Played
-
Þá er komið að seríu tvö. Baldvin og Tómas hafa sum sé framlengt ferðalag sitt um að djúpgreina helstu leyndarmál Glerársanda og framvinduna sem um ræðir í þetta sinn. Heill heljarinnar haugur af góðgætum bíður krufninga og má búast við alls konar sögum af framleiðslunni og meiru tengdu kvikmyndagerð.
Tæplega þrjú ár hafa liðið síðan Svörtu sandar litu fyrst dagsins ljós en í heimi sögunnar eru fimmtán mánuðir liðnir frá örlagaríkri og átakanlegri viku þar sem áhorfendur skildu síðast við þau Anítu, Gústa, Fríðu og fleiri kunnuglega á Glerársöndum. Bætist að vísu við áhersla á næstu kynslóðina að þessu sinni. Einhver þarf auðvitað að hugsa um börnin.
Skemmst er að segja frá því að martröðin er fjarri því að vera á enda og kemur þá upp nýtt sakamál, á besta tíma, nema í þetta skiptið verða hlutirnir enn nátengdari okkar ‘hetjum’ en fyrr. Allt þetta má rekja til gamla fósturheimilisins á Gullsöndum, þar sem deila má um hvort svörin vekja meiri óhug en spurningarnar.
Efnisyfirlit:
00:00 - Listin speglar lífið
03:51- Þyrlur og löggubílar
05:10 - Hvernig small sería tvö saman?
13:52 - Krydd í handritsteymið
19:27 - Spákorn
21:29 - Ísköld opnun
25:25 - Hvernig gat þetta gerst?
30:05 - Bærinn hvorki barnlaus né daufur
33:32 - Stór heimsókn
37:30 - Valdið og veldi Davíðs
39:52 - Núans og ‘90s krakkar
47:02 - Erfið sena
53:50 - Tími til að lifa
58:04 - Erlendur gestur?
-
Veganréttir og makamál eru áberandi í fókus í fimmta hluta Svörtu sanda. Hér að sinni er varpað ljósi á klassíska klisju í morðsögugeiranum sem hér byrjar að laumast inn í Svörtu sanda, þegar tengingar við hundgamalt, dularfullt sakamál fara að birtast úr óvæntum áttum. Þá er aldeilis kannaður púlsinn á ástarmálum okkar fólks. Nú sitja allir helstu karakterar í súpunni, með salt í sári á meðan nokkrir þeirra slást um betri hamborgarann. Velkomin í 'Stóra sambandsþáttinn'.
Á rammpökkuðum klukkutíma ræða Tómas og Baldvin viðbrögð við þáttunum hingað til, óvænta boðið á Berlinale á meðan sjálfskipaðri sóttkví stóð og þetta helsta sem að baki liggur og mögulega framundan í framvindu seríunnar.
Þá biður Tómas leikstjórann um sambandsráð á meðan leitast er eftir svörum um hvernig það var að skjóta nektarsenu með °360 snúningi á kameru. Einnig er komið inn á almennt upplýsingaflæði í handritsgerð, hið ósagða á skjánum og ólíku pörin í sviðsljósinu.Efnisyfirlit:
00:00 - Viðbrögð fólks á hægum bruna
04:25 - Salómon púllar Shame-skotið
07:45 - Þúsund orða svipur
10:55 - Sambönd í súpunni
19:25 - Steffí setur úrslitakosti
23:40 - "Éttu skít"
27:44 - Þagað yfir leyndarmálum
30:50 - Gramsað í gömlum munum
34:22 - Boð á Berlinale
37:07 - Stóra, stóra málið
42:02 - Tónar og krimmaþræðirnir
45:54 - Góð vinaboð eða unglingaþras
48:35 - Úr nánd í nýtt lík
50:11 - Er komin pressa á 'payoff'ið?'
57:37 - Börgerinn örlagaríki
1:01:12 - Súpa af karakterum
1:07:35 - Ólíkir kúltúrar
-
Rauðsíldarflaggið er úr sögunni en rauðir fánar alls staðar í lífi Anítu og félaga, enda púslin hægt og bítandi farin að smella saman á meðan fleiri spurningar raðast upp. Grímur falla, kúli er tapað og verða ‘mömmukomplexar’ allsráðandi en á þessu stigi í sögunni verður ekki aftur snúið. Til að bæta gráu ofan á svart er ömurlegasta pizzukvöld allra tíma í vændum á heimili Elínar.
Nú eru það eitraðir sjarmörar og vafasamir mömmustrákar sem koma rakleiðis til umræðu hjá Tómasi og Baldvini, auk þess hvernig meira er í Fríðu og Ragnar spunnið en áður bar að geta. Tómas telur tilvísanir í Alfred Hitchcock vera þarna nokkrar skýrar og kemst ekki hjá því að ræða fyndnu fjarvistarsönnunina og leiktakta Kolbeins Arnbjörnssonar.
Baldvin segir frá földum konfektmolum sögunnar, „föndurpitsu“ og rifjar einnig upp hvernig ferlið gekk fyrir sig að skjóta sjónvarpsseríu þegar COVID-faraldurinn var nýfarinn að herja á heimsbyggðina. Þá er líka varpað ljósi á breyttu tíma kvikmyndagerðar á Íslandi, spuna á setti og óvænta tengingu Tómasar við framleiðslu seríunnar - en þar er einmitt heimili Elínar í brennidepli.
Búið ykkur undir ‘Sækó-súpu’.
Efnisyfirlit:
00:00 - Tökuferli, þá og nú
06:15 - Af hverju, Salómon?
11:03 - Psycho-áhrifin og Marion Z
14:00 -Einkalíf í klessu
17:55 - Lítill drengur missir kúlið
24:14 - Föndurpizza
26:51 - Besta fjarvistarsönnun bæjarins
30:20 - Aníta leynir á sér
35:02 - Aldís þorir
42:52 - Ofhugsun á verki og litla Ísland
49:13 - Túlkunarhnit á mat
-
Oft er nauðsynlegt að stíga til baka að geta komist lengra áfram. Í sjöunda þætti Svörtu sanda er horft aftur til fortíðar og hrært vandlega í tímalínum til að varpa nánara ljósi á ógnina sem herjar á Anítu, fjölskyldu hennar og teymi innan bæjarins. Í kjölfar uppákomunnar með Helgu hefur hinn dularfulli og margumtalaði Davíð skotið loksins upp kollinum eftir margra ára fjarveru. Davíð kemur þó ekki án farangurs sjálfur á meðan dauðinn er yfirvofandi þessa dagana á Glerársandi, auk spurningarinnar um hvort móðurhöndin sé skilyrðislaust mjúk.
Heimur Anítu farinn að hringsnúast sem aldrei fyrr á meðan áframhaldið veltur á því hvort náunganum sé treystandi og enn fremur hvort sannleikurinn geti bætt úr hlutum eða valdið frekari á verstu stundu.
Á meðan brátt líður að stóra lokasprettinum kafa þeir Tómas og Baldvin út í sífjölgandi ‘mömmu-issjú’ seríunnar, mynstur fjöldamorðingja og hvað stóru flassbakk-senurnar segja okkur í raun um framvinduna liðnu og klæmaxinn handan við hornið. Einnig er rætt um mynstur sem og triggera Salómóns, stöðugan persónuvöxt Ragnars og kaflaskilin í lífi Fríðu. Auk þess er eitt gífurlega minnisstætt hótelherbergi og enn eftirminnilegra baðkar í tærum fókus þessa innslags ásamt óvæntri leiktækni Pálma Gestssonar og ferlið að skrifa tónlistina fyrst inn í handrit og síðan spyrja um leyfi.
Og jú, Baldvin flytur bitastætt kvæði.
Efnisyfirlit:
00:00 - Salómon litli
04:21 - Ruglað í strúkturnum
08:30 - Að breytast í móður sína
11:27 - Músíkin yfir árin
19:28 - Blekkingarleikir
21:09 - Hvað vita áhorfendur meira en persónurnar?
26:30 - Agndofa eftir nákvæmni Pálma
29:17 - Kvæði fyrir ömmu
32:02 - Fundur á Hótel Rangá
39:17 - Kunnuglegir tónar
45:10 - Baðið í miðju herberginu
50:45 - Fullkominn spírall og dulúð Davíðs
-
Móðurhjarta í rústum, dauðsföllum fjölgar, mömmustrákur með magnandi berserksgang og allar byssur komnar á loft. Nú er engin æfing, allt komið í há(drama)gír og má vont síður versna hjá Anítu á þessu stigi, en neyðin kennir naktri konu að spinna á meðan allt er á suðupunkti og ómögulegt er að aðskilja starfið frá persónulega lífinu.
Tómas og Baldvin hafa margt að ræða, gera upp, endurskoða, spekúlera og skella upp úr yfir á meðan horft er yfir fjörið í alvörunni.
Baldvin lítur yfir stærra ferðalagið, hvernig hugmyndin var á bak við stysta þátt seríunnar sem þó inniheldur 14 mínútna langa “klæmax” senu. Kannað er grimmt og hressilega hvort allt komi heim og saman á þessari taugatrekkjandi endastöð þar sem lokauppgjör karaktera ákvarðar endanlega útkomu. Eru þræðir of opnir? Eru holur í handriti? Kemst tilfinningakjarninn til skila? Tókst vel til að gera subbuskapinn smekklegan? Stenst þetta allt undir tilsettum krafti og hvaða fleiri páskaegg gætu hafa farið fram hjá áhorfendum í gegnum alla þáttaröðina?
Tómas gerir upp getspárnar og tilviljanirnar í gegnum innslögin með leikstjóranum á vikunum liðnum. Kemst tilfinningakjarninn til skila? Stenst þetta allt undir tilsettum krafti og hvaða fleiri páskaegg gætu hafa farið framhjá áhorfendum yfir alla þáttaröðina?
Það sem hófst hjá Zetunni með áhrifum Twin Peaks endaði með lofsöng til hinnar sígildu Se7en frá David Fincher. Þá ber að kanna hvað er í kassanum og hvernig öll heild Svörtu sanda raðast upp þegar öllu er á botninn hvolft. Þetta er stúdering lokasprettsins þar sem sérstaklega er rökrætt hvernig og hvort eigi að drepa “Kevin Spacey” sögunnar eða ekki - og síðan spyrja:
Hvað svo?
Efnisyfirlit:
00:00 - Se7en áhrifin
06:58 - Allt í hágír
11:01 - Nóg af þráðum eftir...
12:50 - Aníta/Salómon
16:10 - Merkin sem við misstum af
19:28 - Um fjöldamorðingja
25:30 - Hvar er rótin?
36:15 - Ömmubarn Elínar
41:51 - Símanúmer og samsetning
47:50 - Heillandi sandar
52:34 - Talandi um rætur...
55:46 - Díteilar í aðferðafræðinni
1:00:02 - Sloppið fyrir horn
1:04:52 - Falin smáatriði
1:08:30 - Endastöðin (að sinni)
-
Er ævintýrum Svörtu sanda lokið? Gæti verið að það sé pláss fyrir framhald og þar af leiðandi aðra seríu?
Í þessum hátíðlega aukaþætti Sandkorna taka þeir Tómas og Baldvin á móti helstu leikendum syrpunnar. Þau deila á milli sín sögum, fróðleiksmolum og nýtíðindum, allt sem að baki var og það sem bíður í nálægri (sem fjarlægri) framtíð.
Berlinale, sería tvö, leiktækni, undanþágur vegna Covid og væntingar og viðtökur áhorfenda eru á meðal umræðuefna, ásamt því hvort til séu náriðlar með hjarta, hvernig var fyrir alla að vinna í miðjum heimsfaraldri, ketilbjöllum Ævars Þórs o.fl.
Velkomin í Sandkassann (e. „cast-castið“). Þáttastjórnendur taka á móti Aldísi Amah Hamilton, Kolbeini Arnbjörnssyni, Steinunni Ólínu Þorsteinsdóttur, Þór Tulinius og Ævari víkingamanni.
Efnisyfirlit:
00:00 - Inngangur: Ævar víkingamaður
06:00 - Traust samband um ekkert traust
09:00 - Næmni Salómons
11:24 - Að vera eða vera ekki náriðill
13:20 - Harkan frá Se7en
19:00 - Eins og barn í nammibúð
22:00 - Elín og leikarainnistæðan
25:00 - Krúttlegasta lögga Íslandssögunnar
26:00 - Vinnufriður þökk sé COVID
30:20 - Hvað er svona merkilegt við Berlín?
35:40 - Þegar stórt er spurt um seríu tvö
36:30 - Samkennd og innsæi
42:35 - Geirar mega flokka sér
46:40 - Löggur eru líka fólk
48:40 - Kindin ógurlega; gúrme eða gubb?
50:50 - Kaldir dagar á setti og næstu kaflar
53:45 - Listin að túlka meingallað fólk
1:05:00 - Hver er EKKI morðinginn?
1:08:00 - Gústi, Raggi og útlendingahatrið
1:16:30 - Steinunn Ólína opnar sig
1:21:00 - Siðblinda og sterkur skúrkur
1:23:00 - Viskan, læknarnir og óvænt gjöf
-
Í fjórða þætti er meira lagt á Anítu og vinnuálagið þegar lögreglan á Glerársandi neyðist til að taka á móti „hot-shottanum“ að sunnan og þungum farangri hans.
Gústi er loksins kominn úr felum en óþægindin magnast þegar erfiðara verður að aðskilja starfið og einkalífið á meðan hitnar í kolunum hjá fleirum en bara makanum hans Gústa.
Tómas og Baldvin hafa nóg til að stúdera enda markar fjórði kafli mikla gírskiptingu fyrir seríuna eins og hún leggur sig; þar sem speglanir, spíralar, fiðrildi og fuglar eru allsráðandi í andrúmsloftinu. Tómas kallar þetta „rómantískan farsakomedíuþriller.“
Einnig eru kynlífssenur þáttarins skoðaðar út og inn ásamt umræðum um umdeilda hljóðvinnslu á frumsýningardegi fyrsta þáttar og sárum, ósögðum sannleikanum á bak við íslenska sendiferðabíla. Þá eru rök færð fyrir því hvort nokkuð eigi að spá í rauðsíldarfánann en þeirri spurningu er allavega svarað um hvernig tókst að finna nýja víkinginn í Ævari Þór.Efnisyfirlit:
00:00 - Þetta intró rúlar
00:23 - Kynlíf gefur tóninn
01:31 - Steffí og sambandskrísan
03:33 - Hott-sjottinn að sunnan
05:36 - Lítill heimur minnkandi fer
09:04 - Árekstur einkalífs og atvinnu
15:32 - Salómon til bjargar
18:42 - Mistök í hljóðvinnslu
20:40 - Steffí keyrir hjónabandið áfram
22:30 - Tímabært að svara spurningum
32:31 - Núans í nándinni
35:05 - Hin óútreiknanlega Elín
41:20 - Spíralhringir og víkinga-Ævar
46:12 - Hvernig á að flokka þættina?
48:10 - Kvikmyndagerðarsenan á Akureyri í denn
56:10 - Útlendingalosun ofl.
-
Í öðrum þætti Sandkorna eru rauðsíldarpælingar teknar á næsta stig á meðan andrúmsloftið á Glerársandi kraumar enn fremur með partíhaldi í nánd. Baksögur fara hægt og bítandi að skýrast en þó eru merki um að aðalsöguþráðurinn eigi enn eftir að skýrast.
Tómas og Baldvin velta fyrir sér partísenur, svokallað „exposition“ í handritsgerð og gildrur slíkra reglna. Einnig bregða fyrir umræður um óséðar tæknibrellur, litamótíf, gegnumgangandi þemu og fleira sem gæti eða gæti ekki reynst mikilvægara eftir því sem lengra á líður.
Efnisyfirlit:
00:00 - Töff lag
00:40 - Óséðar brellur
03:03 - Hvar vorum við?
06:40 - Hvað er að búbbla?
09:58 - Dóra og graða bisnesskonan
13:10 - Móðir, helvíti
15:02 - Bjargvættur bæjarins
18:35 - En hvað með Gústa?
20:33 - Hvílíkt baðkar
22:10 - Algjört partí
27:37 - Hver í fjandanum er Davíð?
29:09 - Brostu og skvísaðu þig í gang
33:33 - Gott exposition og löggutal
39:52 - Ræðan mikla
-
Leikstjórinn kallar þetta ‘Stóra lögguþáttinn’ og lýsir þessu sem brúarþætti. Hér eru eftirmálar teitisins, saga Lenu, kærastinn Stephen og óvæntur stjúpi í brennidepli, en dökkir baugar og fortíðardraugar eru allsráðandi í óvissunni framundan og að baki. Ýmist kraumar enn undir yfirborðinu enda skiptast helstu persónur nú á að fá sér kríu á meðan beðið er eftir óhjákvæmilegum suðupunkti í sakamáli og einkamálum.
Þáttastjórnendur gramsa enn fremur í glundroðanum á Glerársandi og í hvað siglir hjá bæjarbúum. Samlíking Anítu og Elínar er tekin á nýtt stig og tekur Tómas stöðuna á því hjá hverjum rauðsíldarfáninn er staddur að sinni. Baldvin ræðir einnig gildrur í handritum lögguþátta og reynt er að komast til botns á því hvers vegna þriðji þáttur skoraði sérstaklega hátt hjá Bretum.Efnisyfirlit:
00:00 - Intro-lagið er stutt, engar áhyggjur
00:30 - Lognið á undan storminum og alvöru morðsaga
03:10 - Full á vakt, stjúpinn og niðurtúrinn á eftir partíið
07:00 - Stóri lögguþrátturinn og Stephen
14:00 - Allir swinga á Glerársandi
16:10 - Rauðsíldarfáninn
22:15 - Brúin á milli
29:11 - Hver er hreimurinn?
31:00 - Úr catering á skjáinn
32:45 - Allir eru að fá sér lúr
-
Baldvin Z og Tómas Valgeirsson grandskoða sjónvarpsseríuna Svörtu sanda í sameiningu. Tómas skoðar hvern þátt út frá sjónarmiði neytandans og spyr leikstjórann spjörunum úr og spyr leikstjórann spjörunum úr; stúdering beint frá áhorfanda til skaparans.
Sýningar á þáttunum hófust á Stöð 2 á jóladag, 25. desember. Baldvin Z leikstýrir fyrir Glassriver, en auk hans skrifa Aldís Amah Hamilton og Ragnar Jónsson handritið. Aldís fer sjálf með aðalhlutverkið í þáttunum. Með önnur helstu hlutverk fara Þór Tulinius, Steinunn Ólína Þorsteinsdóttir, Ævar Þór Benediktsson og Kolbeinn Arnbjörnsson.
Í fyrsta þætti Svörtu sanda kynnumst við helstu persónum sögunnar; Anítu, Elínu, Salómon, Fríðu, Gústa og Ragnari.
Til að gefa tóninn á upphafi þáttanna og þeirra framvindu, ræðir Baldvin hér ýmsar upphafssögur, hvernig Tvídrangar (með mömmu) mótuðu hans kvikmyndaferil, hvernig tilurð Svörtu sanda og hljóðheimar þeirra lýsa sér, en þess að auki ræðir leikstjórinn um rassamælingarsenu sem að öllum líkindum brýtur blað í geira íslenskra morðsagna - og sé jafnvel fyrst sinnar tegundar.
Þá koma einnig upp umræður um táknmyndir, falin páskaegg, vísbendingar og helstu uppskriftir rauðsílda í morðsögum.
Efnisyfirlit:
00:00 - Viti menn, intro-lag...
00:40 - Tvídrangar með mömmu
03:05 - Bíó erfiðara en sjónvarp
08:20 - Morðsería með öðrum vinkli
09:21 - Tónninn sleginn
13:28 - Okkar Laura Palmer á fyrstu 8 mínútunum
14:43 - Óeðlilega eðlilegt fólk
18:33 - Ráðgjafinn Ragnar
20:04 - Sólósöngur og spriklandi rauðsíld
25:10 - Aníta og útlitið
26:55 - Táknmyndir, litir og smáatriði
29:00 - Gústi sendir Like þumal
33:30 - Keimlíkt Kötlu, þó sterkara
34:04 - Fríða og dauðsföll útlendinga
35:44 - Hvorn myndirðu: Tomma eða Salómón?
38:40 - Þögn í búri Elínar
40:19 - Fyrstu viðbrögð og almenn samsetning
41:30 - Þemu, fjólublár og söguleg rassamæling
51:00 - Úr fjöri í alvöru
56:00 - Uppstillingar persóna, kameru, en hvað svo?
-
Í fyrsta þætti hlaðvarpsins Trúnó stúdera þáttastjórnendur ýmis konar ‘brot’ úr fortíð sinni, stefnumótaforrit, kynjamyndir og viðhorf Íslands til útlendinga (enda þau Nína og Tómas sjálf útlensk…). Þá veltur dúóið líka fyrir sér 'Like þumalinn' alræmda, hvað er við hæfi í samskiptum almennt og hvernig er best að tækla það þegar eitthvað liggur… eða ‘lyktar’ í loftinu.
-
Heilinn er magnað fyrirbæri en þarf gjarnan að hlúa vel að honum á verstu tímabilum. Í öðrum þætti Trúnós segja Nína og Tómas sögur sínar af ýmsum botnum og erfiðleikum. Einnig er sérstök áhersla lögð á hin mögnuðu samtímagildi tölvuleiksins Farming Simulator og hversu ólíkar myndir geta fylgt því að kalla á hjálp þegar heilinn (og sálarorkan) er nálægt því að gefast upp.
Athugið að samtalið gæti hafa verið hljóðritað.
-
Hvað er það sem við sækjumst eftir í pörun við aðra? Hvað er ‘eðlileg’ krafa og hvenær eða hvar erum við að tapa hluta af okkur sjálfum? Og af hverju í kvensköpunum eru bíómyndirnar Sound of Freedom og Barbie að skipta fólki í svona sterkar, ólíkar fylkingar? Nína og Tómas grandskoða þessar pælingar út frá eigin reynslum. Samtalið gæti hafa verið hljóðritað.
-
Breen-istar, hatursorðræður, fordómar, þjóðarskömm, íslensk smábæjarhyggja, innlendir fréttamiðlar, prakkaralegir pólitíkusar og merku ættartengsl Nínu. Þetta ku vera hinn víði völlur sem þau Tómas kryfja á einlægum nótum. Hvössum líka. Vitaskuld.Innihald innslagsins að sinni er í persónulegri kantinum. Samtalið kann að hafa verið hljóðritað. Alveg óvart.
-
Mál gerenda og þolenda eru ávallt viðkvæm sama hvar þau eru rædd. Nína lýsir frá persónulegri upplifun sinni á meðan Tómas spyr hana spjörunum úr (afsakið orðbragðið) í tengslum við hitamál og skoðanir sem margir hafa gagnrýnt hana fyrir - og þá bara nokkuð nýverið.
Það er eðli Trúnós að taka óþægilegri umræðurnar og þessi er svo sannarlega í þeim stíl.
Glætan að þetta samtal hafi verið hljóðritað.
-
Hvað þýðir það að vera 'geðveikur?' Hvað þýðir að vera 'eðlilegur?' Hver er munurinn á eðlilegum hugsanagangi og 'ofhugsara'?
Nína fer yfir sín hjartans mál í gegnum lífsleið sína á meðan bæði þau Tómas mikla fyrir sér stærri spurningum lífsins.
Samtalið var vissulega hljóðritað - Þáttastjórnendum óafvitandi.
-
Gervigreind og mannleg tengsl við spjallbotta er umræða til upphitunar áður en Nína úskýrir reynslu sína af verkferlabrotum Neyðarlínunnar. Það sem hófst sem einföld og eðlileg starfsumsókn með kennslu varð fljótlega að dæmisögu um hvernig ófagleg vinnubrögð hjá fjarskiptaþjónustunni (auk brot á persónuverndarlögum getur valdið vantrausti á þjónustu sem ofar öllu á að stuðla að því að hjálpa. Tómas útskýrir nokkur klaufabrögð sín og ‘NeyðarNína’ fær orðið.Samtalið kann að hafa verið hljóðritað.
-
'Season tvö' af blaðvarpi Trúnós er hafið ásamt glænýju ári. Nína og Tómas snúa aftur í spjall eftir viðburðaríka fjarveru í lífi þeirra beggja. Nína skaust til Ástralíu og hefur nýlokið MA ritgerð sinni um rannsókn hennar á innleiðingu jafningjastuðnings í geðheilbrigðisþjónustu. Tómas hefur verið á fullu í nýrri vinnu og að hlaupa á milli kvikmyndasetta. Síðan voru víst einhver jól þarna á milli.
Trúnó-teymið veltir fyrir sér umfjöllunarefni þessarar ritgerðar og hversdagslegan kvíðann í kringum hátíðirnar. Rætt er um listina að vera aleinn á aðfangadegi, æskutengingar við flugelda, staðalmyndir þunglyndis, kerfishindranir, ýmsa stressfaktora og ólíkar skilgreiningar á hvað 'bati' getur þýtt. Mögulega leynast þarna fáein hvöss 'teik' og eitthvað af erfiðum spurningum, að venju.
Samtalið kann að hafa verið hljóðritað. Og skemmtilegt.
-
Nína og Tómas kölluðu eftir alls konar ‘heimskulegum’ spurningum, frá hlustendum og víðar. Því persónulegri, því betra. Það er nefnilega ekkert til sem heitir heimskuleg spurning. En sérdeilis verða málin persónuleg.
Samtalið gæti hafa verið hljóðritað.
Hjálpi okkur.
