰國真係好難做呀！啲名真係好難讀呀🥲
泰國EP4!! 泰國富二代「疑似」連環殺人犯殺害女朋友，將佢放入金屬棺材嘅案件！調查期間警方竟然喺佢屋企池塘搵到接近300塊人骨…💀 心寒嘅係，呢個富二代嘅爸爸都係一個殺人犯..
含住金鎖匙岀世，衣食無憂嘅佢到底經歷過啲咩，變成一個冇感情，窮得只剩下錢嘅人？ -
今集講一位喺泰國紅透半邊天嘅嫌疑犯！佢就係Chaiphon Wipha，人稱「蓬叔」
（珍估因為係普通話譯音，網上資料先會寫「蓬」，所以我喺呢集入面會叫返佢做「龐叔」😂）
受害者係一個3歲嘅可愛小妹妹，懷疑俾人拐去森林度施暴，然後活活餓死😭而加害者竟然有可能係自己嘅舅父？！
呢個未定罪未判刑嘅嫌疑犯舅父，更加因為佢俊俏嘅外表同出眾嘅才華（？？？珍崔依然表示黑人問號）而一夜爆紅，代言、廣告、拍真人show，連MV都拍埋？？！🤯
呢個世界究竟發生咩事？？！！歡迎大家喺下面評吓理！😂😂
P.S. 為大家獻上龐叔嘅MV link:
Jintara Poonlarp Tao Ngoi Official MV
https://www.youtube.com/watch?v=Bw4a2cuIaTU
-
泰國EP2!! 講一個「KOL」殺人故事，肢解完受害人仲被媒體同網民吹捧嘅殺人犯🤬🤬
除咗網民，連警察都俾特別待遇佢哋？！食煙瞓覺化妝selfie，唔知以為明星去警局度假🤯完全冇人care佢哋做嘅事、犯嘅法，反而focus喺佢有幾靚，佢著咩衫！連分屍用嘅用具都被整成Key chain!!
嬲到爆炸嘅案件，今個系列應該好難捱啊😮💨
P.S. 聽到最後有崔嘅柒事分享🥲 -
歡迎大家嚟到泰國🇹🇭
今集講一單疑似食人魔嘅案件🍴
細偉呢個名阿珍一早聽過，一講起泰國奇案就諗起佢🤔印象中佢就係一個專食細路嘅痴線佬
不過！！！今次認真上網睇資料嗰陣，竟然有意外嘅發現！🤯
細偉究竟係點樣由一個中國嚟嘅農民，去到泰國之後變成食人魔，然後成為博物館嘅展品，最後演變成一件社會事件呢？
聽完喺下面留言/dm我哋講吓你點諗啦💭
PS. 今集jingle用嚟慶祝崔姐終於康復，想聽好笑嘢就聽到最後啦🤭
-
來到第60集，帶來富商復仇刺殺女婿案！
大半生都為屋企人打拼嘅富商陳南成一手一腳創立公司，想畀三個女有好嘅生活，點知個女畀心懷不軌嘅賤男呃咗😡除咗呃感情仲想呃公司！？
令陳南成失去理智嘅導火線又係咩呢？
佢哋一家嘅經歷令民眾都好同情🥺紛紛為陳南成求情。。。
想知最後點解佢可以被輕判？快啲聽聽新一集🫶🏻 -
今集嘅案件曾經被報導為1977年十大最令人震驚嘅新聞之一 — 鐘玉霞失蹤謀殺案😵
受害人係一個年僅10歲嘅小學生，佢喺一個星期五嘅下晝失蹤後就再冇人見過佢……
兇手犯案後更打過兩次電話俾受害者一家，要求嘅條件唔係錢，竟然係要「以細換大」？！😰
今集又係一單變態嘅搞小朋友案，雖然係好耐歷史嘅案件，但都希望大家多啲愛惜保護身邊嘅塞豆窿🙏🏻
-
不經不覺，呢個系列已經做到第20集🥳🥳今個星期繼續係新加坡篇～
一個女子喺同老公準備簽離婚協議嘅時候竟然離奇被殺，現場冇兇器，亦都冇留低任何兇手嘅痕跡。。。最大嫌疑嘅老公竟然有完美不在場證明！？
背後其實係一個賤男嘅買兇殺人計劃🤯呢個賤男唔單止殺人，仲要揀一啲入世未深嘅人嚟代自己落手！準備好一套殺人指引，看似計劃得好周詳，但係仍然犯咗唔少低級錯誤，所以都好快落網😤
被捕後一直保持住間搞嘅笑容，真係令人恨之入骨🤬🤬🤬🤬 -
強勢回歸！🎊🥳
今集嘅案件係新加坡無人不知嘅世紀懸案🔍
4個無辜嘅小朋友喺爸媽離開屋企後短短嘅40分鐘內，被兇手殘忍咁斬殺🔪
爸媽返到屋企後，痛心咁目賭自己小朋友屍疊屍嘅恐怖一幕……💔
事後（疑似）兇手更加寄信俾受害者一家，笑佢哋絕子絕孫🤬🤬🤬
警方懷疑係熟人所為，但兩公婆一直否認自己有同人結怨，究竟係咩人咁大仇口？
呢一單44年嘅懸案，到現今都仲未偵破，4個小朋友就咁死得不明不白😢今集又係心噏嘅一集
-
今日同大家講一單誇張過電視劇嘅案件！
American Express新加坡區域副總裁被殺，兇手竟然係身邊最親嘅人，老婆同大哥😨
點解老婆李枝寶最後會被改控較輕罪名，最後只係判處七年監禁？🤔連法官都話佢承受太多了…
死者到底做咗啲咩，令珍姐都嬲到拍枱發洩😡？聽完單case都好心痛李枝寶，為愛情賭上一切，但最後輸清光😔
想知今集有幾誇張？快啲收聽啦！😎😎 -
今個禮拜阿珍去咗日本旅行都準時出到，真係要鼓返個掌先👏🏻🥳 （呢集出嘅時候，阿珍應該差唔多返香港💸 又要做返窮社畜）
兩位日本遊客開開心心去新加坡旅行，點知就喺到埗唔夠兩個鐘之後，就喺五星級酒店慘遭劫殺
其中一位受害者更被兇手踩面，最後導致面部6處骨折🤯
呢單案更加間接改變咗新加坡嘅監禁制度👨🏽⚖️
你又覺得兇手係有心踩面，定係真係仆親嘅無情力殺人？
喺下面留低你嘅諗法👇🏼💭
（btw有冇人覺得楊邦孝個樣正氣好多？）
-
(今集啲聲因為啊崔手殘…overwrite咗之前嘅file，搞到啲聲少少kick，去咗山洞錄咁款🥲 為咗補償大家，留咗啲口齒不清footage喺入面，希望大家原諒me）
新加坡系列做極都仲有case想講😂今個星期講一單笨賊為錢殺人嘅案！兇手因為一時貪念殘忍殺害兩父子，但最後佢竟然一蚊都搶唔到？_？
兩個受害人分別喺唔同地點被發現，點解警方可以咁快搵到佢哋？原來呢個笨賊蠢到自爆咗都唔知..🤷🏻♀️
珍姐表示聽到勁緊張，柯珍上身！歡迎大家聽完都留低少少意見🤣 -
新年快樂！🎊 祝大家新一年身體健康，𢭃多啲利是🧧
今集睇標題基本上都估到單case講乜😂
崔姐仲話今集成集警訊咁，係笑話一則🤡
仲要最後冇人受傷，都可以話係好結局🙌🏻啱曬新年聽啦～
皆因啊珍趕住出門口拜年，今次description唔講咁多喇🤣大家趁熱聽啦！💬
-
⚠️最後一張圖請慎入⚠️
（冇位加慎入圖，唯有喺第一句講定）
啊崔聲音仍然未回復正常，本集為covid限定老牛聲版本😂 希望大家可以多多支持🙏🏻
繼續喺新加坡系列，為大家帶嚟一單有啲殘忍嘅驅魔挖眼命案🥶兇手因為覺得未婚妻被鬼上身，為佢進行驅魔儀式，用多種武器將未婚妻虐殺😔
手法恐怖之餘，佢仲將死者某啲身體部份掉咗落街….
到底點解兇手會有咁樣嘅諗法？藥單令人覺得好心噏嘅案件☹️珍姐聽完都話個心好唔舒服… 我哋討論期間都講到冇辦法怪罪任何一方，真係一單非常之慘，同埋令人心酸嘅案件….
- Näytä enemmän
