Episoder
-
Ingvi Þór Sæmundsson fékk þá Atla Viðar Björnsson og Baldur Sigurðsson til að fara yfir nýafstaðið tímabil í Bestu deild karla.
-
Theodór Elmar Bjarnason setti punkt fyrir aftan 20 ára knattspyrnuferil sinn þegar KR vann 7-0 sigur á HK í lokaumferð Bestu deildar karla síðustu helgi. Ferill hans er skrautlegur en hann hélt utan aðeins 17 ára gamall til stórliðs Celtic í Skotlandi og hefur síðan alls leikið í sex löndum, að Íslandi undanskildu. Hann lítur nú til næsta verkefnis en hann hefur verið ráðinn aðstoðarþjálfari uppeldisfélagsins og verður því á hliðarlínunni í Bestu deildinni að ári.
-
Mangler du episoder?
-
Birkir Már Sævarsson lék sinn síðasta knattspyrnuleik á ferlinum þegar lið hans Valur vann 6-1 sigur á ÍA í lokaumferð Bestu deildar karla síðustu helgi. Þar hóf hann einnig meistaraflokksferilinn árið 2004, átti síðar eftir að vera í atvinnumennsku í Noregi og Svíþjóð í áratug, og er þá fjórði leikjahæsti leikmaður íslenska landsliðsins með 103 landsleiki að baki. Við settumst niður með Birki Má fyrir lokaleikinn við ÍA en hann nú floginn til Svíþjóðar hvar fjölskylda hans hefur búið frá því í desember í fyrra.
-
Greint var frá því í yfirlýsingu HK á þriðjudagskvöldið síðastliðið að Ómar Ingi Guðmundsson myndi ekki halda áfram þjálfun karlaliðs félagsins í fótbolta sem að féll úr Bestu deildinni á nýafstöðnu tímabili. Það var að ósk Ómars að leiðir myndu skilja á þessum tímapunkti en hann hafði verið aðalþjálfari liðsins síðan árið 2022 og hafði það sama ár stýrt liðinu upp í efstu deild á nýjan leik.
Ómar er HK-ingur út í gegn og hefur hann verið það frá sex ára aldri þegar að hann hóf að æfa fótbolta með félaginu sama ár og það var stofnað, á því herrans ári 1992 og á Ómar feril hjá HK sem leikmaður, þjálfari hjá yngri flokkum félagsins og nú síðast sem aðalþjálfari. Rúmt þriggja áratuga samstarf að taka enda en bara tímabundið því HK verður alltaf hluti af Ómari.
Í þessu viðtali ræði ég við hann um tímann hjá HK, ást hans á félaginu, ákvörðunina stóru sem og sýn hans á framhaldið, bæði hvað sig varðar en einnig HK. Verið velkomin í Besta sætið. Með mér, Aroni Guðmundssyni og gesti mínum Ómari Inga Guðmundssyni.
-
Eftir tuttugu og eins árs feril í embætti formanns knattspyrnudeildar Vals hefur Börkur Edvardsson ákveðið að láta staðar numið og mun hann ekki bjóða sig fram til formanns sé stjórnarsetu á komandi haustfundi félagsins. Í þessu viðtali í Besta sætinu förum við um víðan völl í tengslum við tíma Barkar í formannsembættinu hjá knattspyrnudeild Vals.
-
Eftir að hafa landað sjálfum Íslandsmeistaratitlinum með Breiðabliki um nýliðna helgi, þeim þriðja á ferlinum, greindi Ásta Eir Árnadóttir, fyrirliði liðsins, frá því á sunnudaginn síðastliðinn að skórnir væru komnir á hilluna. Ákvörðun Ástu kom vafalaust mörgum á óvart en hún á þó sinn aðdraganda. Ásta lék sinn fyrsta leik í efstu deild árið 2009. Síðan þá hefur mikið vatn runnið til sjávar og er Ásta þremur Íslandsmeistaratitlum og þremur bikarmeistaratitlum ríkari. Þá var hún hluti af liði Breiðabliks sem skráði sig á spjöld sögunnar með því að verða fyrsta íslenska liðið til að leika í riðlakeppni í Evrópukeppni.
Hér má hlusta á viðtalið við Ástu Eir í heild sinni þar sem farið er nánar í saumana á ákvörðun hennar um að leggja skóna á hilluna, tímann hjá Breiðabliki, úrslitaleikinn gegn Val sem og framhaldið hjá henni og ástina hennar á Breiðabliki.
-
Henry Birgir Gunnarsson, Stefán Árni Pálsson og Valur Páll Eiríksson fara yfir það helsta í íþróttaheiminum.
-
Ingvi Þór Sæmundsson fór yfir fyrsta þriðjung Bestu deildar karla með þeim Henry Birgi Gunnarssyni og Atla Viðari Björnssyni.
-
Henry Birgir Gunnarsson, Aron Guðmundsson og Valur Páll Eiríksson renna yfir fréttir vikunnar og var af nægu að taka.
-
Andri Ólafsson, Eiríkur Stefán Ásgeirsson og Henry Birgir Gunnarsson fóru yfir nýliðaval NFL-deildarinnar og byrjuðu að spá í spilin fyrir næstu leiktíð í NFL-deildinni.
-
Henry Birgir Gunnarsson, Aron Guðmundsson og Valur Páll Eiríksson renna yfir fréttir vikunnar í íþróttaheiminum og spá í spilin fyrir leiki helgarinnar.
-
Henry Birgir Gunnarsson, Aron Guðmundsson og Valur Páll Eiríksson renna yfir fréttir vikunnar og var af nægu að taka.
-
Stefán Árni Pálsson, Teitur Örlygsson og Helgi Már Magnússon rýna í úrslitakeppni Subway-deildar karla sem hefst í vikunni.
-
Guðmundur Benediktsson og Kjartan Atli Kjartansson hituðu upp fyrir fótboltasumarið. Gestir þáttarins eru Atli Viðar Björnsson, Albert Ingason, Baldur Sigurðsson og Sigurbjörn Hreiðarsson.
-
Stefán Árni Pálsson og Kjartan Henry Finnbogason hita upp fyrir risaleik Íslands og Úkraínu. Sigurvegari leiksins fer beint á EM í sumar.
-
Guðmundur Guðmundsson, reynslubolti úr handboltaheiminum, hefur verið að ná sögulegum árangri sem þjálfari Fredericia í efstu deild Danmerkur í handbolta. Hann fer yfir tíma sinn hjá félaginu til þessa, framtíðarhorfur og umhverfið sem hann vinnur við hjá félaginu. Ástríðu sína og andvökunætur sem fylgja því að vinna við það sem gefur honum einna mest.
-
Henry Birgir Gunnarsson, Aron Guðmundsson og Valur Páll Eiríksson renna yfir leikinn Íslands og Ísraels og ræða einnig allan storminn í aðdraganda leiksins.
-
Stefán Árni Pálsson, Gummi Ben og Kjartan Henry Finnbogason spá í spilin fyrir leik Íslands og Ísraels í Búdapest í kvöld.
-
Henry Birgir Gunnarsson, Eiríkur Stefán Ásgeirsson og Maggi Peran fara yfir leikmannamarkaðinn í NFL-deildinni sem hefur verið algjörlega sturlaður síðustu daga.
-
Henry Birgir Gunnarsson, Aron Guðmundsson og Stefán Árni Pálsson fara yfir fréttir vikunnar.
- Se mer
