Episodi
-
Et ass de leschten Episod vun der 1. Staffel "Mir sinn all Loser" vu Fiasko Fest mam Luc Spada. An et fänkt direkt mat engem Debat iwwer Dir an Du un. An iwwer de Kierper, den Alter, all déi Saachen eben, wann een op déi 50 duergeet, seet de Journalist a Comedian Jérôme Beck. Gutt zwou Generatioune méi jonk ass d’Sängerin C’est Karma, prett fir hiren éischte groussen Album erauszebréngen. An dat ass net näischt: Vill Drock, vill Erwaardungen u sech selwer, an duerno? Dat ass eng gutt Fro!
-
De Gilles Pegel ass Kënschtler a flitt gären ënner dem Radar. Ass et Angscht virun ze vill Kritik? Viru Jugement? Angscht virdrun Erwaardunge mussen ze erfëllen? Et weess een et net esou genee. An d’Sarah Schleich ass och Kënschtlerin a Konschtproff. Natierlech stellt sech d’Fro: Ass dat méiglech? Kënschtlerin a Proff sinn? Et ass net esou einfach eng konkret Äntwert ze fannen. Sécher ass alles e Prozess an natierlech eng Fro vun der Zäit.
-
Episodi mancanti?
-
Spoiler Alert: De Richard Döhmer, Managing Director vu Klauner, ass gescheitert. Genee véier Mol. E Mann, dee sech preparéiert huet, esou gutt wéi nach kee Gaascht an der jonker Geschicht vu Fiasko Fest. An d’Anouk Wagener, Schauspillerin a Schrëftstellerin, weess wéi wichteg et ass ze scheiteren. Si huet awer geléiert. mat der Zäit, e bëssi besser opzepassen, datt d’Scheiteren net grad esou wéi deet.
-
De Patrick Michaely ass Direkter vum natur musée am Gronn. Säi ganzt Liewe scho schafft hien an deem Musée, ugefaangen als Student an elo, ganz uewen? Wat soll do nach kommen? De Luc Spada mécht sech op d’Sich no Äntwerten. Och bei sengem zweete Gaascht, de Roland Meyer, Schrëftsteller, Museker a pensionéierte Schoulmeeschter, deen et jo wësse muss: War fréier alles besser? An der Schoul? Am Liewen? Eppes ass sécher: Déi fett Jore sinn eriwwer.
-
De Jean-Louis Zeien ass President vum Conseil d'Administration vu Fairtrade Lëtzebuerg an dat, jo, zanter enger gefillter Éiwegkeet. An hien ass iwwerall do aktiv, wou een Ongerechtegkeete fënnt a wëllt en Deel vun enger besserer Welt sinn. D’Roxanne Peguet ass Regisseurin a Filmschaffend an erzielt mat sengen zwee Kuerzfilmer Nucléaire & Phoenix och ëmmer Geschichte vu Mënschen, déi et à la base net onbedéngt einfach hunn. Wou dëst Gespréich hiféiert a wat eigentlech no de leschte Wierder passéiert, wëllt de Luc Spada an dësem Gespréich erausfannen.
-
An dat zesumme mat der Directrice vum Lycée Aline Mayrisch, der Carole Chaine. An och dobäi ass de Ben Olinger. Bekannt ginn ass hien als Radiosmoderator a mat senger Sendung “Ben’s Club“ op Eldoradio. Hien huet an hat ëmmer ganz vill ze soe mee weess och mëttlerweil, wéini et besser ass näischt ze soen. Ass dat elo gutt oder net? A wéini ass et genuch. De Luc Spada wëllt alles wëssen.
-
Mir schwätzen iwwer Gefiller, iwwer Angscht, iwwer Schüler:innen a Proffen. An dat zesumme mat der Directrice vum Lycée Aline Mayrisch, der Carole Chaine. An och dobäi ass de Ben Olinger. Bekannt ginn ass hien als Radiosmoderator a mat senger Sendung “Ben’s Club“ op Eldoradio. Hien huet an hat ëmmer ganz vill ze soe mee weess och mëttlerweil, wéini et besser ass näischt ze soen. Ass dat elo gutt oder net? A wéini ass et genuch. De Luc Spada wëllt alles wëssen.
-
Et war einfach ze vill fir d’Matgrënnerin vu Finkapé,Antonia Ganeto. Ze vill vun allem an dat déi ganzen Zäiten. Dat heescht awer elo net, datt d’Antonia Ganeto näischt méi ze soen huet. Si brauch just heiansdo eng Paus, oder de richtege Moment. An dovu ginn et der genuch, zanterdeem d'Franziska Peschel zu Lëtzebuerg wunnt an dat war net emol geplangt. Mee elo ass alles okay, et ass gemittlech. Ass et ze gemittlech? Dat a vill aner Saache wëllt de Luc Spada vu sengen zwou Invitéeë wëssen.
-
D’Lea Linster huet et gepackt. Dat stëmmt an dat weess déi international renomméiert Kächin selwer. Mee einfach war et net ëmmer. Scheiteren a Risiken agoe waren ëmmer Deel vum Wee. E Wee, op dee si stolz ass. An e Wee, deen de Popsänger Chaild nach ze goen huet. E Wee, deen ëmmer méi zu engem authenteschen "Ech" féiert.
-
Kriibs ass dat Theema am Alldag vun der Dr. Carole Bauer. Do stellt sech natierlech och ëmmer d'Fro, wéi hir Relatioun zum Liewen an zum Doud ass. A wat huet dat alles mat Paräis ze dinn? Dozou weess och de Schrëftsteller Tullio Forgiarini genuch ze soen. Hie schwätzt gären an och gäre vill. Wou dat hiféiert? Zesumme mam Luc Spada siche mir no Äntwerten.
-
Den David Angel ass Zentralsekretär fir den OGBL an ass zënter senger Jugend aktivistesch ënnerwee. An anere Wierder: Hie pfleegt eng gewësse Sträitkultur. Weider ass den Enrico Lunghi zu Gaascht, deen a senger Vergaangenheet och e Sträit erlieft huet, dee Konsequenzen no sech gezunn huet. An eigentlech wollt de Luc Spada guer net sou vill iwwert "dat" Theema schwätzen, et ass awer trotzdeem geschitt. An zu gudder Lescht, déi lescht Wierder, wou den David Angel den éischte Gaascht ass, den "dat" wierklech verstanen huet.
-
De Yannick Schumacher aka Yaya ass en Influencer. Hie gesäit sech awer virun allem als Entertainer. Als Entertainer, den och Grafiker ass a stänneg scheitert. An d’Nicool waart och schonn emol stonnelaang op engem Feldwee op den ACL, brauch vill Opmierksamkeet a seet iwwert sech selwer, datt et ustrengend ka sinn. An och Trash Tv kann (oder muss?) e wichtegen Deel vum kreative Prozess sinn. E Gespréich tëscht Chaos a Scheitere mam Luc Spada.
-
De Sacha Bachim hat Corona an huet sech gelangweilt. Also huet hien einfach mol e Bestseller geschriwwen. De Psycholog a Buchauteur wëll säi Wësse weiderginn an sou Leit hëllefen, wann se d’Gefill hunn, si géife scheiteren. D'Kimberly Nelting oder neierdéngs Kimberly Darcy-Mae war Europa- a Weltmeeschterinam Karate an huet um Héichpunkt vun hirer Karriär opgehal an decidéiert Schauspillerin ze ginn. Eng vun hire gréissten Erausfuerderungen? Verletzlechkeet zouloossen. En intensiivt Gespréich mam Luc Spada iwwert Erwaardungen an de Wëllen, sech ëmmer erëm nei ze erfannen.
-
De Karel Lambert wëllt e gudde Mënsch sinn an huet d’Zil, datt a fënnef Joer all eenzel Persoun zu Lëtzebuerg mindestens ee Kleedungsstéck am Schaf huet, wat fairtrade ass.
D’Marlène Kreins curatéiert d’Centres d’Arts zu Diddeleng an ass sech hirer Responsabilitéit iwwer de Choix, wéi eng Kënschtler:innen ausgestallt ginn oder net, ganz bewosst.
De Luc Spada mécht sech mat sengen Invitéen op eng Rees, déi an d’Welt vun der Konscht a vun der Moud andaucht. -
D'Sandra Lieners ass Sportlerin a Molerin an de Georges Goerens (Bartleby Delicate) ass de Frontsänger vu Seed To Tree, eng Hallschent vum Musekerduo Englbert a Programmateur vun der Kufa. D'Sandra an de Georges philosophéiere mam Luc Spada iwwer al ginn, den Drive hanner der Kreativitéit a siche verzweifelt no leschte Wierder.
-
Als Journalistin war d'Josée Hansen richteg frech. Bereit si et? Vläicht. E bëssi. Mëttlerweil ass si méi roueg ginn, wat awer och sécher mat deem neien Job am Kulturministère zesummenhänkt. Wat sech awer ni ännere wäert, ass d'Angscht eppes ze verpassen. Net méi kënnen "dobäi" ze sinn. Dat gesäit de Comedien a Psycholog Alex Monteiro ganz änlech. Um Ball bleiwen, sech net einfach zefridde ginn. Hie schafft vill, éierlech, an Zynismus schéngt him e Friemwuert ze sinn. Wou bleift do nach Plaz fir ze scheiteren, wëllt de Moderator vu Fiasko Fest, de Luc Spada, wëssen.
-
De Yannick Lieners ass de Grënner vum Plooschterprojet, Sportler, Schoulmeeschter an och u Leukemie erkrankt. De Yannick bezeechent sech selwer als e Kämpfer. An d'Fabienne Dimmer ass Venue Managerin vum Atelier, fir "Catch a smile" aktiv a sëtzt am Gemengerot zu Diddeleng. Heiansdo mécht si och guer näischt. Wéini dat ass, entscheet d'Fabienne awer am léifste selwer. Wéi mat Situatiounen ëmgoen, déi net einfach sinn? Eng Fro, déi sech wéi e roude Fuedem duerch déi fënneft Episod vu Fiasko Fest zitt.
-
D'Blanche Weber ass Presidentin vum Mouvement Ecologique an iwwerzeegten Idealistin, och wann et der allgemenger Weltsituatioun net immens gutt geet. An de Cosimo Suglia ass lëtzebuergesche Schrëftsteller, dee seng Echecken och gäre mat a seng Literatur fléisse léisst. Gläichzäiteg versicht de Luc Spada sech a punkto Optimismus.
-
D’Vera Hoffmann ass Leeferin a misst hir Trainingssituatioun radikal veränneren, fir erëm gutt Zäiten ze lafen. An d’Angel Cara léisst sech gären Zäit mat hirer Karriär an huet och kee Problem domat, wann een hir Musek net feiert. De Luc Spada freet no.
-
D'Isabelle Marinov huet hire Beruff als Juristin gehaasst. An ass elo erfollegräich Schrëftstellerin vu Kanner- a Jugendbicher. An trotzdeem ass et net einfach mat de Suen. Net anescht ass dat mam bekannte Lëtzebuerger Schauspiller Luc Feit, dee genee weess, wéi et ass ze scheiteren. An och weess, datt dat deen eenzege Wee fir e räicht Liewen ass.
En déift an éierlecht Gespréich iwwer Liewen, den Doud a Sue mam Luc Spada. - Mostra di più