Folgen
-
Es isch ade Zit.....
Ich gang für es Jahr uf Schwede min Master go mache! Wuhuuuu. Glichzittig gits au chli trurigi News. D'Entscheidig isch mir gar nöd eifach gfalle, aber HOI Z'EMA got ine chlini Pause. Nöd für immer, kei Angst ;)
Los dri und folg mir für Lebensupdates us Schwede uf Instagram @emakrp & TikTok @ema.krip
-
"Consultant Pre-School, Polohemd, LinkedIn in Real Life, nume rich kids, eher konservativ & sehr karriereorientiert"
Hesch dich au scho immer gfrogt, ob die Vorurteil würklich wahr sind? Oder bisch dir am überlegge, ob ad UZH oder doch lieber ad HSG settisch?
I dere Folge isches endlich so wit... mir packet all eusi Erfahrige & euses Wüsse zude zwei renommiertiste Unis ide Schwiz us und enthüllet d'Wahrheit über jeglichi Vorurteil. Min hüttige Gast isch d'Annetta, mini Studiekollegin, wo unter anderem de Bachelor mit mir ade UZH gmacht het und jetzt grad für de Master ade HSG isch. D'Annetta isch derzit im Doppelmaster ade HSG im International Law und im CEMS International Management. Zusätzlich isch sie scho länger fliessig am schaffe und het zahlrichi Hobbies nebebi. Will sie beidi Unis scho erlebt het, isch sie für mich de perfekti Gast zum ihri einzigartige Erfahrige zum Thema HSG vs. UZH z'teile & verbreiteti Stereotype/ Vorurteil in Frag z'stelle.
Theme i dem Podcast sind nid nume oberflächlichi Stereotype sondern au de Verglich zwüsche de UZH und HSG im Bezug zu de Schwierigkeit vum Studium, die unterschiedliche Campuskulture, d'Karriereorientierig und Ehrgiz vude Studente, internationals Umfeld, internationali Perspektive und erfolgrichi Karriere nachem Studium etc. Zuesätzlich git d'Annetta en chline Insight in CEMS Master Ufnahmeprozess.
Egal, ob du jetzt studiersch, ehemalige Student, zuekünftige Student oder eifach nume neugierig bisch, die Folge wird dir sicher helfe es bessers Bild vu beidne Unis z'becho und somit au s'einte oder andere Vorurteil usem Weg rume.
Los doch dri und folg mir uf Instagram @emakrp & TikTok @ema.krip für meh!
-
Fehlende Folgen?
-
Bisch au grad chli vu Abentür und Ferie am Träume?
Den isch die Folge genau s'Richtige für dich! Min hüttige Gast isch d'Carla, liedeschaftlichi Backpackerin und Abentürerin. Sie studiert im Moment Economics und Management ade Uni Genf und wohnt sit 4 Mönet in Jordanie. Uf ihrem Instagram Account @carlaadventuress teilt sie wertvolli und transparenti Insights zu ihrne Reisene als Female Solo Backpacker. I dere Folge vum HOI Z'EMA Podcast verzellt sie mir vu ihrne unglaubliche Abentür, vor allem au vude jüngste Reise im Nahe Oste. Sie teilt ihri Tipps im Umgang mit gföhrliche Situatione, zude beste Backpacking Ort, wo & wie mer als Frau allei sicher isch und glichzittig au s'Beste usde Reis useholt. Perfekt für alli wo e Solo-Reis plane (oder ebe nidso plane) wend!
Los dri und folg mir uf Instagram @emakrp und Tiktok @ema.krip :)
-
Ich bin wieder back mitere neue Folge! Nachdem d'Ylenia aka mini Studiekollegi & Stammgast i dem Podcast so viel Tipps und Insights über euses Studium ade Universität Züri ge hend, isches hüt Zit zum über eusi Promotionsfiir z'rede. Fast 1 Jahr nachem Abschluss isches endlich so wit gsi. I dem eine Jahr het sich au unglaublich viel i eusem Lebe veränderet. Us dem Grund wemmer au über die sogenannti Quarterlife-Crisis rede. Hemmer de richtigi Karriereweg igschlage? Simmer zfriede mit eusne Beziehige? Welli Herusforderige ergebet sich au zemme mit de Selbstreflexion, womer dure macht?
Will de Summer immer nöcher chumt, wemmer au über eusi Ferieplän rede und chli Tipps ge was mir gern machet. D'Story wie ich scho gschafft han en Flug falsch z'bueche und wie das usecho isch, isch natürlich au debi. Hand in Hand mitem Summer chemmet au Festivals und Konzert. Mis neggste isch, die Woche am Donnstig und ich bin scho absolut usem Hüsli ;)
Los doch dri und folg mir uf Instagram @emakrp & Tiktok @ema.krip für meh!
-
Ide hüttige Folge isch d'Miri min Gast. Miri isch mini langjöhrigi Kollegin und sozsege fast scho mini zweiti Gehirnhälfti. Nach langer Zit teile ich endlich d'Story wie ich in Grossbritanie fast im Gfängnis glandet bin. Miri het da au e Story, wo sie in Kolumbie erlebt het z'verzelle. Will ja grad Coachella Season isch, gebemer euse Senf zu Influencer, wo jetzt "deinfluencet" dezue uuuund last but not least.... Mir definieret was für eus "sus Lüt" und dere ihres Verhalte isch und diskutieret drüber was mir "sus" findet. Die Folge isch definitiv nid all zu ernst z'neh, darum wünsche ich umso meh Spass bim Lose!
Los dri und folg mir uf Instagram @emakrp & TikTok @ema.krip für meh!
-
Dasmal e sehr up close & personal Folge. Vieles isch passiert, darum es chlises Lebensupdate von minere Seite, zemme miteme chline Q&A. Da schomol paar Stichwörter: Storytime, Masterstudium, Uswandere, Schwede, Hochdeutsch vs. Schwizerdütsch, Wohlfühlen im eigenen Körper.
Los dri und folge mir auf Instagram @emakrp und TikTok @ema.krip für mehr!
-
Was passiert, wenn Passion zur Arbeit wird? Welle Ufwand steckt hintere EP? Fraue im Musikbusiness? Wie isches vorere grosse Mengi ufde Bühni z'stoh?
I dere Folge isch Ber, d'Lead-Sängerin und Rapperin vude Band What Rules bi mir z'gast. What Rules isch e Schweizer Band, deren Erfolg uf Youtube und Spotify z'finden sind. Ihri neusti Single "Chingeling" hend sie in Zemmearbeit mit den Pedestrians gschriebe. Mir redet über die verschiedene Aspekt vude Musikindustrie. Zudem git Beri, Insights wie sie Studium, Arbeit und Hobby zemme verbindet.
Los doch dri und folge mir auf Instagram @emakrp und TikTok @ema.krip für mehr!
-
Was isch de Schlüssel zum Erfolg? Was steckt alles hintereme Brand Deal? Wie viel Ufwand isch damit verbunde? Influence als Nebejob? Wie isches uf Influencer Events?
Min hüttige Gast isch d'Emma, auf Social Media @Wemmse bekannt. Sie isch erfolgrichi Schwizer Influencerin und postet mehrmals täglich relatable, funny Content. Mir besprechet die verschiedene Teilaspekt vum Content Creation Business. Während ich mini Theoriekenntnisse und Praxiserfahrig usem Marketing ibringe, vertritt d'Emma d'Perspektive vude Influencer. Die Folge bütet en faszinierenden Iblick i d'Welt vom Influencer-Marketings.
Los doch dri und folg mir auf Instagram @emakrp und TikTok @ema.krip für meh!
-
Neuejahresvorsätz ihalte? Wie chume ich nachem Studium zuneme guete Praktikum? Wie chume ich zumene beliebte Praktikumsplatz imene bekannte Unternehme? Was muss alles ufde CV? Mite Ylenia rede ich hüt über ihres Praktikum im HR Bereich und über mis bi L'Oréal im Marketing.
Los dri und folg mir uf Instagram @emakrp & TikTok @ema.krip für meh!
Diese Folge ist gesponsert von L'Oréal Brandstorm, einen globalen Innovationswettbewerb für alle zwischen 18-30 Jahren. Das Thema dieses Jahr ist "Crack the new codes of beauty", welches sich mit dem Metaverse und AI befasst. Der Hauptgewinn ist ein 3-monatiges Intrapreneurship in den L'Oréal HQ in Paris. Gewinnen ist jedoch nicht der einzige Weg, um von L'Oréal eingestellt zu werden. Letztes Jahr haben 500 Personen dank ihrer Teilnahme am Brandstrom bei L'Oréal Praktika, Festanstellungen und befristete Verträge erhalten! ACHTUNG die Deadline zur Registrierung wurde verlängert bis zum 13. März! Mehr Informationen und Anmeldung unter https://brandstorm.loreal.com
-
Was sind 3 Sache ohni, die du nid lebe chasch? Modle nebem Studium? Isch Wiehnachte jedes Jahr de Hype wert? Geschenkli chaufe, Wiehnachtsmusig lose und Wiehnachtsmarkt oder Stress, Druck und Einsamkeit?
D'Ladina Lilian studiert im Moment Jus ade UZH, nebebi isch sie erfolgrich als Model am schaffe. Mal trifft mer sie ide Bibliothek, mal gseht mer sie ufeme Plakat am Bahnhof und mengisch au ufeme Laufsteg in Japan. Ide hüttige Folge triff ich sie zum erste Mal. Darum isch es hüt wie es ersts Date, wo mir eus ganz viel Spannends überenand usfröget. Wer weiss, villicht chumt die eint oder ander wildi Story as Liecht ;) Mir redet au passend zude Season zemme über d'Festtäg, s'Guete und s'weniger Guete.
Mach dir en Tee oder e heissi Schoggi und los dri ;) Folg mir uf Instagram @emakrp & TikTok @ema.krip für meh!
-
Karriere ohni Studium? Brucht mer en Master? Wie findet mer es guets Praktikum? Was isch wichtiger für de perfekti Job, ideali Branche oder Unternehmenskultur?
In letschter Zit ischs s'Thema, ob es Studium überhaupt nötig isch zum erfolrich sie, immer wieder ufcho. Natürlich hani das i mim Podcast au welle aspreche :) Ide hüttige Folg triff ich uf de Lum, wo im Moment bide Sony Product Manager isch und en Master in Schwede absolviert het. Mir redet drüber wie es isch de Master im Usland mache, sis Lebe in Schwede und mis in Genf. De Lum git en Insight, wie es isch für Sony z'schaffe und au ich verzelle au über mis Praktikum bi L'Oréal.
Los dri und folg mir uf Instagram @emakrp & TikTok @ema.krip für meh!
-
Was hend es neues Studium, en neue Job, e neui Beziehig und en Umzug anen neue Ort gmeinsam? Es isch alles en Neuafang. En Neuafang isch ide Regel öppis, wo eim komplett ine neui Richtig bringt. Es sind viel Gfühl involviert, vo Sorge bis riesigi Vorfreud. Setti mer sich vu dene negative Gfühl leite lo und sich doch nöd wage en Schritt is Ungewisse zmache? Oder setti mer genau darum denke "mol jetzt erst recht"?
Ganz inspiriert vu mim Start id Arbeitswelt de Herbst rede ich ide hüttige Folge mit mine Kollegine Aarani, Lena, Lúcia und Yle über Neuafäng. Mir verzellet über eusi jüngste Neuafäng und gebet natürlich au de eint oder anderi Tipp.
Los dri und folg mir uf Instagram @emakrp & TikTok @ema.krip für meh!
-
Was triggert dich während de Lernphase so? Wie viel isches möglich nebem Studium z'schaffe? Isches schwierig Zit z'finde für Dating und Beziehig währendem Studium? Was isch die ideali Work-Life-Uni Balance?
Das isch die dritti und somit letschti Folge vude "Back to Uni" Serie, die ich passend zum Unistart das Semester veröffentlicht han. Zemme mit minere Kollegin de Ylenia han ich Tipps und Insights gsammelt über euses Studium ade Universität Zürich. Hüt redemer über nid direkt über s'Studium selber, sondern über alles was rundum so passiert. Mir redet über Schaffe währendem Studium, d'Bedütig vu Pause mache & Usglich finde, Lerntipps, Wohnigssuechi etc. etc. Mir packet auch chli us über eusi Erfahrige mit Dating und Beziehige während de Unizit.
Los doch dri und folg mir uf Instagram @emakrp & TikTok @ema.krip!
-
Ide hüttige Folge isch d'Vanessa Meier min Gast. D'Vanessa Meier isch d'Moderatorin vude Züri-News und Video Journalistin bim Fernsehsender Telezüri.
Zemme diskutieremer drüber was für en Ifluss Social Media uf s'traditionelle Fernseh het und wie es d'Zuekunft vude klassische Medie veränderet. Mir redet besprechet ihre Weg zum Job ide Medie und sie verzellt mir vu ihrne schönste bis zude heftigste Moment.
Eppis ganz wichtigs was mer au nie vergesse döff, isch dasmer au als TV-Moderator*in mal schlechti Täg het. Wie gaht Vanessa mit dem um? Wie gsehts us mitem Thema Mental Health, wenn mer en Job het mit dem mer so de Öffentlichkeit usgsetzt isch?
Los dri und finds use :)
De Sponsor vude hüttige Folge isch RURU Studios. Sie hend nid nume de schönsti Schmuck sondern au studentefründlichi Prise. Mitem Code "HOIZEMA" bechumsch 10% Rabatt uf din neggste Ichauf.
Folg mir uf Instagram @emakrp & TikTok @ema.krip für meh!
-
UZH APP: "neue akademische Leistung verfügbar"
Prüefig wiederhole, was jetzt? Was denket anderi vu mir wenn ich s'Studium abbrich? Muss ich mich deför schäme? Wie schnell ischmer gsperrt? Chan ich immer Haupt- und Nebefach wechsle? Was isch de Unterschied vo Seminar zude Vorlesig? Uf was muss ich ufpasse bim Modul bueche? Wie organisier ich alles rund um d'Bachelorarbeit und wie lauft das genau?
Während mim Studium han ich mir genau die Frage gstellt. Darum möchti ich im Podcast hüt nid nume über Bachelorarbeit, Modul und Prüefige rede sondern au über s'Thema Academic Validation. Passend zum Unistart gib ich Tipps und Insights zum Thema Studium ade Universität Zürich.
I dere zweite Folge vu dere chline Serie reflektier ich zemme mit minere Kollegin Ylenia über eusi Jahr ade Uni, was für Erlebnis und Challenges es mit sich bracht het. Mir zellet Pünkt uf, wo mir denket sind hilfrich und wichtig zum wüsse.
Los doch dri und folg mir uf Instagram @emakrp & TikTok @ema.krip!
-
Was sell ich studiere? Was isch de Erstsemestrigetag und sell ich det here? Wie verlauft s'Assessementjahr? Wie tuen ich mich am beste uf Semesterprüefige vorbereite? Welli Unterlage bruch ich alles? Wie go ich mitem Prüefigsstress und Leistigsdruck um? Chan mer Hauptfach und Nebefach no wechsle? Die Frage han ich mir vor und am Afang vu mim Studium gstellt.
Darum veröffentliche ich passend zum Unistart am Afang vu dem Semester insgesamt drü Podcast Folge mit Tipps und Insights zum Thema Studium ade Universität Zürich. Zemme mit minere Kollegin de Ylenia reflektier ich hüt über das erste Jahr ade Uni, was für Erlebnis und Challenges es mit sich brocht het. Mir zellet Pünkt uf, wo mir denket sind hilfrich und wichtig zum wüsse, falls mer sich grad i das neue Abentür begit.
Die hüttigi Folge isch gsponseret vu RURU Studios. Sie hend nid nume de schönsti Schmuck sondern au studentefründliche Prise. Mitem Code "HOIZEMA" bechumsch 10% Rabatt uf din neggste Ichauf.
Los dri und folg mir uf Instagram @emakrp & TikTok @ema.krip für meh!
-
SunIce Festival: St. Moritz, Top of the World, weltbekannti DJs, Lifestyle Experience. Und das alles organisiert vu zwei junge Studente und ihrem Team. Wie schafft mer es als Student es Festival uf d'Bei zstelle? Was bringts für Hindernis und Challenges mit sich? Wie findet mer Investore und Acts?
Mini hüttige Gäst sind die zwei Gründer vum SunIce Festival, nähmlich Quirin Hasler und Loris Moser. Sie sind 2018 am Strand vu Barcelona uf d'Idee cho es Festival in St. Moritz z'organisiere. Am Afang sinds nid grad vu allne ernst gno worde. D'Medie hend sie sogar mitem zimmlich misslungene Fyre Festival vergliche und denn isch ihne au no d'COVID Pandemie dezwüsche cho... Sie sind beidi erfolgrichi jungi Unternehmer und träget somit grossi Verantwortig. Alles zum Thema SunIce Festival, wie sie nebebi au no es Studium ade UZH abgschlosse hend und no vieles me!
Los dri und folg mir uf Instagram @emakrp & TikTok @ema.krip für meh!
-
Sött ich nachde Kanti (Gymi) witerhin öppis akademischs mache? Mengisch chas sie, dasmer sich vilicht fast chli zwunge fühlt vum Umfeld es "aständigs" Studium zmache. Aber wer definiert scho was aständig isch und was nöd?!?
"Ich will Musical Darstellerin werde!", das het sich d'Michelle eines Tages, während sie uf Insta am Scrolle gsi isch, denkt. Michelle Marti studiert Musical Theatre am Institute of the Arts Barcelona. Scho immer isch sie liedeschaftlichi Sängerin gsi. D'Entscheidig, dass sie es aber würklich professionell und als Usbildig mache wott, het sie am Endi vude Kanti troffe.
Ide hüttige Folge redemer drüber, wie sie genau uf de Weg zur Musical Darstellerin cho isch und über d'Erfahrige wo sie gmacht het. Themene sind unter anderem ihres Vorstudium ade Musical Factory in Luzern, s'Uswandere nach Spanie, d'Organisation vum Ganze, Auditions und alles wo dezue kört. Wie finanzier ich mir de Traum? Wie gseht e Zuekunft als Musical Darstellerin us? Wie wird Intimität ufde Bühni greglet?
Los dri und folg mir uf Instagram @emakrp & TikTok @ema.krip für meh!
-
Wie findet mer neui Kollege ade Uni oder ade FH? Stimmt es, dasmer nume ein Best Friend im Lebe het? Mussmer mit öpperem ständig im Kontakt sie, um e gueti Fründschaft zha? Welli Rolle spielt d'Längi vude Fründschaft? Muess epper all dini Bedürfnis abdecke zum ein guete Kolleg sie? Achhhh friendships in your 20s, was ein Thema.
Ide hüttige Folge rede ich mit minere beste Kollegin de Miri über Fründschafte und wie sich die veränderet hend über d'Jahr. Mir hend eus ide Primar kenneglernt und eusi Beziehig isch nöd immer nume berguf. Im Verlauf vude Folg stellemer eus biz kontroversi Usage und gebet euse Senf dezue! Chline Bonus: Will d'Miri ad FH gange isch und ich ad Uni hemmer grad na en chline Exkurs dribaut, vu was so d'Unterschied gsi sind.
Los dri und folg mir uf Instagram @emakrp & TikTok @ema.krip für meh!
-
Wer het scho me Erfahrig mit Studilebe und Universität, als epper wo fast sis ganze Lebe döt verbracht het? Hüt mal d'Universität mal usde Sicht vumene Prof. Dr. René Algesheimer. Er isch Professor für Marketing & Market Research, wie au Direktor vum University Research Priority Program on "Social Networks" ade UZH (Universität Zürich). Zemme redemer über sini Zite als Student, sini Hobbies und wie er es schafft e gueti Work-Life-Balance zha. Wie isches ide Forschig? Was macht d'UZH bsonders? Vorlesig vs. Seminar? Muss mer scho mit 20gi s'Lebe im Griff ha? Los umbedingt dri, vor allem wenn gueti Ratschläg und paar Lebensweisheite vumene sehr erfahrene ehemalige Student möchtisch :)
Folg mir uf Instagram @emakrp und TikTok @ema.krip für meh!
- Mehr anzeigen
