Episodi
-
Üse erst Liveuftritt! Am Podcastfestival vo KanalK hei mir dörfe im Kreuz in Aarou zwe Fäu vorsteue.
Das wei mir natürlech niemerem vorenthaute, drum gits hie üse ganz Liveuftritt vom 10. November 2024.
Fall 1: Ä auti Dame wird brutal erstoche i ihrem Huus ufgfunge. Dr Verdächtig: ihre Enkel. Het är die Tat aber wük begange?
Fall 2: Ä jungi Journalistin isch am Outostöpple, aber a ihrem Ziel chunnt si nie ah. Jahre später fingtme imne Wald Liicheteili vo ihre. Isch si Opfer vomne Verbräche worde?
-
Dunkli Rüm, Opfergabe, Bluet, Ritual, gruseligi Maske und Zeiche. A was denksch du, wenn dz swort Satanismus ghörsch und giz das au ide Schwiz? Ja, de Satanismus spielt au ide Schwiz e Rolle aber viellicht ned so wid du jetzt denksch...
Folg üs uf insta: @krimi
-
Episodi mancanti?
-
Äs isch am Erich Hauert si 103. Hafturloub. Am Samstimorge, 30. Oktober 1993, het är ä Termin bi sim Therapeut bim Zollikerbärg. Am gliche Tag verschwindet die 20-jährigi Pasquale Brumann. Ä Zuefau?
Foug üs uf Insta: @krimigliir_podcast
-
E 73-jährigi Frau wird tod i ihrere Wohnig gfunde. Am nächste Tag verpufft e junge ma im Rotliechtviertel ihres Geld. Wie isch er a Ihri Kreditcharte cho? Und isch er de Mörder?
-
GC isch grettet: ä riiche Scheich möcht säch i Club ihbringe u bietet für das sehr viu Gäud. Aber der Schein - besser gseit der Scheich - trügt: Dr Investor isch villech glich nid so ganz dä, für dä är sich usgit.
Foug üs uf Insta: @krimigliir_podast
-
E tragische Suizid, en Unfall oder doch e Mord? Wie e hartnäckige Versicherigsbeamte und s'Institut für rechtsmedizin im Kanton Aarau helfe e Fall ufzdecke.
Feedback oder Vorschläg? Mäud di bi üs uf Instagram (@krimigliir_podacst) oder per E-Mail ([email protected])
-
Äs isch eis vode schlimmste Verbräche, wo d'Schwiz je het gseh: Ds Zuger Attetat im September 2001.
Wär isch dr Täter u, no wichtiger, wieso heter das gmacht? I dere Foug gömer sire Persönlechkeit u sine Motiv ufd Spur.
Frage, Ahregige, Wünsch? Du finsch üs uf Instagram: @krimigliir_podcast -
Mehreri Lüt werde mit HIV infiziert und wüsse ned woher. Epis verbindet si: Si alli kenne de Carlo G. Was het er demit ztüe? Erfahrs i üsere neuste Folg.
Foug üs uf Instagram: @krimigliir_podcast
Hesch Feedback, Ahregige oder kennsch spannendi Fäu? Schrib üs äs e-mail: [email protected]
-
Är isch Berater, führt äs Bordell u isch ä Drüfachmörder: dr Alfredo Lardelli. Ä schrilli Persönlechkeit, wo ändi vode 80er Jahr für eine vode grösste Indizieprozesse ir Schwiz het gsorgt.
-
Konsum mit Folge.
I dem Fall geits um Drogeexzess, d'Züri Goldchüste und e gfährlichi Fründschaft.
-
Dr Luis isch früsch us dr RS u het sis Sturmgwehr drbi. Wie gfährlech isch es, weme instabile Lüt sone Waffe id Hand git? Cha das guet cho?
Foug üs uf Instagram: @krimigliir_podcast
-
Wenn isch es Gständnis gültig? Cha e Wahrsagerin helfe e Fall ufzkläre? Was isch egentli Aberglaube? I üsere neuste Folg gö mier nach Züri Oerlikon und es chunt zume Plot Twist wod Stephie ned het gseh cho.
-
D'Darina isch schwanger. U si isch ällei. So fühlt si säch jedefaus. Uf ihres Ching fröit si säch sehr. U trotzdem, wo z'Ching gebore wird, isch si verzwiiflet u gseht si nume ei Uswäg.
Du bisch verzwiiflet u füuhsch di ällei? Hie chasch dir Hiuf hole: https://www.frauenhaeuser.ch/de
Anonymi Hiuf chasch dir hie hole: https://www.147.ch/ -
De Agriff vo de Hamas uf Israel vom 7. Oktober 2023 het bis it Schwiz Welle gschlage und het au bi üs für Gsprächstoff gfüert. Was darf mer zu sonere heikle Debatte säge? Was isch eifach nur freie Meinigüsserig oder e gschmacklose Witz? Wenn hets Konseuquenze wells als antisemitisch, menschverachtend oder Hate Speach igstuft wird?
-
Van Gogh, Monet, Picasso: D'Kunstsammlig vor Bührle-Stiftig ghört zude wärtvouste vor schwiz.
Eines Tages wird d'Stiftig aber usgroubt, 4 Biuder vo grosse Künstler verschwinde. Was isch passiert? Si aui Biuder wieder uftoucht? U was het di serbischi Mafia z'tüe? Los iz dri u touch i grösst Kunstroub vo Europa i!
-
E Frau erschlaht ihren Ehema. Wie hets so wit chene cho? Isches e Tat im Affekt oder e planete Mord? Mier gö is Jahr 1885 is Graubünde und luege e Fall a wo damals es ganzes Dorf empört het.
-
Seriemörder gits überau. Bekannt si si vor auem vor USA, Stichwort Jeffrey Dahmer, Ted Bundy, David Burkowitz, d'Liste isch ändlos. U o ir Schwiz het ide 80er Jahr ä Seriemörder sis Unwäse tribe,los iz dri u erfahr meh übere Michel Peiry u sini Tate.
-
De Walter S. het scho als Chind e riesigi Zerstörigswuet und niemerd weiss, wie demit umga. Au im Heim chamer ihm ned helfe. Eifach wegsperre und lahmlege? Das isch au kei Lösig, finde mier. Meh dezue ir neue Folg.
-
Immer wieder verschwinde Mensche, o ir Schwiz. Dr Grossteil chunnt wieder hei, aber vo paarne fäuht bis hüt jedi Spur. O d'Annika Hutter isch ide 80er Jahr spurlos verschwunde. Was isch passiert? U wie viu Mensche verschwinde ir Schwiz? Erfahrs iz ir nöie Folg!
-
D`Gschicht vor Anna Göldi kenne die Meiste als die letschti Hex vo Europa. Wemer genau hi luegt hets aber nüt mit Hexe sondeern mit Politik, Macht und Aberglaube ztüe. Los iz ine.
- Mostra di più
