Episodi
-
Ina giada ad onn, durant la sessiun da stad, van parlamentarias e parlamentaris sin viadi. Pertge che Anna Giacometti giess gugent cun Martin Candinas e Roman Hug cun la partida verda pudais vus tadlar en il Café federal.
-
Tge succeda exact il zercladur sin il Bürgenstock? E daco è il lieu da la conferenza davart la pasch en l'Ucraina in hotspot da spiunascha? Tut quai sclerin nus en la nova episoda dal Café federal.
-
Episodi mancanti?
-
Quanta spatla e chomma sa po mussar en il parlament ed è ina cravatta necessaria? Tge reglas datti en sala e datti mesiras disciplinaras? Il podcast politic oz cun ina bella purziun moda e maniera.
-
Ina 13avla renta d'AVS ha fatg la cursa a l'urna en Svizra. Co finanziar quella vegn uss discutà. Dentant noss correspundents na porschan en questa episoda betg be ina discussiun politica, mabain era salamuiras.
-
Duas giadas Wolodimir Selenski – duas experientschas differentas. A Berna ha Adrian Camartin spetgà uras sin il president ucranais e n'ha betg dastgà ir sulet sin tualetta. A savair vegnis er pertge che Fabia Caduff ha suà malgrà la fradaglia ed ha prest inscuntrà Bill Gates.
-
Plans secrets, tensiun ed inscunters davos ischs serrads. Las elecziuns dal Cussegl federal han electrisà la Rumantschia. Nus tradin co nus avain passentà quest di ed avain discurrì cun il bunamain cusseglier federal Jon Pult.
-
Ella è secretaria generala da l'Allianza dal Center ed el da la Partida liberaldemocratica. En ina stretga cursa han las dus partidas cumbatti per plazza trais. Suenter sbagls da calculaziun resta la PLD avant l'AdC. Dentant tge è capità davos las culissas?
-
La 51 avla legislatura va a fin. Ils 22 october vegn elegì in nov parlament federal. Tge han ils ultims quatter onns manà? E tge spetga al nov parlament? Nus analisain.
-
Ella è secretaria generala da l'Allianza dal Center ed el da la Partida liberaldemocratica. Il job è il medem, ma las opiniuns differentas. Mintgatant saja lur job era da dar ina pajada en tgil. L'ultima fasa dal cumbat electoral munta per els ina massa lavur.
-
Cun el n'aveva nagin quintà. Alain Berset, il president da la Confederaziun, na vul betg pli. Ina surpraisa er per il team RTR en Chasa federala. En la novissima episoda discuteschan els davart candidatas, strategias e fan dispita tge ch'è ina buna dumonda.
-
Straglischa la democrazia Svizra mo perquai ch'autras èn pli malas? Datti ina democrazia ideala? Stuess ins eleger il parlament cun trair la sort? È la decisiun da betg vuschar er democratica? Resposta dat Andreas Glaser ch'è professer per giurisprudenza è directur dal center per democrazia Aarau.
-
Ella è secretaria generala da l'Allianza dal Center ed el da la Partida liberaldemocratica. Il job è il medem, ma las opiniuns differentas. Mintgatant datti era dispita, dentant cun ina biera sa laschan metter da la vart las differenzas dals dus Rumantschs che mainan las campagnas electoralas.
-
La derniera ha gì lieu. Per l'ultima giada èn sa radunads ils acziunaris da la Credit Suisse. Ina banca da tradiziun che va hops entaifer paucs dis. Co reagir? Co rapportar? Co valitar?
-
Quest onn elegia la Svizra il nov parlament. Ils 22 d'october decida il pievel il destin dals politicras e politichers. Co statti cun la fevra d'elecziuns? Quant fittas èn las partidas e tge temas emprovan ellas da lantschar? Las salamuiras dal tschaiver a Basilea dattan resposta.
-
Tge saveva Alain Berset e tge betg? Ils corona leaks occupan quests dis la politica a Berna. Èsi in scandal u ina tempesta en in magiel d'aua? E quant straordinari èsi che infurmaziuns confidenzialas chattan la via en las medias?
-
Las elecziuns dal Cussegl federal han procurà per in temp plain tensiun. Dentant ha era gì lieu ina elecziun rumantscha: Cun Martin Candinas è puspè in Rumantsch il pli aut Svizzer – quai era l'ultima giada il cas avant 37 onns. RTR rapporta era da davos las culissas.
Co che noss correspundents a Berna han passentà quest temp intensiv, e tge che è capità davos las culissas, raquintan els en questa episoda dal podcast. -
A Berna cumenzan politicras e politicras a daventar gnervusas. En in onn èsi numnadamain puspè uschenavant ed els ston sa laschar eleger da nov – u apunta betg. In'emprima retschertga che mussa il stan da las partidas tematisain en quest podcast.
Dentant stuain er ans perstgisar tar Ueli Maurer. -
In Cusseglier federal demissiunescha. Tge capità davos las culissas e tge vul ina demissiun dir per la politica a Berna? Adrian Camartin e Fabia Caduff discuteschan en il pli nov podcast dal Café federal.
-
La campagna da spargnar energia da la Confederaziun na persvada betg ad omadus correspundents dad RTR a Berna. Per el èsi impurtant da trair endament tge che da far, per ella èn ils tips massa banals. Ultra da quai procura era il studio nov per discussiuns.
-
Pertge èn quasi mo schurnalistas da l'Ucraina vegnidas a Lugano e betg schurnalists? Daco turna in schurnalist da la Siria en la guerra en l'Ucraina? Nus raquintain a vus d'inscunters davos las culissas a la Ucraine Recovery Conference a Lugano.
