Episódios
-
🎙Jaaaaaaaa!! Daor zien wae wir!!! Sorry...of ja sorry? Sorry? Is ut nuddig? Motte wae nou sorry zeggen? Of ja...hmmm wae gaon echt gin sorry zeggen...Dinke det ut meugelik wel nuddig is nao dees podcast...Veul plezeer! Lof jaaaaaa 😘
-
🎙Sorry, sorry, sorry! Wae heije langer nuddig veur dees podcast dan Jezus nuddig heij om te herrijzen oeht de doeëd. Verf dien eier, vrolijk Pasen. Sorry auk veur praote mit volle mond...
#podcast #Podcasts #limburger
-
Estão a faltar episódios?
-
Sorry, sorry, sorry! Wae doon auk mer get en zien erg druk gewaest mit de vastelaovend, vasten, groupies, cadeautjes, unne neije transportfiets mit dreij versnellingen en truuktraprem en en en...
Zoe en ut ligt stiekem allemaol auk un bietje aan uchzelf...abonneer dich efkes op Spotify. Nou...Doot mer...goed zo!
Dan nog get angers...Binnekort waere wae nog beroemder want de Limburger haet os gevonge! Ennn nog get angers, want wae hebben un meet en greet gehad mit ozze trouwe luusteraar Frans. Ut waas bej Marlon Kicken.
-
Jaaaaaaaaa dao zien wae wir...wat un jaor, tot volgend jaor...Wae zien bijna altied ierlik gewaest dit jaor, behalve die kiere det wae det neet koste zien. Ut waas un biezonger jaor veur os allebei, mer wae hebben os der mier dan prima daorhaen geslagen als zegge wae det zelf. Wilt gae ozze biste veurnemens huur veur 2024? Luuster dan veural dees podcast. Wilt gae ut neet huure, val dan kapodcast...
-
Jaaaaaaaaa, daor zien wae wir!!! In dees podcast euver keuzestress waare wae zoe gestresst det wae de keuze hebben gemakt um ut neet euver keuzestress te hebben. Dus gae hebt twiee opties, luustere of neet luustere. Wae maken os vandaag druk um ut zeekehoes, Chaats domein de zorg, verkiezinge, vrouwlie die topless zonne zonger zich in te smeren, beer drinken mit unne goije raeje, graas aete umdet ut vult, vrouwlie die zich neet sjeere, kerst zonger baum en nog veul mier. En der is nog veul mier zonger det wae ut der euver hebben. Dus maak uch borst(en) mer naat, want wae hebben ut wel euver dingen die angere allein veur zichzelf haoje. Dus...
Kusje van de menkes...
#podcast #ierlik #dialect
-
Jaaaaaaaaaaaaaaaa hik, oepsie, hik, bierrrrr. Op ut verjeudaagscadeautje van Chaat (een fantastische aovend trouwens) hebben wae naeve ut vieren van zien verjaoring en de vriendsjap auk unne podcast opgenomen mit spesjaal biertjes...Sterkte der mit lieve luusteraar, want alcohol makt mier kapot dan uch lief is...Wae staon neet in veur kwaliteit, auk neet of alles wel ierlik is, eigenlijk hebben we dees podcast de ether opgeslingerd en weite wae zelf neet mier wat wae hebben gezagd...
Luuster mer ins wat alcohol mit dich duit...sorry...sorry...sorry!
-
🎙🎂🎂🎂 Vandaag is ozze groeete vriend en knuffelbaer Chaat jeurig. Chaat is net 18 gewaore en is nou officieel unne groeete mins, mer eigenlijk Chaat is net get aojer...Pssst neet tegen Chaat zeggen, want Chaat moog altied zoe blieve en det is zoe geweldig leuk det asse Chaat good kins, kinse altied alle kanten oeht mit Chaat. Des unne vriend, unne vriend dae der altied is en klaor steit, eemes dae door diek en dun mit dich door ut laeve wandelt.
Lieve Chaat van harte gefeliciteerd en hopelijk bliefse veur altied jong!
Veur alle luusteraars aet uch un stuk vlaai op de voest bej de plaatselijke bekker en ren daornao gewoen weg...of zet mer op raekening van de Kemphazen of op de raekening van de Gemeente P&M of doot wat good veult...Wae betalen niks...Cadeautjes moog gae op os kantoer aafgaeve 😘
As cadeautje veur uch hebben wae unne podcast opgenomen. Dit kier geit ut euver Vies...wat smerig is en of vies utzelfde is as lillik? En wat wae vies vinge en of wae bej zon ongerwerp get deepte kinne raken moog gae zelf bepalen... -
🎙Jaaaaaaaaaaa daor zien wae wir en nou mit unne (kermis)kater dae neet mis is. Dus is de podcast extra leuk en auk veur uch natuurlijk op unne zonnig as dees kint gae gewoen lafjes vanaaf de bank of zetel os wigluustere. Mit dit stormwaer en alle codes roed, un gevallen kabinet, supermertprieze en druppelen nao ut tanken is dees podcast wasse echt nuddig hees. Ut geit euver geld trouwens, wie belangriek det ut is en of vrouwen auk echte golddiggers zien? Wae hebben de antwoorden, wae weiten ut en as gae luusterd wit gae ut auk!
-
Jaaaaaaaaaaaaaaa hej zien wae wir, uche twiee manne mit de plopkap van Røde! Witse wat neet werkt? Dingen die neet werken. En nae wae hebben ut neet euver jongens die ronkrieje in Kepèl mit unne auto det neet van hunzelf kin zien. Nae wae hebben ut euver wereldproblemen, euver zaken die echt neet werken!! Wae gaon neet vertellen waor wae ut euver hebben, want dan mot gae mer luustere want dit werkt wel. Kusje!
Wat werkt volgens uch neet? Goij ut op de socials...hoije wae van!
-
JJJJJJJAAAAAAAAA daor zien wae wir en sterker dan oeits! Mit Roel in os hert gaon wae vandaag ut laeve wir ins recht in de moel aankieke. Un ierlik verhaol mit get sjaele wazel. EN DET IS NEET ALLES!!! Dit waas nummerke 50, wat zien wae trots op oszelf en Røde en natuurlijk auk op uch! Lof joe all, mer nog veul belangrieker van os kinse missjien auk nog get liere, haal der mer get oeht en vertel ut angere. Vandaag geit ut euver dingen die angere taege dich zeggen en desse dinks: doot ut lekker zelf! Of jao aoje pik, zal wel...Mer clichés en laeveswiesheden liggen die dicht bejein? Un vrouw die de bein neet heet gesjaore heet waorsjienlijk euveral haore, dit zien raakklappers. Die zien gewoen waor, klopt, niks mier aan doon! Mer is det auk zoe veur al die angere dingen. Chaat en Ronnie nemen uch mit in un good verhaol, abonneer uch op Spotify en zeg wat gae der van vong! Wie blieve trouwens greuije door uch!! JOEHOOOOEEE!!
Vul auk efkes de enquete in ongeraan in Spotify, kriege wae vet veul geld veur. Kinne wae wir get drinke kaupe in de supermert.
-
Jaaaaaaaaaaa dao zien wae wir en in gans Limburg te ontvangen. Nog dreij daag wies Circus Chaat op EGOpop gans Peel en Maas amuseert. Komt dat zien!
Heet Essent dich gebeld of die fieze gierige van Rattenfall um die variabel contract te wijzigen in get wasse neet vast wils hebben? Det veult un bietje as altiedh vlaai aete van de supermert, ut liekt baeterkaup mer dich wits auk det der veule baetere vlaai is. Ut veult un bietje as unne litste bitterbal op zonne partysjaol, iets wasse neet perse wils mer ut dan toch mer nims. Kriesse der allemaol gin energie van? MOOI, want heij zien wae: de mannen van IERLIK!? Wae hakken de waek doormidden en zorgen derveur det dien hemelvaart baeter is dan dae van Christus. Wae hebben ut euver goije energie en wat det mit dich duit. Wae bespraeke ut gewoen mit os vleugje zijdezacht begrip veur alle minderheden in os maatsjappij, wae deinze neet truuk veur unne ierlikke meining te gaeve.
Asse wils weite wie desse energie mos tanken en morgen wie unne ADHDer daor ut laeve geis, luuster dan nou de podcast:
-
Jaaaaaahahahahaaaaaa dao zien wae wir! Uch favoriet zinloos uurtje dinke angere, mer wat wirse toch wiés van ozze podcast hè? Nou kinse dien partner ins vertellen wasse echt veuls, dinks en duis. Nou witse waorum dingen wel werken, kriesse eindelik antwoorden op echte laevensvraoge en durfse thoes auk unne kier 'NEA' te zeggen. Dink ins good aan zichzelf!
Uhhhm huren dich dinke: "aan michzelf dinke, wat is det?"...
Nou de mannen van IERLIK?! vertille euver wat det veur hunzelf beteikent, good veur dichzelf zorgen. Zorgen wae good veur os zelf. En as eemes det tegen dich zeet, heet det zin? En un stuk vlaai aete is det good veur dichzelf zorgen? En auk leggen wae elkaar onmogelijke dilemma's veur...Wat vingse daor zelf van?
En dan nog dit: wat is dien 13? Zet ut in de commentaars, wig mit Katja S. op naor get angers.
#Podcast #ierlik #limburg #dialect
-
Gezellig, det bepalen wae zelf wel! Wat is det gezelligheid? Makt Chaat picdicks of toch neet of is dae wel ierlik? en is det gezellig dan? En dae Ronnie is dae wel gezellig of is ut mit hum huule mit dreij petten op? Zien vrouwen angers asse gezellig zien en kinne die det wel echt? Mit unne high tieë roddelen euver wieveul raumsoeze angere in de gaevel douwe is det dan gezellig? En wie det kin det die kilo's bej hun neet in de vot geit zitten? Mannen zoeie dan zeggen det die waorsjienlik unne stoelgang heet van unne olifant en angere mannen lachen dan. Is det gezellig? Wae kieke naor wat gezelligheid nou eigenlijk is. Ennnnn Joyce is wig (veur efkes)...
-
Jaaaaaaahhhh, daor zien wae wir en wae zien huulemaol os zelf! Of toch neet?! Hooj uch vast want dit is unne deepe podcast allein veur minse die durven get wiejer te kieke dan Kunningslus of d'n Bookend. Dit is unne zwaore, net wie de zwaore sjek onder de erm van de vrouw vreuger bej de snoepjeswinkel die dich oeht ut bovenste rek unne zoore mat te pakken. Net zoe zwaor as unne kilo zoorvleis euver dien kingerfrietje mayo. Wie kieke ut laeve aan, recht aan, wae stelle de vraoge in ut laeve ter discussie die der toe doon, verdiepend, verhelderend en veural filosofisch! Lier, ervaar, wir rieker en veural rieper in dien laeve.
-
Jaaaaaaaaaa euver un paar daag is ut stiekeme verliefdheisdaag (Valentijn) en dich bis noeits te aod um dien liefde de waorheid te vertellen. Dus hebben wae un kaertje gemakt, samen mit Ruud van Vlaaibaar, kost 1 piek en ligt bej de Primera in Kepèl. Steur dien stiekeme vlam dit kaertje en ut wirt zeker seks of un aetentje of gewoen niks...mer det heesse al, dus gauw halen want wat kriesse nog veur unne euro...?!
Dit is auch ut ezelsbruggetje naor ozze neije podcast Aojer waere en nurges spiët van kriege. Wae hebben ut euver ozze angsten, vroulie die aojer waere, waorum ut tof is um man te zien, wae nog neet doëd gaon, wat wae mit de wiësheid van nou angers gedaon zoeie hebben en nog veul mier zoëals hangtiete, gries haor, rimpels, raukvleis, bierviltjes of ja wae weite auk neet mier echt waor wae ut euver hebben gehad. Ein dink weite wae wel, ut waas unne goije en wae sjriewe wel of toch neet? Luuster mer gauw.
-
🎙️ Jaaaaahhhh, wilt gae det wae stoppen mit sjrieuwe in ut begin van de podcast? Laot ut os weite! Wae hebben ut in dees podcast euver goddelijke lichamen en wat wae vinge van os eigen lichaam...En of der gekeken wirt in de sauna en wieveul namen der zien veur unne flamoes. Auk hebben wae ut euver beharing op dien lichaam en nog veul mier. Wat vingse zelf van dien lichaam? Luuster mer ins, missjien kinse get van os liere...
-
🎄 🎙️ Jaaaaaaahhh, hej zien wae wir net veurdetse de kerstborrel hees verpest umdet der net get te veul alcohol in dich zit en te IERLIK bis gewaore nao dien collega('s). Zien wae ierlik geweest in 2022? Wae blikken truuk op 2022, mit antwoorden op vraoge as dees:
- jao, hej wel dinge angers motte doon...
- wil tomatensoep liere maken
- ...det waas echt un hoeegtepunt dit jaor...
- waorum hebben wae der ginne gemakt euver seks...?
- as ut minder is, is ut neet minder goot...
- extra trots waere op get wat volduit aan de verwachting...
- en wat wae neet gaon doon in 2023!Lieve minse en luusteraars, wae willen uch wir bedanken veur ut luustere van IERLIK!? Wae winse uch sjoene fieëstdaag, vier ut goot samen en kiek truuk op wat sjoen waas in 2022. Wae komen sterker, voller en aafgetrainder truuk, wies 2023!
Chaat en Ronnie van IERLIK!?
-
Messi is unne vervaelende Argentijnse teek. Unne zuuger...Chaat vingt van neet, Ronnie vingt van wel. Nederland, nae wae hebben verloren...Chaat veult zich Hollander, Ronnie neet...Chaat en Ronnie hebben auk unne mening euver Nederland in de Gouden eeuw en wae roope nog mier dinger euver ut land waorin wae woëne. Zien der euver 50 jaor nog wel Nederlanders? En huure wae as Limburgers wel bej Nederland? Wat is dan typisch Nederlands? Waor zien wae trots op? Wat is de meist invloedrieke Nederlander? Zien Nederlandse vrouwen knap en good in bed?
Wae hebben de antwoorden, luuster gauw!
-
December is unne commerciële vraetmandj. Half november liggen de pepernoten en gevulde speculaas in de winkel en proppe wae ierst zoetjes de kinger al laegend lekker vol en as naogerecht sloete wae lekker efkes aaf mit unne gourmetsjottel ingesmeerd mit truffelmayonaise. En as wae net bejgekomen zien van de hemelse modder dae wae nog achter de varkenshaas aan mostte douwe, stikken wae nog net neet in unne oliebol mit Aod op Nej. Wat un heerlikke tradities hebben wae toch of neet?
Wel of ginne baum? Unne echte of neet? Veul seks mit die daag? Ruzie? Zien wae christelijk? Zwarte Pieten?
Dees mannen zien neet bang, wae bespraeke ut. Luuster gauw!
-
Jaaaaaaaa daor zien wae wir. Wae zien wir goot verbereid as vanaods. As unne olifant mit legerkisten stampen wae de emoties oeht ozze aafgetrainde commando body. Wae zien mannen van staol en laote uch ruuke aan wie ut laeve is zonger det iets dich kin raake. Net wie Rambo zien eigen erm dichtnejde en mit kroeht zien wonk dichtbrandde, det is wie wae auk dit ongerwerp wir tackelen. Wae maken emoties kapot, wae sjakelen ze oeht net wie de lampen op Panningen Noord. Os hert is duuster en maken van helloween nog mier horror, wae zien erger dan de gaasprieze, gruwelijker dan secondeliem en tomatensoep in un museum, wae zien best geveulig...eigenlijk...En wae willen un emotievrije daag, eigenlijk vief...Luuster gewoen en verman of vervrouw dich.
- Mostrar mais
