Episodes
-
GARGIÐ - fjórtándi þáttur!
Dizzy Mizz Lizzy og danska gruggið, Dee Snider mærir metalinn, Duff McKagan gerir sólóplötu og Lights on the highway snýr aftur.
Keith Richards er hættur að drekka, Paul McCartney fær hjálp frá Ringo og Ronnie Wood, Geezer Butler kynnir nýja súper grúppu og trommuleikari Bowie hafði ekki hugmynd um að hann væri á kafi í kóki.
Amerískt söngvaskáld sniffar lím og býr til forvarnalag í kjölfarið og HAM býður okkur í partý!
RATM, Twisted Sister, Spooky Tooth, H.E.A.T og Motörhead kíkja líka í heimsókn.
Þetta er GARGIÐ! -
Arnór og Jón feta áður óþekktar slóðir í þessum þætti Proggkastsins þegar þeir fjalla um plötuna Out of the Blue með Electric Light Orchestra.
-
Episodes manquant?
-
Arnór og Jón leiða þig inn í seiðandi heim proggsins. Allt um yfirgangssemi og mikilmennskubrjálæði þessarar merku tónlistarstefnu.
Varúð: Þeir eru ekki alltaf sammála.
Í þessum þætti Proggkastsins fjalla þeir um plötuna Thick as a Brick með Jethro Tull -
GARGIÐ - þréttándi þáttur!
Ozzy er sjötugur, Axl ælir og Dr. Spock smyglar smjöri.
Tenacious D, ZZ Top, Kings of Leon, Rush og Pixies kíkja í heimsókn, Oomph er ekki Rammstein og Tommy Lee er brjálaður yfir rússíbana.
Green Day lendir á Mars, Slayer fær liðsauka, Spinal Tap snýr aftur, Dio er gerður út þrátt fyrir að vera látinn og Maus sendir okkur tölvupóst.
Einnig heyrum við um söngvara sem var krossfestur á Hollywood skiltinu!
Þetta er GARGIÐ! -
GARGIÐ - tólfti þáttur!
Allt fer á hliðina í bæ einum í Texas þegar djöfladýrkendurnir í Ghost mæta á svæðið, Mike Campell, Neil Finn og Eddie Vedder koma fram á baðherbergistónleikum og aðdáendur taka upp myndband fyrir Slash og félaga.
Áhrif Noel Gallagher gætir víða, Rammstein ræsir vélarnar og Muse samplar vítaspyrnukeppni. Við heyrum líka í Emigrate, Smashing Pumpkins, Pantera, Hell Yeah, Fleetwood Mac, Pearl Jam, Devin Townsend og Thin Lizzy. Skógareldar leika Limp Bizkit grátt og Sálin færir okkur þessi þungu högg.
Þetta er GARGIÐ! -
GARGIÐ - ellefti þáttur!
Greta Van Fleet er of vinsæl til að spila með Deep Purple, Skunk Anansie hleypur í skarðið fyrir loddara og pönkbylgja miðaldra fólks á Austurlandi elur af sér pönkhátíð.
Joe Perry úr Aerosmith var fluttur á sjúkrahús eftir að hafa spilað með Billy Joel, Joe Satriani fer á brimbretti með geimveru, 82 ára maður syngur þungarokk í Americas Got Talent og Friðryk býður okkur í kirkju.
Hljómsveitirnar Cream, Goodbye June, DDT skordýraeitur, Austurvígstöðvarnar, Fræbbblarnir, A Perfect Circle og Innvortis koma einnig við sögu í þætti vikunnar ásamt fleiri fréttum og skemmtilegum sögum úr rokkheimum.
Þetta er GARGIÐ! -
GARGIÐ - tíundi þáttur!
Giggið sem ól af sér Iceland Airwaves fyrir 20 árum síðan, Placebo lagið sem David Bowie heimtaði að yrði tekið upp aftur svo hann gæti sungið yfir það og endalok Pantera.
Hætt var við Judas Priest ballið og áhugi á rokki virðist vera í niðursveiflu í landinu... eða hvað?
Söngvari Korn vill líka meina að rokkið sé ekki jafn vinsælt nú og það var um aldamótin þegar þeir börðust við strákabönd um toppsæti vinsældarlistana.
Fleiri sögur og tónlist með Dead Sea Apple, Toy Machine, Incubus, Screaming Trees, Uriah Heep, D-A-D, Agent Fresco, Jet Black Joe, Dream Theater og Búgdrýgindi.
Þetta er GARGIÐ! -
GARGIÐ - níundi þáttur!
Creedence Clearwater Revival og lagið sem breyttist í baráttusöng gegn Víetnam stríðinu, glænýtt og níðþungt efni með Slipknot, seiðandi blúsrokk frá Beebee and the Bluebirds og Bruce Dickinson segir sína skoðun á Frægðarhöll Rokksins.
Stevie Ray Vaugn sýnir okkur hvernig á að gera þetta og Tom Morello segir okkur frá óútgefnum lögum með Audioslave. Spinal Tap syngur um hversu tignarlegt rokkið er en Queens of the Stone Age segir að engin viti það í raun og veru.
Við finnum kanadíska þungarokksveit í gullkistunni, 200.000 naglbítar mæta með gamla klassík og Jon Bon Jovi lætur Kim Kardashian heyra það.
Deep Purple leysir söngvaraleysi meistaralega, hlustandi kynnir okkur fyrir Chimaira, Ghost fær Grammy og Dr. Spock klárar partýið með stæl!
Þetta er GARGIÐ! -
GARGIÐ - áttundi þáttur!
Skítugur aðdáandi drepur Ozzy næstum því með handabandi og aðdáandi Billy Idol kærir hann fyrir að eyða ekki með sér nótt á hótelsvítu.
Söngvari RHCP trompast á körfuboltaleik, Young bræður breyta gítaræfingu í hittara, Queen gerði líklega fyrsta trash-metal lagið og Les Claypool selur bílinn til að borga fyrir stúdíóið.
Nýtt frá Smashing Pumpkins og hljómsveitinni Norður, Mínus fer á kostum og við heyrum endurhljóðblandaða Bítlaperlu.
Marilyn Manson setur andlitið á sér á gervilimi og Kontinuum býður okkur í huldusal.
Þetta er GARGIÐ! -
GARGIÐ - sjöundi þáttur!
Eldheitt lag frá Rock Paper Sisters beint úr ofninum, virðingarvottur við Chris Cornell, indí pönk frá Ástralíu og lagið sem kom The Offspring á kortið.
The Mars Volta kíkir í heimsókn og í gullkistunni finnum við lag með Finger Eleven úr þriðju mynd Scream-seríunnar. Led Zeppelin bókin og sundlaugarstríð Jimmy Page, Vicky snýr aftur af krafti og trommarinn í Green Day segist vera í íslensku death metal bandi. System of a Down íhugar að leita til sálfræðings, Gene Simmons hatar að syngja eins og amma sín, Tool flytur lagið sem engin getur borið fram og Soma býður okkur í Strætó.
Þetta er GARGIÐ! -
Arnór og Jón leiða þig inn í seiðandi heim proggsins. Allt um yfirgangssemi og mikilmennskubrjálæði þessarar merku tónlistarstefnu.
Varúð: Þeir eru ekki alltaf sammála.
Í þessum sjötta þætti Proggkastsins fjalla þeir um meistaraverkið Lateralus úr smiðju Tool. -
GARGIÐ - sjötti þáttur!
Papa Roach kemur á óvart með tveimur Rage Against The Machine lyktandi lögum og Rival Sons hvetur okkur til að gera okkar allra versta.
Marilyn Manson biður okkur um allt of stóran greiða en launar okkur með söng um gullár David Bowie.
Ótrúlegir áfangar á ferli Metallica undanfarin ár, lagið sem Guns N' Roses henti af Appetite For Destruction, frönsk heilaglíma frá Igorrr, fyrsti sjokkrokkarinn og banhungruð íslensk Skepna.
Disturbed gaurarnir fá þá hræðilegu hugmynd að taka upp hálfrar aldar gamalt lag eftir Simon and Garfunkel og það slysast til þess að verða vinsælasta lag sem sveitin hefur gefið út.
Klikkaður trúður ræðst á Fred Durst þegar halta kexið er á sviði, með alveg óþægilega lélegum árangri og Mastodon flakkar um eyðimörkina.
Rappdrottning og þungarokkarar taka höndum saman í Kroniku, söngvari í þýskri Pink Floyd heiðurssveit heiðrar Skunk Anansie og Tuð telur skattkerfið á Íslandi í molum og heimtar 100% skattlagningu á lýðinn.
Þetta er GARGIÐ! -
GARGIÐ - fimmti þáttur! Machine Head er í tómu tjóni þessa dagana en við gefumst ekki upp á Flynn og félögum alveg strax, Volcanova býður okkur í bíltúr og við störum reiðilega á dónalega drengi í jakkafötum. Við heyrum hvernig pirraður trommuleikari hamraði kúabjöllu inn í rokksöguna, fáum kaffisopa hjá Korn og kennslustund frá Ice T.
Benny Crespo's Gang er komin á kreik og við fögnum því!
Pearl Jam og Soundgarden flytja lög úr bíómynd eftir manninn sem túraði með rokksveitum og skrifaði um það í Rolling Stone tímaritið aðeins 16 ára gamall. Lemmy frændi kíkir í heimsókn og Vínyll slær botninn í gleðina.
Þetta er GARGIÐ! -
GARGIÐ - fjórði þáttur! KISS tilkynnir endalokin, Ensími gefur frumburðinn út á vínyl, Slipknot gæti mögulega verið að vinna með gömlu vin ef marka má sjálfskipaðar rannsóknarlöggur og mynd af hundi, Bruce Dickinson er á leiðinni til landsins, ofurgrúppa sem varð til upp úr djammi í Cabo Wabo, Dave Grohl fær ekki nóg af íslenskum brennsa, Steel Panther tekur okkur í kennslustund og sem betur fer fékk Mark Walhberg ekki að syngja lagið sem við fundum í gullkistunni. Það er alltaf stuð í GARGINU!
-
GARGIÐ - þriðji þáttur!
Ný músík frá Uriah Heep, Stebba Jak og prestinum Júdas sem mun þjóna fyrir altari í Laugardalshöllinni í janúar næstkomandi. Dimman okkar allra hitar upp fyrir prestinn og auðvitað við heyrum hressandi tóndæmi af lokaplötu þríleiks þeirra, sem er eitt af þrekvirkjum íslenska þungarokksins. Meistarar dauðans rokka upp lag eftir Jónas Sig og Ritvélar framtíðarinnar, og vinir okkar í Mr. Big rifja upp gullárið 1992 þegar þeir höfðu heiminn í höndum sér. Sveitin varð þó fórnarlamb ein-smellungs-grýlunnar eftir að hafa hugsað sér gott til glóðarinnar og gefið út sykursæta rokkballöðu til að selja fleiri plötur.
Í gullkistunni gref ég eftir lagi sem varð nánast eingöngu vinsælt út af brjáluðu leirmyndbandi. Söguþráðurinn innihélt grísina þrjá, úlfinn vonda og auðvitað hinn eina sanna Rambó.
Aerosmith leikur sér með dótahljóðfæri, við ferðumst aftur til ársins 2005 og heyrum í Sign. Síðast en alls ekki síst fræðumst við um tilurð Vorkvölds í Reykjavík sem rokkararnir Raggi Bjarna og Gildran gerðu ódauðlegt, hvor á sinn hátt. Þetta er GARGIÐ! -
GARGIÐ - annar þáttur!
Við heyrum um afmælisútgáfur frá Powderfinger og Metallica, fréttir vikunnar af Garg.is og nýtt efni frá The Vintage Caravan, Rock Paper Sisters og Svavari Knút.
Lynyrd Skynyrd og Rob Zombie leiða saman hesta sína, Mike Myers ryðst inn á sviðið á Alice Cooper tónleikum og í gullkistunni gref ég upp gamla perlu frá því að DIO ætlaði að útrýma hungursneyð í Afríku.
Við fræðumst um sjóræningjaþungarokkara sem skapa bæði músík fyrir hunda og mannfólk, hvernig örverur voru nefndar í höfuðið á meðlimum Rush og heyrum lög með hinni ítölsku Lacuna Coil og hinni íslensku Wulfgang.
Þetta er GARGIÐ! -
GARGIÐ - fyrsti þáttur!
Við heyrum rokktónlist úr öllum áttum, förum yfir fréttir vikunnar á Garg.is og gröfum í gullkistuna eftir týndri perlu.
Markmiðið er að kynna þig fyrir nýrri og gamalli tónlist sem þú hefur mögulega ekki heyrt áður í bland við lögin sem við þekkjum öll og fáum bara ekki nóg af.
Kokteill þáttarins samanstendur af Black Sabbath, Mötley Crüe, Guano Apes, Greta Van Fleet, Nirvana, Alice In Chains, Mother Love Bone, LOK, Prophets Of Rage, Slash ft. Myles Kennedy and The Conspirators og Haltri Hóru. -
Gestur þáttarins er Samúel Örn bassaleikari Cult of Lilith.
- Montre plus
