Эпизоды
-
德尼思化Discord舉辦活動正式一周年，到底這個香港網路文藝社群是怎樣開始，當中有什麼有趣的故事，各位參加者又有什麼特別的感受？一齊吹吹水，談談對文藝網路社群的未來想像！
-
EP.10｜恰十九歲的我？哈哈哈哈哈哈哈！｜【文藝心事台】
【DSE加油站！德尼思化同你打打氣】
【哈利波特之左派亂象】
【黑小美人魚，忠於原作還是建立黑人身份認同？】
【恰十九歲的我，還敢借坂本龍一藝術千秋人生朝露作辯解】
-
Пропущенные эпизоды?
-
【新高質Youtube channel：香城映畫】
近排發現咗一個有心拍攝唔同短劇，反映、諷喻香港社會現象嘅Youtube channel「香城映畫」，推薦比各位思友！
https://www.youtube.com/@utopia_pictures
【由維園阿伯到網路Haters】
思友話，近年見到好多網路Haters令人個心好唔舒服，覺得香港社會好負面。Haters gonna hate 嘅現象，到底係點樣演化而嚟？原來連張國榮都曾經慘受攻擊！
【好青年荼毒室與網路公審的石頭】
紫煙亭：然而，對我來說，網路公審主要不是「可以／不可以公審」的問題，而是力道問題。某人犯錯，第一個人向他丟石頭，第二個人向他丟石頭，第三個第四個第五個⋯⋯去到第十一個，見到他傷得夠重，會停手。網路公審最困難的就是判斷甚麼時候停手，因為大家都看不到其他人在丟石頭亦看不到他有多傷，大家都覺得錯所以大家都覺得自己有責任丟手上那一塊石頭，結果幾千塊石頭丟過去，遠超他應該受到的懲罰（譴責）。十分直接、具體、不拐彎抹角，不講論證任何細節，只講結論：我覺得在這件事上每個人都可以鬧，但我們亦都要留意自己是不是在丟第十一塊石頭。
【不滿除了漫罵，也可有建設意義的批評】
不滿、憎惡，其實係一種好強大嘅力量，好似柏楊寫《 醜陋的中國人》、鍾袓康著《來生不做中國人》等例，都影響咗一代又一代嘅知識分子。
【面對惡意批評：橫眉冷對千夫指！】
魯迅：後來想，凡有一人的主張，得了贊和，是促其前進的，得了反對，是促其奮鬥的，獨有叫喊於生人中，而生人並無反應，既非贊同，也無反對，如置身毫無邊際的荒原，無可措手的了，這是怎樣的悲哀呵，我於是以我所感到者為寂寞。
如有合作，歡迎電郵🔥
Email：[email protected]
-
EP.8｜屎尿屁之哪兒來的屎啊？｜【文藝心事台】
Spotify 、Apple Podcast、Google Podcast搵「德尼思化」，為大家解開心事。
【用愛發電之程展緯：切勿亂拋未飲完嘅嘢飲落垃圾桶】
喂，唔可以咁掉垃圾落垃圾桶！點解呀？鬼知咩？請好好留意香港藝術家程展緯嘅最新動態！
從保安員、收銀員到港鐵外判清潔工，程展緯都無停止關懷勞工嘅行動。最近更以一萬元刊登兩星期港鐵站廣告，籲市民體諒清潔工的工作。
【屎我係一督屎：每個人都哪兒來的屎嘅故仔】
網路潮文，經典之作「哪兒來的屎」，可能係好多人都讀過搞笑屎故事。我哋相信每個人都有佢嘅深刻體會，今次就等我哋嘅屎見尿聞，同大家分享吓屎經。
【米蘭昆德拉都講屎，仲話同媚俗有關】
屎尿屁嘅搞笑尷尬，唔少都係嚟自社會禁忌，唔比講。原來《生命中不能承受之輕》一早有針對屎做討論，話我哋無視上帝會屙屎係媚俗，過度美化浪漫，無視真實。由古至今，原來有好多咁嘅例子，一齊聽聽！
《生命中不能承受之輕》：
無條件認同生命存在的美學理想，必然是這樣一個世界，在那裡，大糞被否定，每個人都做出這事根本不存在的樣子。這種美學理想可稱為「媚俗作態」。
【西九之屎： 《複雜物堆》Complex Pile ─ Paul McCarthy】
2013年西九草坪上突然多了一大舊屎，名為Complex Pile（複雜物堆），係美國藝術家Paul McCarthy所創作嘅巨型吹氣橡皮糞，以差勁嘅品味探索藝術世界的邊界。
【周星馳：呢度有屎一篤，邊個夠膽掂佢？】
屎可屎，非常屎。人世間嘅嘢，好多都係點樣定義嘅問題。忍屎潮文，道出咗屎係你我生理必須嘅功能，無咗佢，後果非常嚴重。我哋應該正視屎尿屁，接受屎尿屁，還佢哋一個公道！
Leon：Why not？你咁講係因為你懶係受過高等教育，出入又懶係上流社會。係你嘅懶係學識，認為屎就係無聊同埋污穢嘅。就等於你老母或係大姨媽由細到大話俾你聽鬼就係恐怖嘅一樣，所以就算篤屎唔臭你都一樣睇佢唔起。鬼唔埋嚟咬你，你都一樣會驚。如果我哋能夠反轉呢個觀念咁就得嘞。夠膽埋嚟踏下佢吖。
【由藝術家的屎到2 Girls 1 Cup⋯⋯】
同屎唔同命，美國藝術家Piero Manzoni用自己的屎做成藝術品，裝成「屎罐頭」《Artist's Shit》限量發售，可以賣出天價，但中國女詩人賈淺淺就比人插到飛天！但最勁都係有中國藝術家─片山當眾食屎表現，更以《你選擇強權,我選擇吃屎》為行為取名，令人諗起傳說中嘅禁片2 Girls 1 Cup⋯⋯
咩話？戈登未睇過？等佢即場睇一次睇睇有咩感受先！戈登：屌你老鼠，真係中風！唔係效果，真心想嘔！
《兩女一杯》（英語：2 Girls 1 Cup），2007年巴西色情片《飢餓婊子》（英語：Hungry Bitches）的預告片，由MFX媒體（MFX Media）發行。預告片中包含兩嗜糞癖女子相互愛撫，吞吃對方的排遺物，然後嘔吐到對方嘴裡的情節。
如有合作，歡迎電郵
Email: [email protected]
-
Spotify 、Apple Podcast、Google Podcast搵「德尼思化」，為大家解開心事。
【休息為了走更遠的路：德尼思化 3.0】
德尼思化，超進化！由三月開始，我哋將會每個月舉辦唔同嘅活動，好多電影會、讀書會、創作會等緊你嚟參加，快啲留意我哋嘅活動報名表喇！
https://linktr.ee/delis.ver
【教育點解咁重要？父母可以無牌，但老師有牌】
大家都係受過教育嘅文明人，即係點都會見過唔少教畜喇。每次網路講到教育，總係會好多朋友分享自己曾經有過唔好嘅經驗。今日就等我哋一齊分享自己嘅經驗，睇吓大家有冇共鳴？
張曉風：
我把他交給馬路，我要他遵守規矩沿着人行道而行，但是，匆匆的路人啊，你們能夠小心一點嗎？容許我看見他平平安安的回來！我不要越區就讀，我們讓孩子讀本區內的國民小學而不是某些私立明星小學，我努力去信任自己國家的教育當局，而且，是以自己的兒女為賭注來信任的 但是，學校啊，當我把我的孩子交給你，你保證給他怎樣的教育？今天清晨，我交給你一個歡欣誠實又穎悟的小男孩，多年以後，你將還我一個怎樣的青年？
【師者傳道授業解惑也？教育可以咁理想】
社會對教育有咩期待？我哋對好嘅老師有咩想像？經典電影 Good Will Hunting 咁受歡迎，或者正正係反映咗我哋現代對教育嘅期待。壞老師送你落地獄，好老師帶你上天堂。不過，現實又有咩人可以做到《暗殺教室》嘅殺老師呢？
【點解應當打從心底瞧不起老師！？】
三島由紀夫：
「我敢斷定，假如中小學生沒有打從心底瞧不起學校的老師，這種學生長大以後絕不會有什麼出息；假如大學生沒有打從心底瞧不起學校的教授，這種學生也絕不會有啥卓越的成就。」
「學生若期望老師能完全理解自己的想法，那可是懦弱的表現。老師們只須施予教育、給予訓誡，傳授知識，並且試著了解學生，就算完成了他們的工作職掌。」
【其實，老師咪又一個普通人⋯⋯】
面對以前唔好嘅教育經驗，我哋人大咗，始終都要釋壞。好多時候，調返轉頭睇，會發現原來老師都有好多問題，都係受制度所影響。中國電影《上一當》，正係講緊呢樣嘢，真係好無奈。
但呢個情況，依然有老師盡力教育，我哋收到思友講自己嘅故事，同大家分享，呢個世界唔止得教畜嘅！
如有合作，歡迎電郵🔥
Email：[email protected]
-
【用愛發電宣傳：牛哥講經】
引文開始：
「牛哥講經，用廣東話詮釋經典畀你聽。香港人，就用香港話講經。香港人用緊歷史以千年計嘅廣東話，當中承傳咗許許多多嘅文化、智慧，可惜嘅係我手居然寫唔出我口，試問世上有邊一個語言係如此可憐？就算呢個語言要走向消亡，我仍謹此以廣東話去保留、重讀經典，為我綿力最後之所及。」
引文結束。
@cowgortalk
【思友心事：睇完《咒》好驚呀，點算好？】
台灣電影《咒》充滿惡意，令人睇完個心好唔C服。戈登、探長分享對鬼嘅睇法，細細個就去靈探，大個咗甚至見到紅衣物體。唔知大家聽完，會覺得呢隻紅衣物體到底係鬼係人？聽完記得同返我哋講！
【鬼魂攝影：好多靈異經驗，其實係有科學解釋嘅！】
十九世紀，美國出現一位靈異攝影師，叫做威廉·馬姆勒（William H. Mumler）。佢聲言，可以為逝者留下倩影，提供生者購買服務，同返自己已故親人合照一幅，收費不菲。但原來呢一切都係謊言，背後有一個神秘嘅攝影原理⋯⋯
【聊齋誌異：寡婦日日掛住死鬼老公，陰間還陽傳宗接代】
中國古代最知名嘅鬼故大全，正係蒲松齡嘅《聊齋誌異》，收錄咗好多民間傳聞，改寫成趣緻故仔。今日想同大家講，《聊齋誌異》入面嘅〈土偶〉，講一位寡婦忠貞唔再嫁，感動到老公可以暫時上土偶身，同老婆扑嘢仲生埋仔！
【我左眼見到鬼：有幾愛呀，先識得嗰七日？】
其實，鬼又有咩好怕？鬼唔止嚇人，好多時都係因情而生，只為完成自己嘅夢想，好似想再見一次愛人，想愛人唔想傷心過更好人生。港產片《我左眼見到鬼》，正係講出呢種真情嘅難得，令我哋知道，原來鬼都可以咁溫馨、動人。
https://www.instagram.com/p/ChNDRbbrYX8/
-
建議收聽時加入DC睇文本，或Google，無嚟下次記得Join～
德尼思化Discord ： https://discord.gg/DhuXqKhaFk
－－－
世界好像很大，螢幕的浮光掠影多麼動人，但身在現實，我們滿眼只見苦悶、平庸的日常生活。
John Berger《觀看的方式》（Ways of seeing）說：「我們的知識與信仰，會影響我們觀看事物的方式。」半杯水是半滿、半空抑或只是液體，端看我們的人生態度。我們受社會建構的價值觀控制，習以為常，很少覺察自己是怎樣觀看世界。
如何擺脫限制，怎樣重拾美感？讓我們共讀諾貝爾文學獎，波蘭詩人辛波絲卡的詩作〈從一粒沙看世界〉；讓我們觀摩20世紀義大利畫家莫蘭迪的靜物畫，打開文藝之眼，重新認識世間一切。
-
【用愛發電宣傳：横看成嶺側成峰】
我哋同眾多思主神交咁耐，周不時都有人問，幾時搞吓活動比大家吹吹水？德尼思化即將於七月推出Discord channel，仲會每月搞吓讀書會、電影會咁，敬請大家Follow之後嘅宣傳！
【追憶倪匡：科幻小說的多重宇宙，堅決反共的智慧老人】
倪匡於2022年7月蒙C寵召，87歲可堪笑喪。如金庸所評：「無窮的宇宙，無盡的時空，無限的可能，與無常的人生之間的永恆矛盾」。倪匡之文學成就，及其文人風骨，可堪港人永記。
https://www.instagram.com/p/CfmEGRcruiO/
https://www.instagram.com/p/Cf6p1Pvr93c/
【Everything Everywhere All at Once：苦難縱多，我們仍有生存的意義】
上次Podcast EP.4「世界上最爛的人」，聽完好似好灰咁？今集我哋延續心事，傾吓電影《Everything Everywhere All at Once》，喺虛無、隨機嘅多重宇宙之中，我哋如何尋覓人生的意義？一齊傾傾戲入面嘅Bagel、黑洞同善良之眼嘅象徵！
【辛波絲卡：從〈種種可能〉建立自我存在】
諾貝爾文學獎作家，波蘭詩人辛波絲卡﹙Wislawa Szymborska﹚，向來極受歡迎，好多人都讀過佢嘅詩歌。今日，我哋就聽探長誦讀佢嘅名作〈種種可能〉，到底係咁多嘅偏愛之中，你又有咩同詩人相同相異嘅地方呢？呢首詩，又點樣呈現生命嘅美好、可愛之處？
種種可能 ◎辛波絲卡／翻譯者：陳黎
我偏愛電影。
我偏愛貓。
我偏愛華爾塔河沿岸的橡樹。
我偏愛狄更斯勝過杜斯妥也夫斯基。
我偏愛我對人群的喜歡
勝過我對人類的愛。
我偏愛在手邊擺放針線，以備不時之需。
我偏愛綠色。
我偏愛不抱持把一切
都歸咎於理性的想法。
我偏愛例外。
我偏愛及早離去。
我偏愛和醫生聊些別的話題。
我偏愛線條細緻的老式插畫。
我偏愛寫詩的荒謬
勝過不寫詩的荒謬。
我偏愛，就愛情而言，可以天天慶祝的
不特定紀念日。
我偏愛不向我做任何
承諾的道德家。
我偏愛狡猾的仁慈勝過過度可信的那種。
我偏愛穿便服的地球。
我偏愛被征服的國家勝過征服者。
我偏愛有些保留。
我偏愛混亂的地獄勝過秩序井然的地獄。
我偏愛格林童話勝過報紙頭版。
我偏愛不開花的葉子勝過不長葉子的花。
我偏愛尾巴沒被截短的狗。
我偏愛淡色的眼睛，因為我是黑眼珠。
我偏愛書桌的抽屜。
我偏愛許多此處未提及的事物
勝過許多我也沒有說到的事物。
我偏愛自由無拘的零
勝過排列在阿拉伯數字後面的零。
我偏愛昆蟲的時間勝過星星的時間。
我偏愛敲擊木頭。
我偏愛不去問還要多久或什麼時候。
我偏愛牢記此一可能——
存在的理由不假外求。
-
EP.4｜我覺得自己係零！aka 世界上最爛的人｜【文藝心事台】
Spotify 、Apple Podcast、Google Podcast搵「德尼思化」，為大家解開心事。
【用愛發電宣傳：百老匯電影中心】
如果有多一張戲飛，你會唔會同我去睇戲？如果係去百老匯電影中心，我願意！
IG @broadwaycinematheque
【思友心事：我今日30歲生日，去咗另外一個同我同年同月日生嘅朋友生日派對，我自己影單隻影咁樣去人哋個派對，當一刻我真係覺得自己是世上最爛的人】
香港網路紅人阿源曰：「我覺得自己係零！」阿源嘅金句meme，引起世代共鳴，彷彿無數後生仔都曾經有呢種感受。挪威電影《世界上最爛的人》，女主角Julie嘅人生故事，完美呈現咗新世代嘅存在困境，面對年齡魔咒，成長壓力，我哋到底成長咗未？戈登、探長，同大家一齊分享經驗，我哋就算爛，至少都係一齊爛！
https://www.instagram.com/p/CdbAVmuDy1R/
【無限瀏覽模式：解構世代自由之苦】
2022年新書，《選擇障礙世代：受困於「無限瀏覽模式」，將成為現代最危險的文化病症》，從文化世代背景剖析，點解我哋會覺得自己係零、係世界上最爛的人嘅原因。原來，愈多嘅自由選擇，愈多嘅Infinite browsing mode，令我哋無所措從，甚至迷失方向⋯⋯
「你可能有過這樣的經驗：夜裡，你打開網飛（Netflix）開始瀏覽，想找部影片來看。你滑過不同的標題，看了幾個預告片，甚至還讀了幾篇評論，但就是無法下定決心要看哪一部電影。30 分鐘就這樣過去了，你仍然困在無限瀏覽模式中，所以你乾脆放棄，你現在已經太累，什麼都不想看了，你決定在此停損，直接睡覺。
我認為，這就是我們這一代的典型特徵：保持選擇的開放性。」
【進擊的鼓手 VS 命運自選台】
電影《進擊的鼓手》（whiplash），後生仔與教練互相鬥爭，最後令自己嘅生命得到昇華；《命運自選台》嘅快轉，象徵科技反過嚟操控生命，無法再度投入人生，失去重要嘅事物⋯⋯自由世代，你會想做邊一類人？
https://www.instagram.com/p/CUh89hPrrVu/
【從李清照講到靜觀冥想】
戈登講解李清照名詞「物是人非事事休」，說明古今中外，雖然愁緒成因不一，依然都會有呢種「我覺得自己係零」嘅感受。面對呢種愁思，我哋可以點樣面對自己嘅情緒，等自己可以平靜啲？探長分享人生經驗，引用一行禪師嘅書籍，話你知，點樣好好咁面對自己，重新建立投入、實踐事物嘅可能。
風住塵香花已盡，日晚倦梳頭。物是人非事事休，欲語淚先流。
聞說雙溪春尚好，也擬泛輕舟。只恐雙溪舴艋舟，載不動許多愁。
https://www.instagram.com/p/CXL5a2IPnqG/
-
【用愛發電宣傳：後話文字工作室】
熱愛本土文化，除咗聽歌煲劇睇戲，香港高質嘅獨立出版社都相當值得支持。後話文字工作室，出版眾多新世代本土作家嘅作品，設計勁靚，不論你係注重內在美，定外貌協會，佢哋嘅出版都一定可以滿足你。
http://www.pscollabhk.com/
【思友心事：我鍾意睇Middle，但俾人話係垃圾，搞到我有啲羞恥⋯⋯】
每個鍾意睇吓嘢嘅香港人，都總會遇過人哋批評，你做咩睇埋呢啲垃圾？諗返起都隨時嚇親，當時仲要臉都紅晒，唔知點應機。等我哋由Middle傾起，原來呢種情況，竟然同莎士比亞第五大悲劇有關？
「以下那部不是莎士比亞四大悲劇之一？ A.李爾王，B.奧賽羅，C.哈姆雷特，D.羅密歐與茱麗葉。」「我知，B啱架喇，我讀Drama㗎！」
https://youtu.be/RlTvpLjSknI
【扮嘢文化：唔睇書都一樣可以講書？】
做人最驚示弱，識少少可以做代表，唔識都要即刻答：我知！呢種文化世界通行，不論階級國籍，梁文道就曾經寫過篇文大談「書皮學」。我哋嘅前教育局局長吳克儉，同埋文化典範習大大，都係呢種文化嘅出色人物，值得我哋學習～
「（習近平：）這裏我舉幾個國家、幾個民族的例子。古希臘產生了對人類文明影響深遠的神話、寓言、雕塑、建築藝術，埃斯庫羅斯、索福克勒斯、歐里庇得斯、阿里斯托芬的悲劇和喜劇是希臘藝術的經典之作。俄羅斯有普希金、果戈理、萊蒙托夫、屠格涅夫、陀思妥耶夫斯基、涅克拉索夫、車爾尼雪夫斯基、托爾斯泰、契訶夫、高爾基、肖洛霍夫、柴可夫斯基、里姆斯基-科薩科夫、拉赫瑪尼諾夫、列賓等大師。法國有拉伯雷、拉封丹、莫里哀、司湯達、巴爾扎克、雨果、大仲馬、小仲馬、莫泊桑、羅曼·羅蘭、薩特、加繆、米勒、馬奈、德加、塞尚、莫奈、羅丹、柏遼茲、比才、德彪西等大師……」
【MIRROR現象：Bad taste？政治情感投射？點評價？】
近年香港最勁嘅「MIRROR現象」，可謂最激烈嘅文藝討論，反映咗好多唔同嘅觀點。其實文藝詮釋、評價嘅標準，經常都係彈出彈入，隨時地而改變。好似共產中國、Cancel culture，都一再反映龍門真係移擺不定！有冇諗過，如果舊時經典重現今日，可能會被人踩到變地底泥？
【Guilty pleasure：有啲嘢，收收埋埋自己做仲爽！】
雖然文藝標準成日變，但我呢刻就係俾人睇唔起，搞到睇嘢再開心都覺得有罪惡感！探長今日要同世界宣稱，我係鍾意睇廢萌，K-ON、搖曳露營明明好有意思！戈登睇嘅美劇Glee，真愛背後總有自己嘅故事⋯⋯
Guilty pleasure
noun
something, such as a film, television programme, or piece of music, that one enjoys despite feeling that it is not generally held in high regard.
【全部都係垃圾：蜘蛛俠根本唔好睇，九把刀點回應批評？】
對唔住，我係話在座咁多位都係垃圾⋯⋯蜘蛛俠如果無咗三代同堂，仲係唔係一部好睇嘅電影？如果姜濤唔靚仔，仲有冇咁多人鍾意？九把刀嘅小說曾經面對勁多批評，不入殿堂，佢自己又樣回應？停一停，諗一諗，原來我哋都可以有更加廣闊嘅文藝世界！
──────
桃李無言，下自成蹊👇
靚圖：www.instagram.com/delis.ver
社群：www.facebook.com/Delisver.hk
乞食：www.patreon.com/delisver
如有合作，歡迎電郵🔥
Email：[email protected]
-
【用愛發電宣傳：Zenegeist 識你佳】
香港人返工返學坐車等車，都成日聽歌為忙碌嘅日常輕鬆吓，但好多時聽嚟聽去都係嗰啲，愈聽愈無聊。唔使驚，即刻Follow香港超高質音樂Page「Zenegeist 識你佳」，跟住佢哋開拓音樂眼界喇！
https://www.facebook.com/zenegeist/
【思友心事：太孤毒，人生無咩動力，唔知點算好？】
其實毒撚一個更開心 洗撚你講⋯⋯探長分享人生故事，狂歡是一群人的孤獨；戈登自稱讀中二時係佐助型毒撚？蔣勳《孤獨六講》話，孤獨係我哋生存嘅本質，到底點解？等我哋今集一齊眾獨獨喇！
https://youtu.be/_O9mrfz0z44
【愛情孤獨：柏拉圖「圓球神話」，對讀《挪威的森林》】
講到愛情，大家都知柏拉圖嘅「圓球神話」，我哋原本都係粒波，四手四腳粘埋一齊，後嚟分開咗終其一生都要搵返「另一半」。呢種追尋嘅想像，竟然喺村上春樹《挪威的森林》都有，更造成黑洞似嘅孤獨、痛苦⋯⋯
https://reurl.cc/pWNYeQ
【政治孤獨：能暫時懷念某種老朋友，不過未能共享一葉舟】
林夕填詞，林家謙唱嘅新歌《某種老朋友》，一出即刻掀起城中熱話，好多勁人分析歌詞深意，都知道呢首係深情嘅絕交書。其實，首歌都反映咗近年香港人嘅故事，又有邊個人，無因為政見而同舊人、舊地、舊物告別？
https://youtu.be/bvhbM0JGsx4
【現代孤獨：存在主義點解咁動人，因為講中晒我哋囉】
存在主義點樣從天、地、人、我，講出我哋嘅生存困境？哲理講太多，都比唔上睇睇美國畫家Edward Hopper嘅畫作，一筆一劃，描繪了跨越時空的都市孤獨。而卡繆《異鄉人》，如何道出上帝已死之後，我哋必須承擔生命嘅重擔？
https://www.instagram.com/p/CbOWnmtJoWq/
【崇高孤獨：《Into the wild》中二病，定係自我實現？】
電影《Into the wild》乃真人真事改編，唔少人批評主角係中二病佐助型毒撚，話佢因無知而死。但事實係咪咁樣？點解佢要「一直在玩命」，人在野式阿拉斯加冒險？生命經驗實現昇華，追求理想，正係佢成為無數青少年模仿嘅原因。
https://www.instagram.com/p/CNVCojeFViy/
【超脫孤獨：使孤獨變得不好，是因為你害怕孤獨】
孤獨，意味我哋擁有更多時間，面對自己嘅內心，開拓自己嘅生命。電影《Nomadland》結局，走向純白雪景，肯定孤獨。蘇東坡「何妨吟嘯且徐行」，盡顯生命的豁達、自在。不論逆境、順境，希望我哋都做到「也無風雨也無晴」。
蘇東坡 定風波
莫聽穿林打葉聲。何妨吟嘯且徐行。竹杖芒鞋輕勝馬。誰怕？一蓑煙雨任平生。
料峭春風吹酒醒。微冷。山頭斜照卻相迎。回首向來蕭瑟處。歸去；也無風雨也無晴。
https://www.instagram.com/p/CSuFJzZlZff/
──────
桃李無言，下自成蹊👇
靚圖：www.instagram.com/delis.ver
社群：www.facebook.com/Delisver.hk
乞食：www.patreon.com/delisver
如有合作，歡迎電郵🔥
Email：[email protected]
-
【回應思友：把聲太幼齒，唔好唱歌喇】
文藝心事台試播集有幾多人聽？思友話戈登、探長把聲太後生，竟然係反差萌？點解唱歌咁難聽仲唱？估唔到相濡以沬原來有呢層意思？想知嘅，記得聽返試播集喇！
【疫情之下，現實世界太窒息】
哈姆太郎大屠殺、香港版楢山節孝，人人自危，隨時無啖好食。磚家話：「唔打針，對唔住，物競天擇，你係要過身！」都係林太講得好：「嗰啲咁嘅專家，食屎啦！我哋唔係有見地，我哋係腳踏實地，唔聽專家㗎，聽專家意見就死啦。」
https://youtu.be/Ch4AdMMI_ss
【投身虛擬：《挑戰者一號》、《爆機自由仁》】
世界太多限制，近排好興講「元宇宙」。呢種夢想，好似《挑戰者一號》咁，現實太亂唯有走入虛擬網路。不過唔係人人都係Player One，好似《爆機自由仁》講，我哋會唔會只係社會其中一個NPC？
https://www.instagram.com/p/CSmW0T8rcQt/
【《戀夏500日》：FF的完美戀人，唯有與我常在】
疫情加劇寂寞、疏離，令我哋渴望夢中情人打救一切。《戀夏500日》，Tom因為追求Soulmate痛苦到痴咗線，咁外國藝術家係如何呈現「完美戀人」，而林夕筆下嘅《與我常在》，又係點樣道出真相呢？
https://www.instagram.com/p/CTLQ3K7Nu79/
【無知、恐懼，我哋都係盲目之人】
四個口罩、膠袋包頭食飯，信政府唔怕？薩拉馬戈擺諾貝爾文學獎嘅小說《盲目》，描述世界出現令人致盲嘅流感，勁過肺炎！失去視力嘅世界到底有幾慘，失序、極度原始處境，呢場人性實驗有咩意思？你又有冇思考過，疾病嘅本質又係咩嘢呢？
【深林人不知，明月來相照】
「一個人原來都可以盡興，多了人卻還沒多高興」，《藝術的慰藉》可以點撫慰我哋嘅心靈？就等我哋一齊讀王維嘅「一人之境」，感受吓點樣「獨與天地精神往來」喇！
王維 竹裏館
獨坐幽篁裡，彈琴復長嘯。
深林人不知，明月來相照。
https://www.instagram.com/p/CP-_bAsL7Pa/
──────
桃李無言，下自成蹊👇
靚圖：www.instagram.com/delis.ver
社群：www.facebook.com/Delisver.hk
乞食：www.patreon.com/delisver
如有合作，歡迎電郵🔥
Email：[email protected]
-
【思友心事：曖昧對象話我太chur，點算好？】
愛情本有激情，我哋隨時都會化身IVE示愛主角，公開表白：我好鍾意你，你受唔受溝啊 ！溝仔溝女，到底點樣先為之chur，條線喺邊到？
https://youtu.be/1lIzIqbKomw
【How I Met Your Mother】
美劇《HIMYM》，講述主角Ted相信浪漫愛，充滿激情，尋找Soul mate嘅故事。就喺第一集，Ted就同首次約會嘅對象，講 I love you，嚇到對方唔識反應⋯⋯
https://www.instagram.com/p/CL1xLJOBDeX/
【沈從文超Chur的情書】
沈從文寫作了得，風格異於同代人，其實佢溝女都有特別嘅技巧。鄉下仔學歷唔高，憑一支筆做到老師，想溝學生妹，但對方唔受溝。幾經波折，狂寫情書，結果竟然係⋯⋯
「我行過許多地方的橋，看過許多次數的雲，喝過許多種類的酒，卻只愛過一個正當最好年齡的人。」
https://www.instagram.com/p/CZ75vndrVlD/
【林夕道盡一切的相愛很難】
愛情有千百種方法，千百種難關，從無一本通書用到老。相愛很難，講就容易，心態應該點調整？btw，有人唱錯歌詞，好柒呀～！
【行為藝術：相愛亦相殺】
行為藝術教母Marina Abramovic，她和Ulay的相戀，共同創造經典之作。Breathing in/breathing out，嘴巴相連，永不終止的親吻，塞住鼻孔，直至氧氣都變成二氧化碳，最終瀕臨昏厥⋯⋯
https://www.instagram.com/p/CUz-et4MScc/
【相濡以沫，不如相忘於江湖】
莊子曰：「泉涸，魚相與處於陸，相呴以濕，相濡以沫，不如相忘於江湖。」Love is blind，愛情有時傷人傷己，如果學懂退後一步的哲理，或許我們都能讓彼此舒適地喘一口氣。
──────
桃李無言，下自成蹊👇
靚圖：www.instagram.com/delis.ver
社群：www.facebook.com/Delisver.hk
乞食：www.patreon.com/delisver
如有合作，歡迎電郵🔥
Email：[email protected]
