Bölümler
-
Eksik bölüm mü var?
-
သကုၤထံကီၢ်ဒီဘ့ၣ်အပူၤ တၢ်ကိၢ်တၢ်ခုၣ်အဟီၣ်လီၤဖုးသတူၢ်ကလာ်အဃိ, တၢ်ဒုးသီထီၣ်က့ၤ တၢ်ဟ့ၣ်ပလီၢ်ဆူပှၤအီစထြ့လယါဖိကိးဂၤ လၢအမ့ၢ်တၢ်မၤကိၢ်ကလၢၤထီၣ်ဟံၣ်အဃိ တၢ်လီၤဘၣ်ယိၣ်သ့ၣ်တဖၣ်အိၣ်ကဲထီၣ်အသးသ့အဂ့ၢ်န့ၣ်လီၤ.
-
၂ဝ၂၄ နယူဆီၣ်သ်ဝံကီၢ်စဲၣ် ပှၤသးစဲလၢပှၤဂ့ၢ်ဝီတၢ်လိၣ်ဘၣ် အတၢ်ဖံးတၢ်မၤ တၢ်ဟ့ၣ်လၤကပီၤခိၣ်ဖးစရီအပူၤန့ၣ် ပၣ်ဃုာ်ဒီး သရၣ် Aung Kyaw Htut Saw လၢအမၤတၢ်ဒ်သိး ပှၤမၤစၢၤပှၤဘၣ်ကီဘၣ်ခဲအပှၤတဝၢ ပှၤမၤတၢ်ဖိတဂၤန့ၣ်လီၤ. အဝဲဖံးတၢ်မၤတၢ်ဒ်သိးပှၤမၤစၢၤပှၤဘၣ်ကီဘၣ်ခဲအပှၤတဝၢန့ၢ်အနံၣ် ၃ဝဘျဲၣ်ဝံၤအလီၢ်ခံ ဒိးန့ၢ်ဘၣ်ဝဲခိၣ်ဖးတၢ်လၤကပီၤအံၤန့ၣ်လီၤ.
-
ဆူၣ်ချ့ပှၤသ့ပှၤဘၣ်စဲၤနီၣ်သ့ၣ်တဖၣ်သးခု မ့ၢ်လၢဘံးထိရံယါပဒိၣ် ဘိးဘၣ်သ့ၣ်ညါလီၤလၢ အကပာ်လီၤ တၢ်မၤကွၢ် ကသံၣ်ဖျၢၣ်သနူ ဒ်အမ့ၢ်တၢ်မၤလီၤစိၤတခါအသိးန့ၣ်လီၤ.
-
နမ့မ့ၢ်ပှၤအိၣ်ဆိးဖဲအီစထြ့လယါကီၢ်ပူၤလၢအဘၣ်တီၣ်ဖျါထီၣ်ခီသွဲစရီန့ၣ်, စးထီၣ်ဖဲလါယူၤလံ ၁သီ, လၢအမ့ၢ်ကျိၣ်စ့နံၣ်စးထီၣ်န့ၣ်, နကဘၣ်ပာ်ဖျါထီၣ်ဝဲဒၣ် အပူၤကွံာ်တနံၣ်နကျိၣ်စ့တၢ်ဟဲနုာ်လၢနမၤန့ၢ်အီၤခဲလၢာ် လၢအပာ်ဖျါဝဲဒၣ် တၢ်ဟံးန့ၢ်နကျိၣ်စ့လၢခိသွဲအဂီၢ်ထဲလဲၣ်န့ၣ်လီၤ. ဒိးသန့ၤထီၣ်အသးလၢ တၢ်သမံသမိးကွၢ်စရီအဖီခိၣ် အီစထြ့လယါခိသွဲဝဲၤဒၢး (ATO) အဆၢတဲာ်ဝဲဒၣ် မ့ၢ်နကဘၣ်န့ၢ်ဘၣ်က့ၤ ကျိၣ်စ့ထဲလဲၣ် မ့တမ့ၢ် နကမၣ်အိၣ်လၢနဘၣ်ဟ့ၣ်အါထီၣ်ခိသွဲထဲလဲၣ်န့ၣ်လီၤ.
-
အီစထြ့လယါကီၢ်ပူၤအံၤကိးနံၣ်ဒဲးဖဲလါယူၤအတီၢ်ပူၤန့ၣ်တၢ်သ့ၣ်နီၣ်မၤလၤကပီၤဝဲဒၣ်ပှၤဘၣ်ကီဘၣ်ခဲအနွံ, လၢအမ့ၢ်နွံတနွံလၢအပၣ်ဃုာ်ဒီးလါယူၤအသီ ၂ဝ ဟီၣ်ခိၣ်ဒီဘ့ၣ်ပှၤဘၣ်ကီဘၣ်ခဲအမုၢ်နံၤန့ၣ်လီၤ.
-
ပှၤအီစထြ့လယါဖိသ့ၣ်တဖၣ် အတၢ်ဆၢကတီၢ်နုာ်လီၤဆူ တၢ်ဘၣ်တီၣ်ဖျါထီၣ်ကဒါက့ၤခိသွဲစရိလံအဃိ ပှၤသ့ပှၤဘၣ်စဲၤနီၣ်သ့ၣ်တဖၣ် ဟ့ၣ်သဆၣ်ထီၣ်လၢ ကအိၣ်ဒီးတၢ်ပလီၢ်သူၣ်ပလီၢ်သး မ့ၢ်လၢ ပှၤကူၣ်တရံးမၤန့ၢ်ကျိၣ်စ့ — scammer, လၢအသူတၢ်ခွဲးတၢ်ယာ်အံၤ ဒီးပာ်လီၤတၢ်ပညိၣ်ဆူ တၢ်မၤန့ၢ်ပှၤအီစထြ့လယါဖိ နီၣ်ကစၢ်တဂၤအဂ့ၢ်အကျိၤသ့ၣ်တဖၣ် အနီၣ်ဂံၢ်န့ၣ်ဟဲအါထီၣ်အဃိန့ၣ်လီၤ.
- Daha fazla göster
